PSALMS 3:4 - Navajo Bible

⁴ Bóhólníihii chánahgo náoshkąąhgo bihodiyingo dah yisk'idę́ę́' shich'į' ééhoosįįd. Síilah.

PSALMS 3:4 ပူးပေါင်းရင်းမြစ်များ

GENESIS 15:1

Díí bik'ijį' Éíbram bił áhoodzaago Bóhólníihii bizaad yidiizts'ą́ą'go ání, T'áadoo nił yé'í, Éíbram; shí ninaage' nishłį́, índa ayóó át'éego nich'į' niná'doodléełii nishłį́.

PSALMS 119:114

Nine' ahinishchéehii áádóó shinaage' nílį́; nizaad bee shił chohoo'į́.

PSALMS 138:3

Ná'ooshkąąhgo sodiszin yę́ędą́ą́' shich'į' ééhosínísįįd; dziil bee shii' sizíinii bidziilgo íinilaa.

PSALMS 18:3

Bóhólníihii aa ha'niih yą́ą́h nilíinii náoshkąąh doo, áko shi'ana'í danilíinii yits'ą́ąjį' yisdáshiiłteeh dooleeł.

PSALMS 2:6

Záíyan shidził diyinii bighą́ą́'dóó aláahgo naat'áanii shá nant'áa dooleełii dah biníłdá.

PSALMS 27:6

K'ad lá índa shida'ana'í bik'eh dishdlį́įgo de áshidi'doolnííł, áádóó biníbaal bii' hodílzinii biyi' shił hózhǫ́ǫgo Bóhólníihii bich'į' náá'iishniih doo; t'áá aaníí, Bóhólníihii baa hashniihgo bich'į' hashtaał doo.

PSALMS 28:7

Bóhólníihii bee shidziilii áádóó shinaage' nilį́; shijéí bee baa jííníshłíigo shíká análwo'; éí bąą shijéí t'áá íiyisí bił nihoozhǫǫhgo shiyiin bee baa hashniih doo.

PSALMS 34:4

Bóhólníihii hanishtáago shich'į' ééhoosįįd, áádóó bik'ee shił yée'ii t'áá ałtso yits'ąą yisdáshííłtį́.

PSALMS 34:6

Diné hojooba' át'éii nishłíinii Bóhólníihii bich'į' sodeeszingo shidiizts'ą́ą́', áádóó bee shich'į' nahwii'náanii t'áá át'é bii'dę́ę́' yisdáshííłtį́.

PSALMS 43:3

Nits'ą́ą́dę́ę́' adinídíinii índa nit'áá aaníinii bee i'díłdlaadgo bíni'dii shiyoołááł; nidiyingo dah yisk'idgi kééhót'į́įjį' bíni'dii shił iikááh.

PSALMS 50:15

Nihide áhoot'įįhgo nídashiinohkąąh, áko yisdánihideeshnił áádóó ayóó át'éego shaa dahohniih doo.

PSALMS 62:8

Diné danohłíinii, t'áá áłahjį' Diyin God baa dadzíínóhłí. Bídin danohłíinii t'áá ałtso danihijéí tł'ááhdę́ę́' bee bi ł dahołne'. Diyin God bine' ahiniichéehii nihá nilį́. Síilah.

PSALMS 84:12

T'áá ałtsoní bee Bóhólníihii nílíinii, diné naa dzólíii éí bik'ihojidlí!

PSALMS 89:19

Nidiyį́į́' nilíinii łah ił áhát'į́ bee bich'į' háínídzíi'go ádííníniid, Ayóó ábóodziilii bíká eeshwod. Diné bitahdóó nídiiłtíinii binahat'a' bidziilgo íishłaa.

PSALMS 91:15

Shich'į' sodoolzingo bich'į' énáhodeesįįł; bich'į' nahwii'náago bił honishłǫ́ǫ doo. Yisdádeeshtééł áádóó shił nilį́į doo.

PSALMS 99:9

Bóhólníihii nihiDiyin God ayóó át'éego ádeínóhsin! Bidził dílzinii si'ą́ądi bich'į' nidahohłá, háálá Bóhólníihii nihiDiyin God hó jidiyin!

PROVERBS 2:7

T'áá ákogi ádaaníiłii yá hódzą́ yá'át'éehii hasht'e'niyiinííł. T'áá ákóne' át'éego deíkáahii yá naagé nilį́.

ISAIAH 65:24

Áádóó baa hodoolzhishgo t'ah doo nída'ookąąhgóó bich'į' ééhodeesįįł; t'ahdii yádaałti'go dideests'į́į́ł.

LAMENTATIONS 3:56

Nich'į' sodiszingo shiinéé' disíníts'ą́ą́': nich'į' yishchago t'áadoo jé'áhodílkałí.

MATTHEW 7:7

Da'íínóhkeed, áko deínóhkeedígíí nihaa dadoolyééł; hádaaht'į́, áko hádaaht'ínígíí bik'ídadoohkah; dáádílkał nídanołts'in, áko nihá ąą ádadoolnííł.

JAMES 5:13

Nihitahgiísh ła'da bich'į' nahwii'ná? Bíni' éí sodilzin. Ła'daásh bił hózhǫ́? Bíni' éí Diyin God yaa haniihgo hataał.