PSALMS 3:3 - Navajo Bible

³ Nidi ni, Bóhólníihii nílíinii, shinaage' nílį́; bee ił nishłíinii áádóó dah neesht'áałgo áshósinii nílį́.

PSALMS 3:3 ပူးပေါင်းရင်းမြစ်များ

GENESIS 15:1

Díí bik'ijį' Éíbram bił áhoodzaago Bóhólníihii bizaad yidiizts'ą́ą'go ání, T'áadoo nił yé'í, Éíbram; shí ninaage' nishłį́, índa ayóó át'éego nich'į' niná'doodléełii nishłį́.

GENESIS 40:13

Táá' yiską́ągo Féro ch'éenidoołt'eełgo ninaanish naa néididoo'ááł, áádóó Féro bibee adlání bee t'áá nahdę́ę́' baa ná'íkááh nít'éé' yę́ę bee bílák'ee nínáá'íkáah doo.

II KINGS 18:30

Heziikáíyah éí Bóhólníihii baadadzíínóhłíigo ánihólééh lágo kóníigo, Bóhólníihii t'áá aaníí yisdánihidoonił; díí kin haal'áii Asíriya dine'é aláahgo binanit'a'í doo baa didoot'áał da.

II KINGS 18:32

Deesháałjį' kéyah t'áá nihí danihikéyah át'éhígi át'éego kéyah bikáá' tł'oh naadą́ą́' áádóó wáin ániidíii bii' dahólǫ́ǫjį', kéyah bikáá' bááh índa ch'il na'atł'o'ii dahólóníjį', kéyah bikáá' áliv naazkaadii bik'ah índa tsés'ná bitł'izh dahólǫ́ǫjį' bich'į' ninihideesh'ish, áko dahinohnáago doo dadínóohnée ł da; Heziikáíyah éí t'áadoo deísółts'ą́'í; éí doo ákóne' anihi'ééshgóó kóní, Bóhólníihii éí yisdánihidoojih.

II KINGS 25:27

Nít'éé' Júdah dine'é aláahgo binanit'a'í Jehóíyakin yisná nilį́įgo tádiindóó ba'aan tsosts'id náhááh góne' naakits'áadah nídízííd binih naadiin tsosts'id jį́į́ góne' Íívil-meródak éí Bábilan dine'é aláahgo yinanit'a'í silį́į'go Júdah dine'é aláahgo binanit'a'í Jehóíyakin awáalyaadę́ę́' ch'éiníłt'e'.

PSALMS 110:7

Atiin bąąhgóó tó nílínígi ákwii tó jidoodlį́įłgo de dah jidínóot'ááł.

PSALMS 119:114

Nine' ahinishchéehii áádóó shinaage' nílį́; nizaad bee shił chohoo'į́.

PSALMS 18:2

Bóhólníihii éí tsé shá nilį́, índa bine' adziihii shá nilį́, áádóó yisdáshiiłteehii nilį́; shiDiyin God éí bee shidziilii nilį́įgo bine' ahinishchééh; shinaage' índa adziil bee yisdáhásháahii nilį́įgo bikáá' nehesdzíihii nilį́.

PSALMS 27:6

K'ad lá índa shida'ana'í bik'eh dishdlį́įgo de áshidi'doolnííł, áádóó biníbaal bii' hodílzinii biyi' shił hózhǫ́ǫgo Bóhólníihii bich'į' náá'iishniih doo; t'áá aaníí, Bóhólníihii baa hashniihgo bich'į' hashtaał doo.

PSALMS 28:7

Bóhólníihii bee shidziilii áádóó shinaage' nilį́; shijéí bee baa jííníshłíigo shíká análwo'; éí bąą shijéí t'áá íiyisí bił nihoozhǫǫhgo shiyiin bee baa hashniih doo.

PSALMS 4:3

Nidi díí nihił béédahoozįįh: Bóhólníihii éí Diyin God k'ehgo át'éii t'áá sahdii ádá ats'áiníłtį́; Bóhólníihii náoshkąąhgo shidiits'a'.

PSALMS 62:7

Bee yisdáhásháahii áádóó bee ił nishłíinii Diyin God bílák'ee silá. Diyin God éí tsé bee shidziilii nilį́, áádóó bine' nehesdzíihii nilį́.

PSALMS 84:11

Háálá Bóhólníihii Diyin God éí jį́honaa'éí áádóó naagé nihá nilį́. Bóhólníihii bee ajooba' índa bits'ą́ą́dóó bee ił ídlíinii eidii'aah. T'áá ákóne' át'éego deíkáahii éí yá'ádaat'éehii łá'í nidi doo yits'ą́ąjį' hwííléeh da.

ISAIAH 45:25

Bóhólníihii bee Ízrel dine'é t'áá ałtso t'áá ákogi ádaat'éego bá ha'doodzihgo baa dahaniih doo.

ISAIAH 60:19

Jį́įgo jį́honaa'éí doo bee ná adinídíin da doo, doo nidi tł'ééhonaa'éí bee ná adinídíin da doo, nidi Bóhólníihii éí hool'áágóó ná adinídíín índa niDiyin God bee nideezlíidii ná nilį́į doo.

LUKE 2:32

doo Jew dine'é danilíinii éí adinídínígíí bá bee ééhózinii át'é, áádóó t'áá éí yee nidine'é Ízrel ayóó át'éii dadooleeł.

DEUTERONOMY 33:29

Nihił dahózhǫ́, Ízrel dine'é nohłíinii, háísh nihígi át'éego diné danilį́įgo Bóhólníihii yisdábíínil? Éí naagé nihíká análwo'ii nilį́, índa bí nihidiltłish aláahdi át'éego ánihósinii nilį́; nihi'ana'í łídanihidilchí ádahodil'į́į doo, índa dah daask'id bighą́ą'di bits'ą́ą́' bik'i naahkai doo.

REVELATION 21:11

Éí Diyin God bee bits'ádi'nílíidii bee bits'ádi'nílíidgo, bits'ádi'nílídígíí tsé ílíinii bik'i nizdidlaadígíigi át'é, jásper wolyéhígíí nahalingo, tséghádi'nídíniigi át'éego niłtólí.

REVELATION 21:23

Éí kin haal'áadi jį́honaa'éí, doodaii' tł'éhonaa'éí ádin, háálá Diyin God bee bits'ádi'nílíidii bee adinídíín, áádóó Dibé Yázhí nilíinii bee adinídíinii nilį́.