PSALMS 27:4 - Navajo Bible

⁴ Ts'ídá t'ááłá'í t'éí Bóhólníihii bííkeed: éí íiyisí hásht'į́įgo Bóhólníihii yee ayóó ánóolninii haasíidgo bikin bii' sohodizin biyi' na'ídíshkid doo biniyé bii' kééhasht'į́įgo shíyoołkáał dooleeł.

PSALMS 27:4 ပူးပေါင်းရင်းမြစ်များ

II SAMUEL 21:1

Nít'éé' David bíyoołkááł yę́ędą́ą́' táá' nááhaijį' hodííchįįd. David éí Bóhólníihii nayídééłkid, áádóó Bóhólníihii hach'į' haadzíi'go áhodííniid, Saul yę́ę áádóó ba'áłchíní ahoolchíiłii bił dił nidaashchxii'go ída'iilaa; jó, Gíbiyan dine'é nideistseed; éí bąą áhát'į́.

PSALMS 23:6

T'áá aaníí yá'ádaat'éehii índa aa a'ááh hasinii éí ni'níłdįįd bijį́įjį' shił hólǫ́ǫ doo, áádóó índa hool'áágóó Bóhólníihii bikin biyi' kééhasht'į́į dooleeł.

PSALMS 26:6

Bóhólníihii nílíinii, sha'át'e' ádingo shíla' tánínásgis doo, áko nibikáá' náá'iiniihí bináásháał doo,

PSALMS 26:8

Bóhólníihii nílíinii, nikin bii' sohodizin góne' kééhót'į́įgi áádóó bee ił nílíinii hólǫ́ǫgi ayóó'íínísh'ní.

PSALMS 27:8

Háshidíní'į́į́', shidííníniidgo shijéí áníłní, Bóhólníihii nílíinii, hándésh'į́į́'.

PSALMS 50:2

Záíyan ayóó ánóolninii hadaałt'éii biyi'dóó, Diyin God adiníłdíín.

PSALMS 65:4

Nídiniłtíinii nikin bił haz'ání góne' kééhat'į́į doo biniyé t'áá áháníjį' níínílóozii éí bik'ihojidlí. Nikin, t'áá éí nikin bii' sohodizin hodiyin haz'ą́ą́dóó yá'ádaat'éehii dahólónígíí bee hwiih daniidlį́į doo.

PSALMS 84:10

Jó, t'áá háadida t'ááłáhídi míildi hwee i'íí'ą́ biláhídi át'éego nikin bii' sohodizingi hwee i'íí'ą́ą́jí agháago yá'át'ééh. Diné doo yá'ádaashóonii dabiníbaal bii'góó kééhasht'į́į dooleełígíí biláhídi át'éego shiDiyin God bikin bidáádílkał baa áháshyą́ą dooleełjígo shił yá'át'ééh.

PSALMS 84:4

Nikin yii' kéédahat'íinii éí bik'idahojidlí! Éí áłahjį' naa dahaniihgo dahataał. Síilah.

PSALMS 90:17

Bóhólníihii nihiDiyin God yee jooba'ii nihik'igi hólǫ́ǫ le'. Áádóó nihíla' bee bindashiilnishii bohoníłdzilgo nihá ánílééh. T'áá aaníí, nihíla' bee bindashiilnishii bohoníłdzilgo ánílééh.

JEREMIAH 29:13

Nihijéí t'áá át'é bee shíká ádaoht'į́įgo hádashídóh'į́į́' índa shik'ídadoohkah.

DANIEL 9:3

Áko hodíínísingo doo ashą́ą́góó tł'oh yishbizhii shi'ée'go łeeshch'iih ák'éhésgazgo sodiszingo ná'ooshkąąhgo Bóhólníihii Diyin God bich'į' déé'į́į́'.

ZECHARIAH 9:9

Záíyan bich'é'é nílíinii, ayóó át'éego nił nihoozhǫǫh; Jerúsalem bich'é'é nílíinii, nił hózhǫ́ǫgo dílwosh. Aláahgo niNanit'a'í ts'ídá t'áá ákogi át'éii índa yisdánídoołtéełgo a'ohgo át'éego índa télii, jó, éí télii yázhí yik'i dah sidáago nich'į' bił yigááł, jó'akon.

MATTHEW 6:33

Nidi Diyin God bee bóhólníihgo bił haz'áanii áádóó yee ts'ídá t'áá ákogi át'éii alą́ąjį' hádaaht'į́, áko éidí t'áá ałtso nihá bíidoolyééł.

LUKE 10:42

nidi t'ááłá'í t'éiyá aláahdi ílį́. Mary éí ílínígíí ádeideet'ą́, éí doo bighadidoot'áał da.

LUKE 13:24

Áhoołts'óózígo yah ahóót'i' góne' yah adahidoohkahgi yéego hádaaht'į́, háálá ánihidishní, T'óó ahayóí ákóne' yah adahidookahgi ch'ééh ádeił'į́į doo, nidi doo yídaneel'ą́ą da doo.

LUKE 18:1

Áádóó diné t'áá áłahjį' sodadilzin dooleełgo, áádóó doo bąąh nidahwiikaad da doo biniyé, hane' bee ak'idi'dootį́įłii bee bił hojoolne'go

LUKE 2:37

áádóó t'áá bąąh áhásdįįdii jílį́įgo tseebídiindóó ba'aan dį́į́' nááhai. Áko kin bii' sohodizin bił haz'ánígi doo bits'ájígháah da, tł'ée'go índa jį́įgo nidi t'áadoo ajiyání sodizin bee Diyin God bich'į' nahojiłá.

II CORINTHIANS 3:18

Áko nihí t'áá áníiltso t'áadoo nihinii'jį' bik'ída'asti'í bii' adéest'į́į́' biyi'jį' adéest'į́'ígi át'éego Bóhólníihii bee bits'ádi'nílíidii daníil'į́, áádóó Bóhólníihii éí Níłch'i Diyinii nilį́įgo nihiyi' naalnishgo Bóhólníihii bits'ádi'nílídígi át'éego t'áá ałkéé' honí'ą́ągo nihí ałdó' nihits'ádi'nílííd dadiidleeł.

II CORINTHIANS 4:6

Diyin God éí, Chahałheeł biyi'dę́ę́' adinídíin le', dííniidii t'áá éí Christ binii' yik'i diiłdíinii nihił béédahodoozįįł biniyé bee bits'ádi'nílííd bee bééhózinii nihijéí yii' dííłdíín.

PHILIPPIANS 3:13

Shik'isóó, shí nidi éí díí ch'ídasé'ánígíí t'ah doo shee haleehgóó shił bééhózin, nidi shikéédę́ę́' danilíinii baa yisénah áádóó shilą́ąjį' hólónígíí t'éiyá t'áá íináwołí bee bíká yisdziłgo t'ááłáhígo haz'ánígíí t'éiyá baa naashá.

I TIMOTHY 5:5

Asdzání t'áá aaníí bąąh áhásdįįdii áádóó t'áadoo bik'i dóldzíłíii éí Diyin God bee bił chohoo'į́, áko t'áá ákwíí tł'éé' áádóó t'áá ákwíí jį́ ná'ookąąhgo sodilzin.

HEBREWS 11:6

T'áá háiida hwe'oodlą' t'áágééd éí Diyin God ts'ídá doo bił hojíshǫ́ǫ le' át'ée da. Háálá t'áá háiida Diyin God baa deeshááł jinízinígíí éí Diyin God hólǫ́ǫgo índa t'áá éí hádaat'íinii yik'ijidlí jinízingo ts'ídá joodlą́ą doo.

I SAMUEL 1:11

Áko ádee hadzoodzíi'go ádee nihozhdeet'aahgo ázhdííniid, T'áá ałtsoní bee Bóhólníihii nílíinii, íinínízingo shí ná naal'a'í nishłíinii shich'į' nahwii'nánígíí baa ákonínízingo shéénílniih áádóó t'ááká shaa yóónééh, nidi íinínízingo shiyáázh hodooleełgo be'iina' ninít'i' bijį́įjį' t'áá át'é níí' dooleeł; bitsii' ts'ídá doo k'ídoogish da.

I SAMUEL 22:10

Áko éí Bóhólníihii bich'į' David yá sodoolzin, áádóó ch'iyáán ła' ya'níłtsood, índa Filístiya diné Goláíyath bidiltłish yeinítą́.

I SAMUEL 30:8

Áko David éí Bóhólníihii náyookąąh, Da' díí dabi'disnánígíísh bikéé' nídiishyeed? Da' shónídeideesht'eełísh? Nít'éé' áhodííniid, Bikéé' nídiilyeedgo t'áá aaníí t'áá ałtso shónéidííłt'eeł.