PSALMS 27:3 - Navajo Bible

³ Azhą́ t'óó ahayóí shik'iidoojah biniyé shinaagóó niheeznáa nidi, shijéí doo bee nitsináshtłi' da doo; azhą́ shik'i dah adishjée' nidi, Bóhólníihii baa jííníshłíi doo.

PSALMS 27:3 ပူးပေါင်းရင်းမြစ်များ

PSALMS 3:6

Shinaagóó neeznáadi mííl diné shik'iidoojah biniyé nidahaaznánígíí doo binásdzid da dooleeł.

I PETER 3:14

Azhą́ ts'ídá t'áá ákogi ádaaht'ínígíí biniinaa ti'dahoohníih nidi, nihik'idahojidlíigo át'é. Áádóó yee ił dahółhée'ii t'áadoo bik'ee nihił daayé'í, índa t'áadoo ádił dahonohdlání.

PHILIPPIANS 1:28

Nihits'ą́ą́jí danilíinii ts'ídá t'áadoo bik'ee nihił daayé'í. Jó, éí áhodidooldįįłígíí bee hwéédahózinii át'é, nidi nihíjí t'éiyá yisdánihidi'doo'niłígíí Diyin God bits'ą́ą́dę́ę́' bee nihééhózinii át'é!

REVELATION 2:10

Bik'ee ti'dahwiidoohnihgo bich'į' hoolzhishígíí t'áadoo bik'ee nihił daayé'í. Jó'akon, nihí dahodínóotahígíí biniyé níłch'i bida'iiníziinii binanit'a'í k'adę́ę nihí ła' awáalyaa góne' anihiiłtł'iid, áádóó nihich'į' nidahwii'náago neeznáá yidoołkááł. T'áá dasinoonáajį' hada'íínółní, áko iináájí naat'á ch'ah nihitaa deeshnih.

JOB Naaltsoos Biyi' Job Baa Hane'ii 4:6

Da' doósh Diyin God díínísinígíí bee baa dzíínílíi da? Da' doósh t'áá ákóne' ánít'éhígíí bee nił chohoo'į́į da?

PSALMS 52:6

T'áá ákogi ádaaníiłii éí ałdó' deidoołtséełgo Diyin God deidísin doo áádóó haa daadlohgo ádadidooniił.

II CHRONICLES 20:15

Áádóó ání, Júdah dine'é áádóó Jerúsalem kin haal'áagi kééhoht'íinii t'áá ánółtso índa Jiiháshafat aláahgo naat'áanii nílíinii, da'íísółts'ą́ą́'; Bóhólníihii kónihiłní, Díí ayóó át'é dah oonéłígíí biniinaa t'áadoo béédaałdzidí, áádóó t'áadoo bik'ee nisidaahdáhí, háálá nihí doo anadadooht'įįł da, nidi Diyin God anadoot'įįł.

I SAMUEL 19:8

Áádóó anaa' nááhásdlį́į'go David dah diiyáago Filístiya dine'é yił da'ahoogą́ą'go t'óó ahayóí neistseed, áádóó ła' éí hak'ee yóó'aheezhjéé'.

PSALMS 3:7

Bóhólníihii nílíinii, díldzííł! ShiDiyin God yisdáshíłteeh! Háálá shida'ana'í t'áá ałtso biniishjaa' náhidíníłhaal. Doo Diyin God k'ehgo ádaat'éii biwoo' dahíníti'.

PSALMS 112:7

Doo yá'át'ééhgóó hane'ii doo bik'ee bił yée' da; Bóhólníihii yaa dzólíigo bijéí bohoníłdzil.