PSALMS 26:2 - Navajo Bible

² Bóhólníihii nílíinii, hashísííd, áádóó shínítááh; shijéí índa shíni' nabínítaahgo hanisííd.

PSALMS 26:2 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 13:23

Doo ákwii áát'įįdii índa ádił ni'ayésíi'ii lá haa néelą́ą́'? Bee haz'áanii heshtíhígíí índa ádił ni'ayésíi'ii shił bééhonísįįh.

PSALMS 17:3

Tł'ée'go shaa hwííníle'go shijéí át'éegi háínísidgo nabínínítą́ą́'; doo yá'ádaat'éehii doo ła' shii' hólǫ́ǫ́góó nił bééhózin; doo t'áá k'ad bee haz'áanii heshtíihgo hahideesdzih da niizį́į́'.

PSALMS 66:10

Háálá ni, Diyin God nílíinii, nanihínínítą́ą́'. Béésh łigaii nabóhoneestą́'ígi át'éego nanihínínítą́ą́'.

PSALMS 7:9

Diné doo yá'ádaashóonii yaa nidaakaígíí ninít'i' le', nidi diné t'áá ákogi ádaat'éii hasht'e'síníłnil; jó, Diyin God t'áá ákogi át'éii nilíinii éí diné íinízinii índa bijéí haisííd.

JEREMIAH 20:12

Nidi t'áá ałtsoní bee Bóhólníihii nílíinii, t'áá ákogi ádaat'éii bééhózingo ádanile'ii, áádóó diné bíni' áádóó bijéí yee yaa nitsídaakeesii yíní'íinii, bíni'dii k'éébidídléehgo yideestsééł, háálá diné bił ałch'į' nidaasdzilígíí báá'dééłtsooz.

ZECHARIAH 13:9

Áko táá' góne' shijé'ígíí ánászįįdii kǫ' biyi' ch'ídeesh'ishgo béésh łigaii nídoolyį́'ígi át'éego índa óola kǫ' bee bóhoneestą́'ígi át'éego ádahodeeshłííł. Áko shízhi' yee shída'dókeedgo bich'į' ééhodeesįįłgo ábidideeshniił. Díí shidine'é danilį́į́ lá. Áádóó ádashididooniił, Hó éí Bóhólníihii shiDiyin God jílį́.