PSALMS 24:3 - Navajo Bible

³ Háíyee' Bóhólníihii bidah yisk'idgóó hadoogáałgo yíneel'ą́? Doodaléi' háíyee' bihodiyingo haz'ą́ągi yidoozįįłgo yíneel'ą́?

PSALMS 24:3 ပူးပေါင်းရင်းမြစ်များ

PSALMS 15:1

Bóhólníihii nílíinii, háishą' niníbaal bii' hodílzinii yii' hólǫ́ǫ doo? Háishą' nidził hodiyinii yikáá' kééhat'į́į doo?

HEBREWS 12:28

Éí bąą haa'íshą' aláahgo bee óhólníihgo bił haz'áanii niłdzilgo doo hizhdół'nááł át'éii nihee dahazlį́'ígíí baa ahééh daniidzin doo, áko haa'íshą' baa hasti'go dílzingo baa bił hózhǫ́ǫgo Diyin God bich'į' nidahwiidláa doo,

PSALMS 65:4

Nídiniłtíinii nikin bił haz'ání góne' kééhat'į́į doo biniyé t'áá áháníjį' níínílóozii éí bik'ihojidlí. Nikin, t'áá éí nikin bii' sohodizin hodiyin haz'ą́ą́dóó yá'ádaat'éehii dahólónígíí bee hwiih daniidlį́į doo.

MALACHI 3:1

Shá halne'ii deesh'aałgo shilą́ąjį' honít'i'go áhodoolííł, jó'akon, áádóó Bóhólníihii hadanohtáii t'áadoo hooyání bikin bii' sohodizingi hodoołeeł; bee aha'deet'áanii yaa halne'ii baa nihił dahózhóonii doogááł, jó'akon, ní t'áá ałtsoní bee Bóhólníihii.

PSALMS 2:6

Záíyan shidził diyinii bighą́ą́'dóó aláahgo naat'áanii shá nant'áa dooleełii dah biníłdá.

PSALMS 68:18

Aghánáhóó'áajį' hahosíníle'. Yisnááh t'áadoo bee néelą́'ígóó hashíní'eezh. Áádóó ákwii Bóhólníihii kééhat'į́į doo biniyé diné bitahgi aa deet'áanii naa dayiiznil; nidaalteehii nidi bitahgi ałdó' naa da'iiznil.

LEVITICUS 10:3

Ákohgo Mózes éí Éran ííłní, Bóhólníihii kóníigo díí yee haadzíí', Dinishyingo dashizdósingo shit'áahjį' nidajiikáah doo, áádóó diné t'áá ałtso binááł ayóó át'éego shaa ha'niihgo dashizdósin doo. Áko Éran t'óó déesyéél.

I CHRONICLES 15:1

Nít'éé' David bikin haal'áhígi David t'áá bí ádá kin ádayiilaa, áádóó Diyin God bitsits'aa' dílzinii yá hasht'ehoolaago níbaal niiní'ą́.

JOHN 20:17

Jesus áhodííniid, T'áadoo shíínítą'í, háálá t'ah doo shiTaa' bich'į' nídíshdáah da, nidi nílááh, shik'isóó bich'į' dínáahgo, ShiTaa', t'áá éí nihí ałdó' nihiTaa' bich'į' nihéénísdzá, shiDiyin, t'áá éí nihí ałdó' nihiDiyin bich'į' nihéénísdzá, shá bididííniił.

JOHN 13:36

Nít'éé' Sáíman Peter áhodííniid, Bóhólníihii, háágóoshą' díníyá? Jesus ánááhodoo'niid, Déyáágóó k'ad doo shikéé' dóoya' át'ée da, nidi át'ah índa shikéé' yínáał doo.

EZEKIEL 44:5

Áko índa Bóhólníihii áshíłní, Diné nílíinii, kin bii' sohodizin si'ą́ągi bik'ehgo hoogáałii índa bibee haz'áanii t'áá ałtso bee nił hodeeshnihígíí éí t'áá át'é yíní'ínígíí índa dinits'a'ígíí hanisííd; kin bii' sohodizin góne' yah anídaakah dooleełii índa áádę́ę́' ch'éédaakah dooleełii ts'ídá hazhó'ó hadíísił.

EZEKIEL 44:9

Áko Bóhólníihii Diyin God kóní, Dé'éyóní éí Ízrel dine'é bitahgi kééhojit'íinii hajéí doo daalzį́į'ii índa doo hąąh náhineeshgizhii shikin bii' sohodizin góne' ts'ídá doo yah azhdoogáał da.