PSALMS 2:9 - Navajo Bible

⁹ Éí béésh hał bee k'ídahidííłhał; ásaa' ííł'íinii bileets'aa' nihízdeestsxis nahalingo nihídadidííłtxisgo ałtso didoozéí.

PSALMS 2:9 ပူးပေါင်းရင်းမြစ်များ

PSALMS 89:23

Bidáahjį' bi'ana'í danilíinii bik'eh dideeshdleeł, índa bik'ee dadiniihii naa'abízhdiyeeshxal.

ISAIAH 30:14

Áádóó hashtł'ish łeets'aa' jists'ilgo díízéígíí nahalingo yidoołts'ił; doo ła' áidoosįįł da, áko díízéígíí doo ła' kǫ' bii'dę́ę́' tsííd bii'dóó nídidoot'áał da, doodaii' tó hahadleehdóó tó bee nídidoodziłgo doo bik'ídí'nóotáał da.

ISAIAH 60:12

Jó, ał'ąą dine'é índa bee ídahólníihgo bił nahaz'ą́ą́góó doo ná chodao'íinii éí ádadoodįįł, áádóó índa t'áá aaníí éí ał'ąą dine' é ts'ídá t'áá ákohígo dazhdooleeł.

JEREMIAH 13:14

Áádóó azhé'é danilíinii índa aye' danilíinii bił ahínídahodiistsxis doo. Doo hak'édí deeshłeeł da áádóó ła' doo ááhodeesįįł da índa doo haa a'ááh dínéesįįł da, nidi ałtso atíhodeeshłííł, ní Bóhólníihii.

JEREMIAH 19:11

áádóó ábididííniił, T'áá ałtsoní bee Bóhólníihii kóní, Ásaa' ííł'íní éí tó bee naat'áhí hashtł'ish yee áyiilaii ła'da yists'ilgo doo hasht'enáólne'ígi át'éego t'áá ákót'éego díí dine'é áádóó díí kin haal'áhígíí dideeshtah índa Tófetgi yóó'áda'alne' doo, háálá łahgóó doo nááhást'ą́ą da.

DANIEL 2:44

Áko aláahgo naat'áanii danilíinii bídayéełkaah bijį́ yá'ąąshiidę́ę́' Diyin God éí bee óhólníihgo bił haz'áanii chánah íidoolíiłii ts'ídá doo wóchxǫǫh át'ée da doo. Ts'ídá doo ła'da bee hóhólníih da doo; díí bee óhólníihgo bił dah nidahaz'áanii ałtso bił nihoníyáa doo, nidi éí bee óhólníihgo bił haz'áanii hool'áágóó hólǫ́ǫ doo.

DANIEL 2:45

Dził bąąhdóó tsé doo yílá bee haalne'ii e'elyaii bístałgo yiniłtsáanii éí béésh nitł'izii, béésh łitsoii, hashtł'ish, béésh łigaii índa óola ałtso yidííséí. Áko, aláahgo naat'áanii nílíinii, Diyin God Ayóó'át'éii éí náásgóó ádahodooníłígíí yaa halne'go baa neisíníyeel; t'áádóo nídí ádooníiłii baa neisíníyeelgo yaa halne'.

MICAH 5:8

Náshdóítsoh bitsiijį' ditł'ooígíí tsintahdóó naaldlooshii yitaaghá nahalingo áádóó náshdóí yáázh éí dibé yitaagháhígi át'éego Jéíkab dine'é yidziihígíí doo Jew dine'é danilíinii lą'í bitahgi yitaadaakai doo. Éí yitahgóó yigáałgo yik'i nidoogaał índa niidiyoonishgo doo ła'da yisdábidoołtéeł da.

MATTHEW 21:44

[Áádóó t'áá háiida díí tsé bik'ijį' ajíígo'ígíí nihizhdooltǫǫł, nidi t'áá háiida hak'ijį' naalts'idígíí ch'íhodoołk'ááł.]

REVELATION 12:5

Hayáázh jishchį́, éí ał'ąą dine'é bił dah nidahaz'áanii bitahgóó t'áá ałtso béésh hał yee yinant'áa doo, nidi hwe'awéé' nídiiltį́įgo Diyin God índa bibikáá'dóó nahat'áii bich'į' eeltį́.

REVELATION 19:15

Diltłish deeníinii bizéé'dę́ę́' hadzisihgo ał'ąą dine'é bił dah nidahaz'ą́ą́góó yee yik'eh didoodleeł áádóó béésh hał yee yinant'áa doo; ch'il na'atł'o'ii bee yiljizhii bee Diyin God Aláahgo Ayóó'ábóodziilii t'óó báhádzidgo bibee até'él'íinii yąąh haidoonih.