PSALMS 2:4 - Navajo Bible

⁴ Yá gháhóką́ądi Bóhólníihii dah sidáii haa ch'ídidooldlohgo há nahodoołt'ih.

PSALMS 2:4 ပူးပေါင်းရင်းမြစ်များ

II KINGS 19:21

Díí saad éí hodéét'i'go Bóhólníihii yee haadzíí', Ch'ikę́ę́h Záíyan bich'é'é nilíinii niz'įįdgo áádóó neiidlohgo ná nahast'i'; Jerúsalem bich'é'é nilíinii nich'į' bitsiits'iin yiyíígháád.

PSALMS 11:4

Bóhólníihii éí diyingo bikin bii' sohodizin yii' hólǫ́; Bóhólníihii bibikáá'dóó nahat'áii yá'ąąshdi hólǫ́; nihokáá' diné yoo'į́ áádóó haisííd.

PSALMS 115:3

NihiDiyin God yee' yót'ááh hiníláadi hólǫ́; t'áá ádeeshłííł nízinígíí áyoolííł.

PSALMS 123:1

Yádiłhił biyi'di kééhót'íinii dego nich'į' ííghal!

PSALMS 37:13

éí Bóhólníihii t'óó haidloh doo, háálá éí bijį́ há nihonít'i' dooígíí bił bééhózin.

PSALMS 53:5

Ts'ídá doo nídaaldzid da nít'ée'gi áadi ayóó át'éego nídaasdzííd! Háálá nik'iijeeh yiniyé hasht'e'ádadiilyaaígíí dabits'in éí Diyin God tayooskaad. T'óó baa yáhásinígi ádahwiinilaa, háálá Diyin God doo biniizį́į' da.

PSALMS 59:8

Nidi Bóhólníihii nílíinii, éí t'óó haídloh doo. Ał'ąą dine'é t'áá ałtso t'óó baa oodlohgo íínísin doo.

PSALMS 59:9

Nidziilígíí bąą niba' ánísht'ée doo, háálá shiDiyin God nilíinii bine' adziihii shá nilį́.

PSALMS 68:33

T'áá shiidą́ą'dii yót'áahdi hiníláii yikáá' náhodididleehii bich'į' dahohtaał. Jó'akon, hahadziihgo biinéé' ayóó íits'a'.

PROVERBS 1:26

Éí bąą shí ałdó' bááhádzidgo áhooníiłii bee nihił hodeeshzhiizhgo nihaa anáshdloh doo. Nídasoołdzíidgo nihá nahasht'i' doo.

ISAIAH 40:22

Nahasdzáán biláahdi aghánáhóó'áadi dah sidáii nilį́, áádóó binááł nihokáa'gi kéédahojit'íinii nahachagii nidahojílin; ata'naníbaalí nahalingo áádóó níbaal bii' hooghanígi át'éego yádiłhił yiníłbaal;

ISAIAH 57:15

Áko Aghánáhóó'áadi Hólóonii áádóó Ayóó'át'éii, éí hool'áágóó hólóonii áádóó bízhi' diyinii kóní, Wódahgo áádóó diyingo haz'ą́ągi honishłǫ́; ąąh bíni'ígíí áádóó a'ohgo á'dólzinígíí ałdó' bił honishłǫ́, áko a'ohgo át'éhígíí índa ąąh bíni'ígíí bijéí náhiidoo'nąął.

ISAIAH 66:1

Bóhólníihii kóní, Yádiłhił éí shibik'i dah asdáhí bikáá'dóó nahash'áii át'é, áádóó nahasdzáán éí shibik'i dah adées'eezí át'é; háadish kin shá ádaohłééh? Índa háadish éí shihóoghahgo hanáshyį́įh doo?