PSALMS 2:1 - Navajo Bible

¹ Ha'át'íí lá biniyé ał'ąą dine'é ádá nídahojilchįįh, índa dadine'é éí t'áadoo biniyéhígóó nidahoji'á?

PSALMS 2:1 ပူးပေါင်းရင်းမြစ်များ

REVELATION 17:14

Éí Dibé Yázhí nilíinii yich'į' anaa' ádahodoolííł, nidi Dibé Yázhí nilíinii áádóó bíká ádahodoo'niidii áádóó bitah dahaasdláa'ii índa bada'ahódlíii bił naakaigo bik'eh dadidoodleeł, háálá Dibé Yázhí nilíinii éí bídahólníihii bee Bóhólníihii nilį́, áádóó aláahgo naat'áanii danilíinii yiNanit'a'í nilį́.

PSALMS 46:6

Ał'ąą dine'é ádéédahooldzííd; ał'ąą dine'é bee bóhólníihgo bił nahaz'ą́ą́góó dah nidaasdááz. Haadzíi'go nahasdzáán dííłhį́į́'.

PSALMS 21:11

Doo yá'át'éehii yee nik'i dahodidoo'ááł yiniyé nindaha'ą́; nindahazgizgo nindahaz'ą́. Ákódadooníłígíí ts'ídá doo yídaneel'ą́ą da.

MATTHEW 21:38

Nidi ch'il na'atł'o'ii yaa ádahalyánígíí haye' dayiił tsą́ągo áda'ahidoo'niid, Díí ch'il na'atł'o'ii bíí' dooleełígíí át'į́į́ lá; sołtį', dadiyiilyééł, áko bíí' dooleeł yę́ę nihíí' dadooleeł.

ISAIAH 8:9

Dine'é danohłíinii, t'áá nihí wołí bee ádaaht'į́įgo áádóó kódaníshéhégo ałtso nidahidoołtǫǫł; kéyah nidahonees'ą́ą́dę́ę́' nidaahkaígíí da'íísínółts'ą́ą́': t'áá nihí áká dasoołzaazgo kódaníshéhégo ałtso nidahidoołtǫǫł; t'áá nihí áká dasoołzaazgo kódaníshéhégo ałtso nidahidoołtǫǫł.

PSALMS 18:42

Áko níyol bidáahjį' łeezhgi át'é daazlį́į'jį' bik'ída'iisíłhaal; kintah nida'aztiingi łeezh nahjį' ajii łkaad nahalingo nahjį' ahéłkaad.

ACTS 5:33

Áko díí deidiizts'ą́ą'go, t'áá íiyisí yik'ee bádahazhchįįdgo nidahodiiltsxił daniizį́į́'.

LUKE 18:32

Háálá doo Jew dine'é danilíinii baa hodi'doot'ááł, áko há nidahodoołt'ih, áádóó baa yáhásinígi ádahodoolííł índa hak'ídahididoozhah;

ACTS 16:22

Áko áłah silį́'ígíí hach'į' nídiizą́ągo hak'iijéé', áádóó naat'áaniishchíín danilíinii ha'éé' hak'i nidayiizǫ́ǫzgo náhodí'nóolghałgo yee dahooł'a'.

LUKE 22:5

Áádóó bił dahóózhǫǫdgo béeso haa deidooniłgo há dahodeez'ą́.

PSALMS 46:7

T'áá ałtsoní bee Bóhólníihii éí nihił hólǫ́. Jéíkab biDiyin God bine' adahiniichééh. Síilah.

PSALMS 57:9

Bóhólníihii nílíinii, diné bitahgóó naa hashniih doo. Ał'ąą dine'é bitahgóó naa hashniihgo nich'į' hashtaał doo.

PSALMS 74:23

Ni'ana'í danilíinii hahóół'áago hahosiyiilts'įįhígíí áádóó nik'ijį' nídahidiikáahii t'áá áłahjį' t'óó honaałgo nidahodiłdlaadígíí doo beidiyíínah da!

PSALMS 83:3

Binda'adlo'go nidine'é yindaha'á; níí' danilíinii ayóó'ííní'nínígíí yiniyé ahéédadiikahgo yaa nídaat'į́.