PSALMS 18:3 - Navajo Bible

³ Bóhólníihii aa ha'niih yą́ą́h nilíinii náoshkąąh doo, áko shi'ana'í danilíinii yits'ą́ąjį' yisdáshiiłteeh dooleeł.

PSALMS 18:3 ပူးပေါင်းရင်းမြစ်များ

PSALMS 91:15

Shich'į' sodoolzingo bich'į' énáhodeesįįł; bich'į' nahwii'náago bił honishłǫ́ǫ doo. Yisdádeeshtééł áádóó shił nilį́į doo.

LUKE 1:71

éí nihí nihida'ana'í bits'ą́ąjį', índa nihik'ee dadiniihii t'áá ałtso bílák'eedę́ę́' yisdáhidiikah biniyé,

PSALMS 145:3

Bóhólníihii éí ayóó át'éii nilį́, áko t'áá íiyisí baa ha'niihgo yą́ą́h nilį́, índa yee ayóó át'éii doo nijółkaah át'ée da.

PSALMS 62:8

Diné danohłíinii, t'áá áłahjį' Diyin God baa dadzíínóhłí. Bídin danohłíinii t'áá ałtso danihijéí tł'ááhdę́ę́' bee bi ł dahołne'. Diyin God bine' ahiniichéehii nihá nilį́. Síilah.

II SAMUEL 22:4

Bóhólníihii náoshkąąh doo; éí baa ha'niihgo yą́ą́h nilį́. Kót'éego shi'ana'í danilíinii yits'ą́ąjį' yisdáshiiłteeh.

PSALMS 96:4

Háálá Bóhólníihii ayóó át'é áádóó t'áá íiyisí baa ha'niihgo áádóó diyin dabidi'níinii t'áá ałtso biláahgo dólzingo yą́ą́h nilį́.

PSALMS 55:16

Nidi shí éí Diyin God néideeshkąął, áádóó Bóhólníihii yisdáshidoołtééł.

PSALMS 50:15

Nihide áhoot'įįhgo nídashiinohkąąh, áko yisdánihideeshnił áádóó ayóó át'éego shaa dahohniih doo.

NEHEMIAH 9:5

Áko Líívai dine'é danilį́įgo Jéshuwa, Kádmiyel, Béínai, Hashabnáíyah, Sheriibáíyah, Hodáíjah, Shebanáíyah índa Pethaháíyah ádadííniid, Daohsįįhgo Bóhólníihii nihiDiyin God baa dahohniihgo hool'áágóó ahóyéel'áa doo; nízhi' ayóó át'éii éí ak'ihojidlíii índa aa ha'niihii biláahgo ayóó át'éego baa ha'niih doo.

REVELATION 4:11

Diyin God nihiBóhólníihii, ayóó é'ét'é áádóó ił ídlį́ índa óhólnííh bą́ą́h nílį́, háálá t'áá ałtsoní íinilaa, éí íinínízinii bee ádaalyaago dahólǫ́.

ACTS 2:21

Áko t'áá háiida Bóhólníihii bízhi' bee józhíigo níjooskanígíí yisdáhodoołtééł.

PSALMS 76:4

Ayóó át'éego nits'ádi'nílííd; dziłdi ana'í binaalye'é nidadeeztąądígíí biláahgo ayóó ánít'é.

PSALMS 48:1

Bóhólníihii ayóó át'éii nilį́, áádóó nihiDiyin God bikin haal'áagi, bidził hodiyinígi ayóó át'éego baa ha'niih doogo yą́ą́h nilį́.

PSALMS 3:4

Bóhólníihii chánahgo náoshkąąhgo bihodiyingo dah yisk'idę́ę́' shich'į' ééhoosįįd. Síilah.

PSALMS 31:4

t'áá nahont'inee shiniyé łoh niit'áanii biyi'dę́ę́' hááshíłteeh, háálá niniit'a hinishchéehii nílį́įgo ni t'éí nee shidziil.

PSALMS 62:3

Haa nízáágóó ach'į' nahwii'ná bee t'áá ánółtso diné bindahoh'áa doo? Áko tsé ahénátł'ingo nídíníizhoozhgo naałdaasígíí áádóó anít'i' diniitłóo'ii nahalingo bida'noołhį́.

PSALMS 71:3

Binahjį' bidziilgo kééhasht'íinii t'áá áłahjį' áajį' bine' ahinishchéehii shá nílį́į le'. Yisdáshidííłtéełgo bee háínídzíí', háálá tsé índa bine' naasdzi'ii shá nílį́.

PSALMS 91:2

Bóhólníihii éí bine' ahinishchéehii áádóó bine' yisdziihii, shiDiyin God baa jííníshłíii nilį́, dideeshniił.

PSALMS 144:1

Bóhólníihii bee shidziilii baa ha'niih doo; éí anaa' biniyé shíla' choosh'į́įgo nashinitin; anaa' dashił'íinii bich'į' shíla' bidziilgo áyósin.

JEREMIAH 16:19

Bóhólníihii nílíinii, nee shidziilgo bine' na'adzi'ii shá nílį́; shich'į' náhodii'náahgo bine' ahinishchéehii nílíinii, nahasdzáán nidahonees'ą́ą́dę́ę́' ał'ąą dine'é naahakáahgo t'áá aaníí danihizhé'é yę́ę wooch'ííd áádóó t'áadoo nánídlíinii índa doo bee a'ídeełii bíí' daazlį́į́', daaníi doo.