PSALMS 17:3 - Navajo Bible

³ Tł'ée'go shaa hwííníle'go shijéí át'éegi háínísidgo nabínínítą́ą́'; doo yá'ádaat'éehii doo ła' shii' hólǫ́ǫ́góó nił bééhózin; doo t'áá k'ad bee haz'áanii heshtíihgo hahideesdzih da niizį́į́'.

PSALMS 17:3 ပူးပေါင်းရင်းမြစ်များ

I CHRONICLES 28:9

Áádóó ni, shiye' nílíinii, Sálaman, nizhé'é biDiyin God bééhonísįįh índa nijéí t'áá át'é bee áádóó níni' nilį́įgo bá nanil'a', háálá Bóhólníihii ajéí t'áá át'é haisííd áádóó áhwiindzingo nitsáhákees t'áá ałtso bił bééhózin; hánít'į́įgo bik'ídíínááł, nidi yóó'adííní'ą́ągo bí ałdó' hool'áágóó yóó'andidoo'ááł.

I CHRONICLES 29:17

ShiDiyin God nílíinii, shí ałdó' shił bééhózin, ajéí nabínítaah áádóó t'áá ákogi ádaat'éii baa nił hózhǫ́. Shí éí shijéí bee nisinii bik'ehgo doo naaki nilį́į́góó díí t'áá ałtso naa nídiní'ą́; k'ad nidine'é kǫ́ǫ́ áłah nilínígíí bił dahózhǫ́ǫgo t'áá bí ádeinízingo naa náhidit'aahii ná adayiiznil.

JOB Naaltsoos Biyi' Job Baa Hane'ii 23:10

Nidi deeshááłgóó shá bił bééhózin; ałtso nashíneeztą́ą'go óola ąąh hadoolyį́'ígi át'éego ch'ídeeshááł.

JOB Naaltsoos Biyi' Job Baa Hane'ii 24:14

Hool'įįhgo diné neiłtseedii nídii'nahgo diné bahojoobá'íii áádóó hojooba' ádaat'éii neiłtseed łeh, áko tł'ée'go ani'įįhii nilį́į łeh.

PSALMS 11:5

Bóhólníihii éí t'áá ákogi ádaat'éii nayínítaah, nidi doo yá'ádaashóonii áádóó ádééhooldzíidgo hináanii ts'ídá yijoołxá.

PSALMS 119:106

Ádee hadeesdzíi'ii bi'deeshłííł: éí t'áá ákogi át'éego nibik'eh hoogáałii bik'eh honish'į́į doo.

PSALMS 139:1

Bóhólníihii nílíinii, hashíínísid áádóó shééhonísin!

PSALMS 139:23

Diyin God nílíinii, nashíłkaahígíí bee shijéí át'éii nił bééhoozį́į́'! Shínítáahgo shintsíkees át'éii nił bééhoozį́į́'!

PSALMS 16:7

Bóhólníihii shá na'ak'íyáłti'ii baa hashniih doo; tł'ée'go ałdó' shijéí nashinitin łeh.

PSALMS 26:2

Bóhólníihii nílíinii, hashísííd, áádóó shínítááh; shijéí índa shíni' nabínítaahgo hanisííd.

PSALMS 39:1

Shitsoo' bee doo ádił adeesziihígíí biniyé naasháágóó ádaa áháshyą́ą doo. Diné tsi'nidaakaii shinaagóó nidaakaigo shizaad baa áháshyą́ą doo, dííniid.

PSALMS 66:10

Háálá ni, Diyin God nílíinii, nanihínínítą́ą́'. Béésh łigaii nabóhoneestą́'ígi át'éego nanihínínítą́ą́'.

PSALMS 7:4

áádóó shich'į' k'énídzinii doo yá'át'éehii bich'į' naníláago, doodaii' t'áadoo biniinaanígóó shi'ana'í nilíinii bigha'ayéshnilgo,

PROVERBS 13:3

T'áá háiida bizaad yaa áhályą́ągo yáłti'ii éí hináa dooleeł, nidi diné t'áá ádzaagóó yádíłtihii yee átí'ádiil'įįh.

JEREMIAH 12:3

Nidi, Bóhólníihii nílíinii, ni éí shééhonísin. Shiiniłtsą́, ná hinishnánígíí nabínínítą́ą́'. Dibé nidadootsiłii bits'ázhnínil nahalingo bits'ánínííł, áádóó ła'a jį́ nidadootsiłígíí biniyé hasht'edahólééh.

JEREMIAH 50:20

Éí yoołkáałdi índa éí hoolzhishdi Ízrel dine'é yee ádił asiihii há'déest'į́į' doo, nidi ádin doo, áádóó Júdah dine'é yee ádił asiihii ch'ééh hádazhdídóo'įįł, háálá áádasísįįdii ádił nida'iisí'ígíí bá k'ééda'deeshchxǫǫł, ní Bóhólníihii.

HOSEA 7:6

Yindaha'áhígíí bee bijéí daniilchxii'go haa dahéeshjéé'; tł'éé' bíighah kǫ' diltłi'go abínígo t'óó tsé'édin diiltłi'ígíí nahalin.

MICAH 2:1

Bitsásk'eh yikáá' naazhjée'go doo ákwii át'éii yindahagizii bich'į' doo hojooba' ájíníi da! Yee hasht'enitsídaazkéezii hool'įįhgo bidziil yaa dadzólíigo doo shódaat'į́į da.

ZECHARIAH 13:9

Áko táá' góne' shijé'ígíí ánászįįdii kǫ' biyi' ch'ídeesh'ishgo béésh łigaii nídoolyį́'ígi át'éego índa óola kǫ' bee bóhoneestą́'ígi át'éego ádahodeeshłííł. Áko shízhi' yee shída'dókeedgo bich'į' ééhodeesįįłgo ábidideeshniił. Díí shidine'é danilį́į́ lá. Áádóó ádashididooniił, Hó éí Bóhólníihii shiDiyin God jílį́.

MALACHI 3:2

Nidi níyá bijį́įdi háishą' ha'ólníi doo áádóó níyáagoshą' háí yíníłdzil doo? Háálá kǫ' bee béésh dilyį́įhii nahalin índa táláwosh bee iilgáhígíí nahalin.

ACTS 11:23

Ákwii jiníyáago Diyin God bibee ajooba' baa ákozniizį́į'go, baa hoł hóózhǫǫd, áko, Da'iinohdlánígíí dziilí bee índa Bóhólníihii bí'ídóltą' nihíni' danilį́į le', dabijiníigo biyadahozhniiłįįd;

ACTS 16:9

Ákwe'é tł'ée'go Paul bił áhoodzaa: Masedóniyadę́ę́' diné léi' kóníigo náhookąąhgo sizį́įgo jiiłtsą́, Hágo, Masedóniya kéyahjį' tsé'naa ninínáahgo nihíká anilyeed.

I CORINTHIANS 4:4

Háálá ha'át'íhída doo ákogi é'ét'éii doo ła' ádá shił bééhózin da, ákondi éidíígíí doo bee shohodiit'i' da éí doo dishníi da. Nidi Bóhólníihii éí shaa nídóot'įįł.

II CORINTHIANS 1:12

Nihokáá' dine'é bitahgóó áádóó t'ah aláhídi át'éego nihí nihich'į'go diyingo índa Diyin God binááł t'áádóo nídí ádaa áhwiilyą́ągo hinii'náago nihił bééhózingo baa nihił dahózhǫ́ǫgo t'áá éí bee nisiidzį́. Éí doo nahasdzáán bikáá'dóó bee hódzáanii bik'ehgo íit'į́į da, nidi Diyin God nihaa joozba'ígíí bik'ehgo íit'į́.

JAMES 3:2

T'áá áníiltso lą'ígóó nida'ayiilzííh. T'áá háiida saad doo nidziisííhgóó hadziidziihígíí éí diné ts'ídá t'áá ákóne' át'éii jílį́, hats'íís ałdó' hak'eh hół'į́ ádzósingo bízhneel'ą́.

I PETER 1:7

Nihe'oodlą' daats'í bee nihidahoníłdzilgo bééhodoozįįł biniyé nanihídahonitaah. Óola éí doo hool'áágóó hólǫ́ǫ da, nidi nihe'oodlą' hool'áágóó hólǫ́. Jó, kǫ' bee óola bąąh hadoolyį́'ígíí biláhídi át'éego nihe'oodlą' nabóhonitaahgo ílį́įgo bééhodoozįįł. Áko Jesus Christ yá'ąąshdę́ę́' yit'íní í'diilyaago nihe'oodlą' baa hodoo'nih áádóó ił nilį́į doo, índa ayóó át'éii bidi'níi doo.

I SAMUEL 24:10

Jó, t'áá nináá' bee níníł'į́, díí jį́ tsé'áandi Bóhólníihii shílák'ee nííłtį́į́ nít'éé'. Ła', Nidi'yoolyééł, daniłníí nít'éé' nidi t'áadoo ákóniishłaa da. Nidi ádíshní, Shí éí doo haa dahodeeshłíił da. Shinanit'a'í doo atídeeshłíił da, háálá Bóhólníihii bíísį́į'go ats'ábiníłtíinii nilį́.

I SAMUEL 24:12

Bóhólníihii nihaa nídóot'įįł, atíniishłaago éí Bóhólníihii atínáshidoodlííł, nidi shí éí doo atínídeeshłíił da.

I SAMUEL 26:11

Bóhólníihii ak'ah yik'i yayiiziidgo yiyíísį́'ígíí bik'ijį' nishłį́įgo atídeeshłíłígíí doo yee shá has'ą́ą da, nidi tsiidétáán bits'iiyah sitánígíí nídidíítį́į́ł, baa nánooshkąąh, áádóó tóshjeeh ałdó' bits'ą́ą́' nídidíí'áałgo t'óó néit'ash dooleeł.

I SAMUEL 26:23

Bóhólníihii éí t'ááłá'í jinítínígo ts'ídá t'áá ákogi ádajít'éego índa hada'ahódlíigo ádajíít'įįdígíí hach'į' nidi'yoolééł, háálá díí jį́ Bóhólníihii shílák'ee nihidíí'ą́. Áko Bóhólníihii ak'ah yik'i yayiiziidgo ats'áiníłtíinii doo atídeeshłíił da.