PSALMS 16:3 - Navajo Bible

³ Nidi nahasdzáán bikáa'gi Diyin God bidiyį́į́' danilíinii éí t'áá íiyisí ił danilíinii ádaat'éego baa shił nihoozhǫǫh.

PSALMS 16:3 ပူးပေါင်းရင်းမြစ်များ

HEBREWS 6:10

Háálá baa nidasoohkaígíí áádóó Diyin God bidiyį́į́' ayóó'ádeínóh'níigo bá nidasooł'a'ígíí, k'ad Diyin God t'áá ákogi é'éł'į́įgo t'ahdii bá nidaał'a'ígíí doo yaa yoonéeh da.

PROVERBS 13:20

Diné dahóyáanii bił jookahii éí hojíyą́ą doo, nidi diné doo ádahalyáanii béézhdiilwo'ii bik'ee ti'náhwiizhdoo'nih.

PROVERBS 12:26

Diné t'áá ákogi ááníiłii yił kééhat'íinii yá'át'éehgo yoo'ish, nidi diné doo yá'ádaashóonii éí yił kéédahat'íinii nida'iisíihgo ádeile'.

II CHRONICLES 6:41

Éí bąą k'ad, Bóhólníihii shiDiyin God nílíinii, díldzííł, háánílyį́į́h dooleełgóó tsits'aa' dílzinii nidziil bee bééhózinii bił dínááh, Bóhólníihii shiDiyin God nílíinii, háni'dii nináá'iiłniihii yisdá'iildééh yee hadadít'ée le' áádóó háni'dii nidiyį́į́' danilíinii yá'át'éehii yaa bił nidahoozhǫǫh le'.

ACTS 9:13

Nidi Ananáíyas haadzíi'go ání, Bóhólníihii, díí diné Jerúsalemgi nidiyį́į́' danilíinii lą'ígóó atíyííł'įįd ha'níigo baa hane', diné lą'í yee shił dahoolne';

MALACHI 3:17

T'áá ałtsoní bee Bóhólníihii ání, Shíí' dadooleeł, índa diné biye' ayóó'ábó'níigo bik'eh hół'íinii yaa joozba'ígi át'éego áajį' ayííłką́ągo shiyódí íiyisí ílíinii hasht'eeshłéehgo baa jiideeshbaa ł.

ISAIAH 62:4

Yóó'abi'doot'áanii, doo náándi'doo'niił da áádóó nikéyah éí, Doo Naagháhí Da, Doo Náábidi'doo'niił Da, nidi Héfzibah nidi'níi doo índa nikéyah Biyúlah bidi'níi doo, háálá Bóhólníihii naa bił hózhǫ́ áádóó nikéyah bich'ooní hodooleeł.

PROVERBS 8:31

Diné kéédahat'į́į́góó shił nihoozhǫǫh áádóó dine'é danilíinii baa shił nihoozhǫǫh.

PSALMS 119:63

Dandósinii áádóó nibik'ehgo iináanii yik'eh dahół'íinii t'áá ałtso bik' is nishłį́.

PSALMS 116:15

Bóhólníihii binááł bidiyį́į́' daninéego agháago ílį́įgo yaa nitsíkees.

PSALMS 101:6

Kéyahgi diné bada'ahódlíii shił kéédahat'į́į doo biniyé bik'i désh'į́į' doo. T'áadoo bee bik'íhót'ahígóó áhoot'ééjí yigáałii éí shá naal'a' doo.

PSALMS 30:4

Diyin God bidiyį́į́' danohłíinii, Bóhólníihii baa dahohniihgo bich'į' dahohtaał, áádóó bízhi' diyinii béédaołniihgo baa ahééh danohsin.

TITUS 3:8

Ákóhodoo'niidii éí t'áá aaníí, áádóó Diyin God dayoosdląądii ts'ídá yá'át'ééh góne' ádaaníił doo biniyé díí bee hahásdzí'ígíí bich'į' íł'áago yéego bee na'nítin doo nósh'ní. Díidí t'áá íiyisí diné bá yá'ádaat'ééh áádóó chodao'íinii ádaat'é.

EPHESIANS 1:1

Shí Paul, Diyin God íinízinii bik'ehgo Christ Jesus yá yil'aadii nishłį́. Diyin God bidiyį́į́' Éfesasgi kéédahat'íinii Christ Jesus bee bada'ódlíii bich'į' naaltsoos áshłééh:

GALATIANS 6:10

Éí bąą ashja'ósingo haa'íshą' diné t'áá ałtso baa dajiiniiba'go nizhónígo bindeiilnish doo, Christ dayoodlání danilíinii íiyisí agháago bindeiilnish doo.

SONG OF SOLOMON 7:10

Ayóó'óósh'níinii bíí' nishłį́ áádóó laanaa shó'níigo shich'į' nitsíkees.

PSALMS 122:8

Shik'isóó índa kwá'ásiní danilíinii bá k'ad ádideeshniił, Nich'į' hózhǫ́ǫ le'!