PSALMS 15:3 - Navajo Bible

³ éí doo t'áá áhoodzaagóó aa halne' da, índa bił kééhat'íinii doo yich'į' bąąhági ánéeh da; yił kééhat'íinii nidi doo yich'į' aseezį́ nidzin da.

PSALMS 15:3 ပူးပေါင်းရင်းမြစ်များ

PROVERBS 22:10

Diné ánahałt'i'ii ch'íhiníłhango ahináá'diiltłi'ii doo át'ée da doo, áádóó saad náhoodleeł índa ił ni'ít'įįh ádin doo.

PROVERBS 25:3

Yádiłhił ánízádígi át'éego áádóó nahasdzáán íídéetą́'ígi át'éego t'áá ákót'éego ałdó' aláahgo naat'áanii danilíinii dabijéí doo bééjółkááh ádaat'ée da.

ISAIAH 56:2

Diné díí yik'eh hół'į́įgo hinánígíí índa diné biye' éí díí yik'eh hół'į́įgo yee hinánígíí éí háá'áyį́į́h jį́į́ góne' hodoołchǫǫłígíí yits'ąą ádaa áhályą́ áádóó bíla' yee doo yá'áshóonii íidoolíiłii yits'ąą ádaa áhályáanii bik'ihojidlí.

LEVITICUS 19:16

T'áadoo nidine'é bitahgóó aseezį́ baa nanináhí, doodaii' t'ááká bił kééhót'íinii bidił deezlį́ óólééh lágo baa síníti'. Shí Bóhólníihii nishłį́.

MATTHEW 7:12

Éí bąą diné hach'į' ádaaníił le' danohsinígi át'éego nihígo yee' bich'į' ákódaahníił le', háálá éí bee haz'áanii áádóó Diyin God yá dahalne'ii yee nida'nitin.

ROMANS 1:30

nichxǫ́'ógo aa yádajiłti', Diyin God bik'ee dazhdiniih, doo ts'ííd ádajít'ée da, ádaa deijódlí, ádaa dahoji'niih, doo yá'át'éhígi ádeeshnííł daznízin, hashchíinii doo bik'eh dahojíł'į́į da.

ROMANS 12:17

Nihich'į' doo yá'át'ééhgóó ádaaníiłii t'áadoo t'áá éí bee k'éédadohdle'é. Diné t'áá ałtso binááł bił yá'ádaat'éehii bee dahinohná.

ROMANS 13:10

Ayóó'ó'ó'níinii éí yił kééhat'íinii doo niyiiłchxǫǫh da, éí bąą ayóó'ó'ó'níinii éí bee haz'áanii t'áá át'é yi'ósinii nilį́.

TITUS 3:2

áádóó t'áadoo diné ła' nichxǫ́'ógo baa yádajiłti'í doo, t'áadoo saad ahídajit'áhí doo, nidi ha'át'e' ádaadin doo, índa t'áá ałtsojį' diné t'áá ałtso joosánígo bił dajílį́į doo.

JAMES 4:11

Shik'isóó, t'áadoo nichxǫ́'ógo ahaa yádaałti'í. T'áá háiida Christ bee ak'is nilį́įgo nichxǫ́'ógo baa yájíłti'ígíí, doodaii' baa níjít'ínígíí éí Diyin God yee has'áanii nichxǫ́'ógo baa yájíłti' áádóó baa níjít'į́įgo át'é. Jó, bee haz'áanii baa níjít'į́įgo bee haz'áanii doo yik'ehgóó ááníiłii jileeh, bee haz'áanii yik'i hodii'aahii jileeh.

III JOHN 1:11

Shik'is ayóó'ánósh'níinii, doo yá'át'éehii yaa nidaakaígíí t'áadoo bi'íł'íní, nidi yá'át'éehii yaa nidaakaígíí éí bi'íł'į́. T'áá háiida yá'át'éhígi ájooníłígíí Diyin God bíí' jílį́, nidi t'áá háiida doo yá'át'éhígi ájooníłígíí éí Diyin God doo yizdoołtséeł da.

I SAMUEL 24:11

Shoo, shizhé'é, ni'éé' bidííłgizhígíí dah yistsosgo níníł'į́, háálá ni'éé' bidííłgizhígíí áádóó t'áadoo niyéłhį́į daígíí díí bee nił bééhózin: nił bééhózin índa yíní'į́įgo doo yá'áshónígi t'áadoo ániishłaa da, doodaii' bee haz'áanii t'áadoo nił k'íníti' da índa t'áadoo nich'į' ádił asésiih da. Shidiyííłhééł biniyé shíkanítáá nít'éé' nidi t'áadoo ná hashja'iishłaa da.