PSALMS 143:3 - Navajo Bible

³ Háálá shi'ana'í atíshíł'į́; łeeh shíná'áłjish; t'áá shiidą́ą'dii daneeznáanii nahalingo chahałheełgi honishłǫ́ǫgo áshósin.

PSALMS 143:3 ပူးပေါင်းရင်းမြစ်များ

II SAMUEL 18:11

Áádóó Jó'ab éí diné bił hoolne'ígíí áyidííniid, Áko, jó, yinił tsą́ą́ léi' doo haniih ni'jį' abídzíłxaał da, áko béésh łigaii neeznáá bíighahgo áádóó sis bił naadeeshnił nít'éé'.

II SAMUEL 2:22

Nít'éé' Ábner éí Éísahel ánéidoo'niid, T'áadoo shikéé' ahidíínízį́įgo yílwołí. Ha'át'íísh biniyé naa'aníjíshxaał dooleeł? Haash yit'éego nínaaí Jó'ab bidááhdóó nideeshááł?

PSALMS 142:6

Chánahgo nánooshkąąhígíí shá baa nánít'į́, háálá shaa hojoobá'ígo áshi'diilyaa! Atídashił'íinii bits'ą́ąjį' yisdáshíłteeh, háálá shiláahgo ádabóodziil!

PSALMS 35:4

Shizéé' nideii'áhígíí háni'dii t'áadoo danilínígóó áádóó t'óó baa yáhásinígi ádabi'dilnééh! Doo yá'át'ééhgóó shindahagizgo atídashiléhígíí bíni' t'ą́ą́' anábidi'nilkaadgo yaa yádaniizįįh!

PSALMS 54:3

Háálá dé'éyóní shich'į' nídahidiikai, diné ade ádeinízinii shida'niiłhį́; éí Diyin God doo bilą́ąjį' hólǫ́ǫgo ádayósin da. Síilah.

PSALMS 7:5

bíni'dii shélyeedgo shił dah dii'aash; bee hinishnánígíí bíni' yik'i naaghá, áádóó bee ił nishłíinii ni'jį' kwíílééh. Síilah.

PSALMS 7:6

Bóhólníihii nílíinii, náháchį'go díldzííł; shida'ana'í ádéédahooldzídígíí bich'į' nídiibááh; aa nídíít'įįłgo bee nihwííní'áanii ákwii shá díldzííł.

LAMENTATIONS 3:6

Ałk'idą́ą́' daneeznánígi át'éego chahałheełgi nishiníłtį́.

EZEKIEL 37:11

Ákohgo áshíłní, Diné nílíinii, díí ts'in haal'áhígíí éí Ízrel dine'é t'áá yíl'áá nít'é'ígíí át'é, áko shoo, ádaaní, Nihits'in nídááltsei, nihá chohoo'íinii ásdįįd áádóó ałtso ánihi'disdįįd.

MICAH 7:8

T'áadoo shik'ijį' nílį́įgo nił nihoozhǫǫhí, shi'ana'í nílíinii, naa'íígo'go náádideesh'nah; chahałheeł sédáago Bóhólníihii shá adiníłdíin doo.