PSALMS 140:9 - Navajo Bible

⁹ Shinás'áhígíí ádílááh yee yádaałti'ii, bíni'dii t'áá éí bitsiits'iin bik'ijį' nádleeh!

PSALMS 140:9 ပူးပေါင်းရင်းမြစ်များ

ESTHER 5:14

Ákohgo hwe'asdzą́ą́ Zííresh áádóó hak'is danilíinii t'áá ałtso ádahodííniid, Háni' tsosts'idiindóó ba'aan ashdla' ké silá áníłnéezgo tsin ła' hasht'edoolnííł, áko abínígo aláahgo naat'áanii ábididííniiłgo éí tsin hasht'eelyaaígíí bąąh Mórdiikai dah bidi'doodloh, áko bąą nił hózhǫ́ǫgo ída'azįįdgóó aláahgo naat'áanii bił díí'ash. Díí Héíman t'áá íiyisí bił yá'íít'ééh áádóó tsin bąąh dahodi'yiidleehígíí ádoolníiłgo yee hooł'a'.

ESTHER 7:10

Áko tsin bąąhjį' dah dahodi'yiidleehígíí Mórdiikai bá hasht'ejiilaaígíí bąąhjį' Héíman dahodiidlo'. Ákohgo aláahgo naat'áanii báhóóchįįdii bá náhoojǫǫd.

PSALMS 64:8

Áko hazaad danichxǫ́'ígíí t'áá hó hak'ijį' nídadoodleeł. Diné hak'i dahaghaałígíí t'áá ałtso hak'ee yóó'adoojah.

PSALMS 7:16

Be'ádílááh t'áá bí bik'ijį' nídoodleeł, áádóó yee até'éł'ínígíí t'áá bí bitsii'káa'jį' nídoodleeł.

PSALMS 94:23

T'áá bí doo ákwii ádáát'įįdii bik'ijį' nídadoodleełgo íidoolííł áádóó t'áá bí doo yá'áshónígi ádáát'įįdii biniinaa ábidi'dooldįįł. T'áá aaníí Bóhólníihii nihiDiyin God ábidoołdįįł.

PROVERBS 10:11

Diné t'áá ákogi ááníiłii éí bizéé'dę́ę́' iiná háálį́, nidi diné doo yá'áshóonii ił hááhoniłcha' bizée'di yinées'į́į́'.

PROVERBS 10:6

T'áá ákogi át'éii éí bik'ihojidlí, nidi diné doo yá'áshóonii ił hááhoniłcha' bizée'di yinées'į́į́'.

PROVERBS 12:13

Diné doo yá'áshóonii bąąhági át'éego yáłti'go yee azanádááh, nidi diné t'áá ákogi ááníiłii ach'į' nahwii'ná yii' haaghááh.

PROVERBS 18:7

Doo áhályáanii ánínígíí t'áá éí atínábidoodlííł, áádóó bizaad yee azanídoodááł.

MATTHEW 27:25

Áádóó diné t'áá ałtso hadaasdzíi'go ádadííniid, Nihí lá bidił bá naniideeh ni, niha'áłchíní t'áá bił.

DEUTERONOMY 32:27

Da'ana'í hashké daniidzį́į'go t'áadoósh áhóne'gi da doo áádóó da'ana'í t'áá ádzaagóó doo t'óó kódaaníi da doo, Danihidziilígíí bee kót'éego ádahwiilyaa; díí áhóót'įįdígíí yee' doo Bóhólníihii áát'įįd da.