PSALMS 132:9 - Navajo Bible

⁹ Háni'dii nináá'iiłniihii t'áá ákogi át'éii yee hadadít'ée le', áádóó nidiyį́į́' danilíinii bił dahózhǫ́ǫgo nídididla' le'.

PSALMS 132:9 ပူးပေါင်းရင်းမြစ်များ

II CHRONICLES 6:41

Éí bąą k'ad, Bóhólníihii shiDiyin God nílíinii, díldzííł, háánílyį́į́h dooleełgóó tsits'aa' dílzinii nidziil bee bééhózinii bił dínááh, Bóhólníihii shiDiyin God nílíinii, háni'dii nináá'iiłniihii yisdá'iildééh yee hadadít'ée le' áádóó háni'dii nidiyį́į́' danilíinii yá'át'éehii yaa bił nidahoozhǫǫh le'.

JOB Naaltsoos Biyi' Job Baa Hane'ii 29:14

T'áá ákogi át'éii ák'ísísti'go t'áá ákogi át'ééjí éé' bee hashi'diilyaa; doo haa dayit'éii bee hadiish'éé' índa shitsii' názt'i' nít'éé'.

PSALMS 104:1

Shii' sizíinii nílíinii, Bóhólníihii baa hóniih! Bóhólníihii shiDiyin God nílíinii, t'áá íiyisí ayóó ánít'é; ił ílį́ áádóó ayóó é'ét'éii bee hadíínít'é!

PSALMS 132:16

Ákwe'é nááda'iiłniihii bee yisdá'iildéehii bee hadadideeshłííł, áádóó ákwe'é bidiyį́į́' danilíinii bił dahózhǫ́ǫgo nídididla' doo.

PSALMS 149:5

Bíni'dii bidiyį́į́' baa bił dahózhǫ́ǫgo baa dahaniih le'; bíni'dii bitsásk'eh bikáá'góó bił dahózhǫ́ǫgo dahataał le'.

PSALMS 47:1

Ał'ąą dine'é danohłíinii t'áá ánółtso, ahídaahkad; ak'eh hodidleehgo sin bee Diyin God bich'į' yéego dahohtaał!

PSALMS 68:3

Nidi bíni'dii t'áá ákogi ádaat'éii bił dahózhǫ́! Bíni'dii Diyin God binááł bił nidahoozhǫǫh! T'áá aaníí, t'áá íiyisí bił nidahoozhǫǫh le'!

PSALMS 70:4

Háni'dii hadaninitáii t'áá ałtso bił nidahoozhǫǫh áádóó ninahjį' bił dahózhǫ́ǫ le'! Nibee yisdá'iildééh ayóó'ádayó'níinii t'áá áłahíjį', Bíni'dii Diyin God éí ayóó át'éego baa ha'niih, daaníi le'!

PSALMS 93:1

Bóhólníihii éí nant'á; ts'ídá ayóó át'éii yee hadít'é; Bóhólníihii hadít'éego dziil yee ákászaaz. Nahasdzáán ałdó' hazhó'ó hasht'e'niiní'ą́ągo ts'ídá doo nahjį' adoot'áał da.

ISAIAH 61:10

Bóhólníihii t'áá íiyisí baa shił nihoozhǫǫh doo; shii' sizíinii éí shiDiyin God bił hóshǫ́ǫ doo, háálá iiyehii éí nizhóníii ádéíyíístł'inígi át'éego áádóó bá'iigehii nitł'iz yee hadiidzaa nahalingo yisdá'iildééh éé' yee hashidiilaa índa t'áá ákogi át'éii éé' shik'íísti'.

ISAIAH 65:14

shoo, shá nidaal'a'í bijéí bił dahózhǫ́ǫgo dahataał doo, nidi nihí éí nihijéí yínííł danilį́įgo daohcha doo, áádóó nihich'į' nidahwii'nánígíí bik'ee hahooł'áa doo.

ZEPHANIAH 3:14

Záíyan bitsi' nílíinii, ayóó íits'a'go hótaał! Ízrel dine'é nohłíinii, hadadołgháásh! Jerúsalem bitsi' nílíinii, nijéí t'áá át'é bee nił nihoozhǫǫhgo nił hózhǫ́ǫ le'.

ZECHARIAH 9:9

Záíyan bich'é'é nílíinii, ayóó át'éego nił nihoozhǫǫh; Jerúsalem bich'é'é nílíinii, nił hózhǫ́ǫgo dílwosh. Aláahgo niNanit'a'í ts'ídá t'áá ákogi át'éii índa yisdánídoołtéełgo a'ohgo át'éego índa télii, jó, éí télii yázhí yik'i dah sidáago nich'į' bił yigááł, jó'akon.

ROMANS 13:14

Nidi Bóhólníihii Jesus Christ bee hadadohne', áádóó ts'ísee k'ehgo bidádahonooníinii t'áadoo bá nahosooł'ání.

I PETER 5:5

T'áá ákót'éego, nihí ániid nidaahkaígíí, náás daazlį́'ígíí nihá aląąjį' naazíinii bídahwíínółnííh. T'áá ánółtso a'ohgo ádaa nitsídaahkeesgo ahá chodaoh'į́, háálá Diyin God éí ádaa daha'niihii yik'ijį' nilį́, nidi bibee ajooba' éí a'ohgo ádaa nitsídaakeesii yee yaa jooba'.

REVELATION 19:8

Áłts'óózígo yisdizígíí bee na'at'ą́hí łigaii dits'idgo ályaii bídazdilid índa ts'ídá chin bąąh ádinii yee hadidooníiłgo baa deet'ą́. Jó, díí naak'ą' ałgaígíí éí Diyin God bidiyį́į́' ts'ídá t'áá ákogi ádaadzaii át'é.

JUDGES 5:31

Bóhólníihii nílíinii, bíni'dii nida'ana'í t'áá ałtso ádadoodįįł! Nidi ayóó'ádahó'níinii éí hózhónígo ha'íí'ą́ nahalingo náás yikah doo. Áko éí kéyahgi hasht'ehodít'éego dízdiin nááhai.