PSALMS 13:3 - Navajo Bible

³ Bóhólníihii shiDiyin God nílíinii, shaa nitsíníkees áádóó shich'į' ééhonísįįhgo shidziil áshílééh, áko doo dadeestsaał da,

PSALMS 13:3 ပူးပေါင်းရင်းမြစ်များ

EZRA 9:8

Nidi k'ad Bóhólníihii nihiDiyin God bits'ą́ą́dóó ajooba' t'óó kónígháníjį' ííshją́ą́ ályaago bee ła' deiidzíi'go yisdádahaakai áádóó bihodiyingo haz'áanii nihíí' dooleełgo hahoolzhiizh, áko nihiDiyin God nihił ch'ídi'níłdláád áádóó binaalte' daniidlį́į́ nít'éé' yę́ę bits'ąą áłts'íísígo t'áá nánihiłna'.

PSALMS 119:153

Bee shich'į' nahwii'náanii baa ákoniizįįhgo yisdáshíł teeh, háálá nibee haz'áanii doo baa yooshnéeh da.

PSALMS 18:28

Jó, bee hool'iní shá didííłtłił; shił tł'ée'go Bóhólníihii shiDiyin God shił ch'ídi'doołdlał.

PSALMS 25:19

Shi'ana'í t'óó ahayóígíí áádóó diné doo ił nida'íłdįįhii doo dashíłdinígíí baa nitsíníkees.

PSALMS 31:7

Aa a'ááh nínízinii baa shił hózhǫ́ áádóó baa shił nihoozhǫǫh doo, háálá bik'ee ti'hoosh'níihii yiniłtsą́ągo shii' sizíinii bich'į' nahwii'náanii nił bééhózin,

PSALMS 5:1

Bóhólníihii nílíinii, shizaad shá diits'į́į́h, áádóó baa nitséskeesii nabik'ítsíníłkees.

PSALMS 9:13

Bóhólníihii nílíinii, shaa jiiníbaah! Anoonééł bich'į' yah ahóót'i'dóó hááshííníłtíinii, shik'ee dadiniihgo shich'į' nidahwiiłnáanii níníł'į́,

JEREMIAH 51:39

Hááhgóó shį́į́ yídaneedlį́įgo bá áda'deesįįłgo bił nidahondoohgo ádeeshłííł, áko da'adláanii hááhgóó shį́į́ hahóół'áago bił dahózhǫ́ǫgo t'áá k'ída'doołhoshgo doo ch'éédadoodził da, ní Bóhólníihii.

JEREMIAH 51:57

Áko honanit'a'í danilíinii áádóó hodiné dahóyáanii áádóó há bídahólníihii áádóó hakéyahgi nidant'áii índa diné há dahayóii bił nidahondoohgo ádeeshłííł, áko t'áá k'ída'doołhoshgo doo ch'éédadoodził da, ní Aláahgo Naat'áanii t'áá ałtsoní bee Bóhólníihii wolyéii.

LAMENTATIONS 5:1

Bóhólníihii nílíinii, ánihi'dool'įįdígíí béénílniihgo baa nitsíníkees, áádóó bee nihá nahat'i'ígíí níníł'į́.

LUKE 2:32

doo Jew dine'é danilíinii éí adinídínígíí bá bee ééhózinii át'é, áádóó t'áá éí yee nidine'é Ízrel ayóó át'éii dadooleeł.

EPHESIANS 5:14

Díí bąą kót'éego ha'oodzíí', Ałhoshí nílíinii, ch'éénídzííd, dasínítsą́ą́dę́ę́' nídiidááh! Áko Christ nik'i' diiłdíin doo.

REVELATION 21:23

Éí kin haal'áadi jį́honaa'éí, doodaii' tł'éhonaa'éí ádin, háálá Diyin God bee bits'ádi'nílíidii bee adinídíín, áádóó Dibé Yázhí nilíinii bee adinídíinii nilį́.

I SAMUEL 14:27

Nidi Jánathan hazhé'é éí hóyée'go diné bá ha'doodzihgo yee haadzíi'ii t'áadoo dzidiizts'ą́ą' da, áko hagish hálák'ee sitánígíí bee tsés'ná bitł'izh biih dzíítsigo bił ázazhdoolchid. Áádóó nít'éé' hoł ch'ídi'nídláád.

I SAMUEL 14:29

Áádóó Jánathan ájíní, Shizhé'é díí kéyahgi diné bich'į' hozdiisnáá', shoo, nánooshkąąh, tsés'ná bit ł'izh sélįhígíí bąą shił ch'ídi'nídláád.