PSALMS 13:2 - Navajo Bible

² Haa nízáagishą' shá bíighah shijéí yínííł nilį́įgo shii' sizíinii bi'diił'áa doo? Haa nízáagishą' shi'ana'í shide át'ée doo?

PSALMS 13:2 ပူးပေါင်းရင်းမြစ်များ

NEHEMIAH 2:2

Éí bąą aláahgo naat'áanii áshidííniid, Ha'át'íísh baa yínííł nínílnin? Doo yee' nitah hats'íid da. Díí yee' yínííł t'éiyá nílį́į́ lá. Áko t'áá íiyisí nísísdzííd,

ESTHER 7:6

Áko Esther ájíní, Díí Héíman doo yá'áshóonii nilį́įgo nihi'ana'í nilį́. Ákohgo aláahgo naat'áanii índa asdzą́ą́ naat'ááh nilíinii binááł Héíman ayóó át'éego násdzííd.

JOB Naaltsoos Biyi' Job Baa Hane'ii 10:15

Doo yá'áshóonii nishłį́įgo hatihíláane'go shá haz'ą́; t'áá ákogi ánísht'éego doo de dah dínéesht'áał da. Atíshi'dool'įįdígíí bąą t'óó shił haada; éí bąą ti'hoosh'níihgo sídáhígíí níníł'į́.

PSALMS 10:18

áko nihokáá' dine'é doo yéédaaldzid da doo biniyé áłchíní bizhé'é ádaadinii índa bide ádahoot'éii bá baa nánít'į́į doo.

PSALMS 116:3

Anoonééł bitł'óól shináhineeshzhee'; hool'áágóó ti'hoo'níihdi bik'e'íyée'ii shidiniiltsood nít'éé'; ach'į' nahwii'ná índa yínííł bik'ee ti'hwiisénii'.

PSALMS 17:9

diné shide ádahósinii áádóó agháago shi'ana'í danilį́įgo shinás'áhígíí bits'ąą náshidíł'įįh.

PSALMS 31:18

Dabiyooch'íidii ádaa daha'niihgo diné t'áá ákogi ádaaníiłii doo bił danilį́į́góó dei'į́įgo nayíyádaałti'ii bíni'dii dadéesxéelgo ánílééh.

PSALMS 38:17

Jó, k'adę́ę naa'iishtłíísh áádóó t'áá áłahjį' shił hodiniihgo yínííł naashá.

PSALMS 42:4

Diné áłah nádleehgo bił naashdeeh yę́ę, Diyin God bikin si'ą́ąjį' ałnánásh'ish yę́ę, diné áłah nilínígíí bił dahózhǫ́ǫgo biinéé' nídididla' yę́ę, ahééh danízingo dahataał yę́ę áádóó hodiyingo áłah ná'ádleehjį' bił ałnánásh'nééh yę́ę, díí béédaashniihgo t'áá íiyisí nich'į' sodiszin.

PSALMS 6:4

Bóhólníihii nílíinii, shaa nínáahgo shii' sizíinii yisdáníłteeh; aa a'ááh nínízinii bik'ehgo yisdáshíłteeh.

PSALMS 7:2

éí doodaii' shíká adoolwołígíí ádingo náshdóítsoh bitsiijį' daditł'ooígíí nahalingo nidashidiyoołdlał.

PSALMS 74:10

Diyin God nílíinii, haa nízáágóoshą' nihi'ana'í nihá nidahałt'i' doo? Da' ana'íísh hool'áágóó nízhi' doo ílį́į́góó yaa yádaałti' doo?

PSALMS 74:18

Bóhólníihii nílíinii, ana'í nándahałt'i' yę́ę índa diné doo ádahalyáanii nízhi' doo ílį́į́góó ádeił'į́į́ nít'éé' yę́ę béénílniih.

PSALMS 8:2

Anadanił'íinii índa k'éédideesh'nííł danízinii dabididííłhił biniyé nik'ijį' danilíinii bąą áłchíní yázhí índa awéé' t'ahdii da'ałt'o'ii ne'adziilii yaa dahaniihgo íínísin.

PSALMS 9:6

Ana'í hool'áágóó ádaasdįįd; éíyee' bikin hadaas'áii naa'ahííníłtł'íidgo bee bééhániih dooleeł yę́ę t'áá yił ádaasdįįd.

PROVERBS 15:13

Ajéí bił hózhóonii hoł hózhǫ́ joolnii' áyiił'įįh, nidi ajéí yínííł nilíinii bąąh nahwiikaad.

ECCLESIASTES 5:17

Nizhníłdįįd bijį́įjį' t'áá chahałheełgóó ajiyą́, áádóó t'áá íiyisí yínííł jílį́, índa atah honiigááh bik'ee ádił náhozhdilchiłgo há náháchįįh.

JEREMIAH 15:18

Ha'át'íí lá biniyé shił hodiniihígíí doo nik'e' da índa níshgaígíí nídooldzihgi doo yinízingóó doo nádziih da? Da' tó nílį́įgo ánádįįhgo bina'adlo'ósh nahalingo shich'į' ákónít'ée doo?

JEREMIAH 45:3

kódíní, Shich'į' doo hojooba' ájíníi da, háálá Bóhólníihii éí yínííł nishłínígíí yínííł shá yínáyii'nil. Dinishníigo bąąh nanííłna'; doo hanáoshyį́į́hígi ásdzaa da.

JEREMIAH 8:18

Yínííł nishłínígíí doo nídoodzihígi ádzaa da; shiyi'di shijéí doo bitah hóóts'íid da.

LAMENTATIONS 1:5

Hats'ą́ą́jí danilíinii éí hananit'a'í daazlį́į́'; hwe'ana'í k'ee'ąą dadeeshzhiizh, háálá lą'ídi ni'dziisí'ígíí biniinaa Bóhólníihii hach'į' hodiis' náá'; ákót'éego hwe'ana'í bilą́ąjį' ha'áłchíní deisnáago deinééłkaad.

LAMENTATIONS 1:9

T'óó baa'ihígi ájíít'įįdii éí ha'éé' bik'i sinilgo bee há nihonít'i'ii t'áadoo bik'ísízníłkéez da; éí bąą doo shóhoot'éedi nihoníłt'e'go háká adoolwołii ádin nít'éé'. Bóhólníihii nílíinii, shich'į' nahwii'nánígíí níníł'į́, háálá ana'í ádaa has'nih.

LAMENTATIONS 5:20

Ha'át'íísh biniyé hool'áágóó nihaidiyíínahgo as'ahgóó nahjį' ninihididíí'ááł?

MATTHEW 26:38

Ákohgo áhodííniid, Shii' sizíinii nitseeltłah, t'áá hoyółhéełgo, t'áá kǫ́ǫ́ nahísóotą́ągo shił hada'ísídół'į́į́'.

LUKE 22:53

Shą́ą́', t'áá ákwíí jį́ kin bii' sohodizin bił haz'ą́ą́ góne' nihitaasháá nít'éé', nidi t'áadoo dashoołtsood da. Nidi nihí k'ad óhólnííh nihá baa hoolzhiizh, índa chahałheeł bibee óhólnííh ałdó' baa hoolzhiizh.

JOHN 16:6

Nidi díí bee nihich'į' hahásdzíi'go biniinaa, danihijéí biyi'di bąąh danihíni'.

ROMANS 9:2

Shidine'é danilíinii t'áá íiyisí bąąh shíni'go shijéí yineesgai.

PHILIPPIANS 2:27

T'áá aaníí dadzitsaah nít'éé', áádóó k'asdą́ą́' dadziztsą́, nidi Diyin God haa joozba', nidi doo t'áá hó t'éiyá da, shí ałdó' doo yínííł shide ádooníił da biniyé shaa joozba'.

I SAMUEL 18:29

Saul t'ah nááyówehígo David binínáádzísdzííd. Ákohgo Saul éí David bi'ana'í jílį́įgo hodideeshzhiizh.

I SAMUEL 24:19

Jó, diné ła'da bi'ana'í yik'íníyáago, da' bíni'diísh yá'át'éehgo yi'doołnih? Éí bąą Bóhólníihii yá'át'éehgo nich'į' ni'doolééł, háálá díí jį́ yá'át'éhígi áshiinilaa.