PSALMS 128:3 - Navajo Bible

³ Nikin góne' ne'asdzą́ą́ éí ch'il na'atł'o'ii bineest'ą' bąąh náhoodleełii nahalin doo; áliv ádaałts'íísígo adaastsigo k'idoolyáhígíí nahalingo na'áłchíní nibikáá' adání yich'į' dah naháaztą́ą doo.

PSALMS 128:3 ပူးပေါင်းရင်းမြစ်များ

GENESIS 49:22

Jóseph éí tsin bits'áoz'a' bąąh bineest'ą' t'óó ahayóí náhoodleełii jílį́; Éí tó háálínígíí bíighahgi tsin bits'áoz'a' bąąh t'óó ahayóí náhoodleeł; bits'áoz'a' tsé yítł'inígíí bilááh dahaazyį́.

I CHRONICLES 8:40

Yúlam biye'ké éí diné bidziilii áádóó doo nídanilyéesii danilį́įgo ayóogo da'diłt'oh, áádóó biye'ké índa binálíké t'óó ahayóí nít'éé'. Neeznádiindóó ba'aan ashdladiin ánéelą́ą́'. Díí t'áá ałtso Bénjamin biye'ké náás ahoolchíiłii danilį́.

PSALMS 127:3

Shoo, Bóhólníihii éí áłchíní aa yiinííł, iishch'id bits'ą́ą́dę́ę́' ineest'ą' hach'į' nahalyéii át'é.

PSALMS 127:5

Diné bik'aayééł k'aa' bii' hadeezbinígi át'éego bił hózhǫ́! Yah e'etiingi bik'ijį' danilíinii yił ałch'į' yádaalti'go doo t'óó baa yáhásinígi ádabidi'doolníił da.

PSALMS 144:12

Áko ch'il nooséłígíí nahalingo nihiye'ké t'ah ániid nidaakaii bidziilgo danéeséeł le'; nihitsi'ké danilíinii éí naat'áanii bikin naanídaaz'áágóó tsé hasht'e'nibída'astséelgo áyah danii'áhígíí nidahalin doo.

PSALMS 52:8

Nidi shí éí Diyin God bikin biyi' góne' tsin áliv dootł'izhgo sikaadígíí nahonishłin. Hool'áágóó ahóyéel'áágóó Diyin God aa a'áhí nízinii baa jííníshłí.

JEREMIAH 11:16

Bóhólníihii kóniłníí nít'éé', Tsin áliv dootł'izhgo sikaadii yá'át'éehii índa bineest'ą' yá'át'éehii nidi ayóó íits'a'go níyolgo yihodíínil, áádóó bits'áoz'a' ałtso adahideezk'ą́ą́'.

EZEKIEL 19:10

Tábąąhgóó ch'il na'atł'o'ii k'idoolyáhígi át'éego nimá ch'il na'atł'o'ii nahalingo tó t'óó ahayóígíí bąą bits'áoz'a' t'óó ahayóí nít'éé' áádóó bineest'ą' t'óó ahayóí bąąh náhoodleeł nít'éé'.

ROMANS 11:24

Áliv sikaadii t'áá bíni' haníísáanii bąąhdóó nani'dooti'go, Diyin God t'áadoo bá nantł'aaí áliv k'idoolyáii bighą́ą́h nánidi'dootsih, dooládó' Diyin God t'áadoo bá nantł'aaí Jew dine'é éí áliv k'idoolyáii bits'áoz'a' danilíinii yighą́ą́h nídeididootsih da lá.