PSALMS 127:3 - Navajo Bible

³ Shoo, Bóhólníihii éí áłchíní aa yiinííł, iishch'id bits'ą́ą́dę́ę́' ineest'ą' hach'į' nahalyéii át'é.

PSALMS 127:3 ပူးပေါင်းရင်းမြစ်များ

GENESIS 1:28

Áádóó Diyin God hak'ijisdli'go áhodííniid, Niha'áłchíní hooleełgo k'ee'ąą nooht'į́įł doo, áádóó nahasdzáán bikáá'góó nihinołt'eehgo k'ee'ąą dínóht'įįh, áko tónteel yii' naaldeehii, wódahgo nidaat'a'ii índa nahasdzáán bikáa'gi dahináago naaldeehii t'áá ałtso bee nihídahólníih doo.

GENESIS 24:60

Áádóó Rebékah bá sodazdoolzingo ádabizhdííniid, Nihideezhí nílį́, t'óó ahayóídi miiltsoh bimá dííleeł, áádóó na'áłchíní náás da'ahílchíihii dabijoołáhígíí yik'eh dadidlį́į doo.

GENESIS 33:5

Áádóó Íísa hajííghal, nít'éé' asdzání índa áłchíní yiyiiłtsą́ągo ání, Eiishą' bił yíkahígíí háí ádaat'į́? Áko ájíní, Ná naal'a'í ba'áłchíní éí Diyin God jooba'ii beinínilígíí ádaat'į́.

GENESIS 4:1

Áádóó Ádam hwe'asdzą́ą́ Íiv bił ałt'ajíí'áazhgo i'niiltsąądgo Kéin yishchį́, áko ázhdííniid, Bóhólníihii bits'ą́ą́dę́ę́' shiyáázh shee hazlį́į́'.

GENESIS 48:4

áshíłní, Ííłchíiłgo k'ee'ąą nídí'nóot'į́įłgo na'áłchíní náás da'ahílchíihii t'óó ahayóigo ádeeshłííł; nits'ą́ą́dóó diné t'óó ahayóí k'ee'ąą danéet' įįhgo ádeeshłííł, índa díí kéyah éí na'áłchíní náás da'ahílchíhígíí hool'áágóó daabí dooleeł biniyé baa dideesh'ááł.

II SAMUEL 3:5

áádóó hastą́ą́h góne' bá yizhchínígíí Íthriyam wolyé, éí David be'asdzą́ą́ Églah wolyéii biyáázh jílį́. Díí David éí Hííbrangi bá neheezhchį́.

I CHRONICLES 28:5

Áádóó shiye'ké t'áá ałtso bitahdóó, (háálá Bóhólníihii shiye'ké lą'í sheinínil,) shiye' Sálaman wolyéii Bóhólníihii ts'ídá aláahgo bee bíhólníihgo bił haz'ą́ągi bikáá'dóó nahat'áii yikáá' dah yineesdáago Ízrel dine'é yinant'áa doo biniyé nábidiiłtį́.

I CHRONICLES 8:40

Yúlam biye'ké éí diné bidziilii áádóó doo nídanilyéesii danilį́įgo ayóogo da'diłt'oh, áádóó biye'ké índa binálíké t'óó ahayóí nít'éé'. Neeznádiindóó ba'aan ashdladiin ánéelą́ą́'. Díí t'áá ałtso Bénjamin biye'ké náás ahoolchíiłii danilį́.

JOB Naaltsoos Biyi' Job Baa Hane'ii 1:2

Éí haye'ké tsosts'id há neheezhchį́ áádóó hatsi'ké táá' há neheezhchį́.

ISAIAH 13:18

Bida'ałtį́į́' yee ániid nidaakaii nideidoołtsxił, áádóó hweda'awééchí'í doo yaa a'áhí dadínóozįįł da, índa áłchíní doo bił badahojoobá'í da doo.

ISAIAH 8:18

Shoo, t'áá ałtsoní bee Bóhólníihii Dził Záíyan bighą́ą'di kééhat'íinii éí shí áádóó áłchíní sheinínilígíí Ízrel dine'é bitahgi bee éédahózinii áádóó t'óó bik'eda'ayóii daniidlį́.

DEUTERONOMY 28:11

Bóhólníihii éí nihinaadeełí áádóó nihits'ą́ą́dóó nidahachíihii áádóó nihilį́į́' nidahachíihii índa nihidáda'ak'ehdóó aneest'ą' lą'í nihee nídahoodleełgo íidoolííł; danihizhé'é yę́ę kéyah yeididoo'áałgo yich'į' yee ádee hadoodzíi'ii bikáa'gi nihik'idahojidlíigo íidoolííł.

DEUTERONOMY 28:4

Nihits'ą́ą́dóó nidahachíihii bee nihik'idahojidlíi doo áádóó nihidáda'ak'eh bits'ą́ą́dóó aneest'ą' áádóó nihilį́į́' nidahachíihii áádóó nihibéégashii índa nihidibé k'ee'ąą deílzhíishgo bee nihik'idahojidlíi doo.

JUDGES 12:9

Haye'ké éí tádiin yilt'é índa hatsi'ké ałdó' tádiin yilt'é. Éí náánáłahgóó bi'dziis'nii'go náánáłahdę́ę́' diné danilíinii baa dziiznil. Asdzání náánáłahdę́ę́' dine'é danilíinii haye'ké baa dziiznil. Áádóó tsosts'id nááhaijį' Ízrel dine'é bá nihozhdiyii'aah nít'éé'.

I SAMUEL 1:27

Díí ashkii bíká sodiszin nít'éé', áko Bóhólníihii baa náoshkąąhgo bííníshkeedígíí éí sheidiní'ą́.