PSALMS 121:3 - Navajo Bible

³ Nikee' doo nits'ą́ą́' hidoolnááłgóó áyósin doo. Naa áhályáanii éí niniinaa doo adínóolyił da.

PSALMS 121:3 ပူးပေါင်းရင်းမြစ်များ

PSALMS 127:1

Bóhólníihii doo kin íílééhgóó éí kin ádajiléhígíí t'áadoo biniyéhígóó bindajilnish; Bóhólníihii éí kin haal'áhígíí doo yaa áhályą́ą́góó t'áadoo biniyéhígóó ha'asíidii ha'dzisííd.

PSALMS 41:2

Bóhólníihii haa áhályą́ągo jiináago áhósin. Éí nihokáa'gi hak'ihojidlíi dooleeł. Bóhólníihii nílíinii, hwe'ana'í laanaa danízinígíí baa hodóó'ááł lágo.

PSALMS 55:23

Nidi Diyin God nílíinii, ni éí a'áán góyaa ó'ooldįįłjį' ahodííłkał. Diné nideiłtseedgo dił bits' ádaazlį́įgo ádeile'ii índa binda'adlo'ii doo nízaadgóó dahináa da doo, nidi shí éí naa jííníshłíi doo.

PSALMS 66:9

Éí nihii' sizíinii dahináanii bitahgi nihaa áhályą́ áádóó doo dadiigeehgóó ánihósin.

PSALMS 91:12

Bíla' yee dah daníłteehgo doo tsé bik'ą́ą́h didííltał da.

PROVERBS 2:8

T'áá ákogi ádaat'íinii bá dahonít'i'ii yik'iiní'į́į́' áádóó bidiyį́į́' danilíinii bá dahonít'i'góó yá hasht'eyósin.

PROVERBS 3:23

Áko índa hasihgo atiingóó yínáałgo doo díníítł'ah da.

PROVERBS 3:26

Háálá Bóhólníihii baa dzíínílíi doo, áko nikee' doo niitł'ááhgóó áyósin doo.

ISAIAH 27:3

Shí Bóhólníihii nishłíinii éí baa áháshyą́; t'áá áłahájį' tó bił neheshkaah doo; doo ła' haada yidoolíłígíí biniyé t'áá ákwíí tł'éé' índa t'áá ákwíí jį́ baa áháshyą́.

I PETER 1:5

nihí nihe'oodlą' binahjį' Diyin God bibee adziilii bee nihaa ádahayą́ągo yisdánihidoo'nilgo niiníłką́ądi yit'íní ánihidi'doolníiłgo hasht'enihi'dólzin.

I SAMUEL 2:9

Bidiyį́į́' danilíinii deíkááhgóó yaa áhályą́, nidi doo yá'ádaashóonii éí chahałheeł yii' dadéesxéel doo, háálá diné bibee adziilii doo yee ak'eh doodleeł da.