PSALMS 113:9 - Navajo Bible

⁹ Asdzání doo ałchíhígíí ba'áłchíní haleehgo bił hózhǫ́ǫgo bighan yaa áhályą́ągo ádeiile'. Bóhólníihii baa dahohniih!

PSALMS 113:9 ပူးပေါင်းရင်းမြစ်များ

GENESIS 25:21

Áádóó Áízak hwe'asdzą́ą́ doo ałchíi dago biniinaa Bóhólníihii nídzooskan, áko Bóhólníihii hodiizts'ą́ą'go hwe'asdzą́ą́ Rebékah i'niiltsąąd.

II KINGS 4:17

Nidi asdzání i'niiltsąąd áádóó Iiláísha t'áá áhodííniidígíí bik'ehgo nááhaigo t'áá áajį' anáhoolzhiizhgo hayáázh hazlį́į́'.

PSALMS 68:6

T'áá bita'ígóó naagháii bighan hólǫ́ǫ doogo Diyin God baidiyii'aah. Awáalyaa naazhjé'ígíí ch'íyii'éésh. Nidi nidaalteehii t'éiyá kéyah dahóółtseiigi kéédahat'į́.

ISAIAH 54:1

Doo íłchíii, hótaał; doo ádéí'iilt'e'ii, ha'dí'aah; awéé' t'ah doo nídii'néehii, yéego hadílgháásh, háálá asdzání ayéehii ba'áłchíní hólónígíí biláahgo doo ałchíii ba'áłchíní hodooleeł, ní Bóhólníihii.

NUMBERS 5:28

Ákondi asdzání doo ádoolchxǫ'góogo, nidi t'óó bi'didéehgo éí doo bohodiit'i'góó ba'áłchíní hodooleeł.

GALATIANS 4:27

Háálá Diyin God bizaad bee ak'e'ashchíinii ání: Asdzání, na'áłchíní t'áadoo hazlį́į'ii, nił hózhǫ́ǫ le', doo i'niiltsąąhii awéé' doo bídii'néehii, nił hózhǫ́ǫgo dílwosh, háálá asdzání doo ałchíi daígíí asdzání bahastiin yee ba'áłchíní hólóonii biláahgo ha'áłchíní hodooleeł.

I SAMUEL 2:5

T'áadoo bídin dajílíní da yę́ę k'ad éí t'áá bídin hóyée'go da'jiyą́, nidi dichin danilį́į́ nít'éé' yę́ę éí doo dichin danilį́į da daazlį́į́'. Doo ałchíii yę́ę ba'áłchíní tsosts'id hazlį́į́', nidi ła' ba'áłchíní t'óó ahayóí yę́ę éí doo ałchíi da silį́į́'.