PSALMS 113:4 - Navajo Bible

⁴ Bóhólníihii éí ał'ąą dine'é t'áá ałtso yiláahgo ayóó át'é, áádóó yee ayóó át'éii yót'ááh hiníláii biláahgo át'é.

PSALMS 113:4 ပူးပေါင်းရင်းမြစ်များ

I KINGS 8:27

Nidi Diyin Godísh t'áá aaníí nahasdzáán yikáa'gi kééhat'į́į doo? Jó, yádiłhił índa yá'ąąsh t'áá náhwiist'ą́ą́ nít'éé' doo nihóoghah da, índa díí kin ná áshłaaígíí ádiyooshéhí yee'.

PSALMS 148:13

Bíni'dii Bóhólníihii bízhi' yaa dahaniih, háálá bí bízhi' t'éiyá ts'ídá aláahgo át'éii át'é; nahasdzáán índa yádiłhił biláahgo Bóhólníihii ayóó át'éii nilį́.

PSALMS 8:1

Bóhólníihii nílíinii, nihiBóhólníihii, nahasdzáán t'áá si'ą́ą́ nít'éé' bikáá'góó dooládó' nízhi' bee naa ha'niih da! Wót'ááh biláahdi bee naa ha'niihii níínílá.

PSALMS 97:9

Háálá ni, Bóhólníihii nílíinii, nahasdzáán t'áá si'ą́ą́ nít'éé' biláahgo ayóó ánít'é. Diyin dabidi'níinii t'áá ałtso biláahgo ayóó át'éii nílį́.

PSALMS 99:2

Záíyangi Bóhólníihii ayóó át'éii nilį́. Ał'ąą dine'é t'áá ałtso yiláahgo ayóó át'éii nilį́.

ISAIAH 40:15

Jó, ał'ąą dine'é éí ásaa' biyi'dę́ę́' tó nidoolch'ą́lígíí nidahojílin, áádóó bee dah nídiidlohí bee łeezh dibahí t'įįhdígo dah hidiidlohígíigi át'éego haa nitsíkees; jó, łeezh áłch'į́į́dígo nízhdiijaa' nahalingo táyi'dę́ę́' kéyah hadaaz'áhígíí néididoojih.

ISAIAH 40:17

Binááł ał'ąą dine'é t'áá ádzíłtso t'áadoo dajílíní da; t'áadoo dajílínígóó índa t'áadoo nídazhdoodleełígóó haa nitsíkees.

ISAIAH 40:22

Nahasdzáán biláahdi aghánáhóó'áadi dah sidáii nilį́, áádóó binááł nihokáa'gi kéédahojit'íinii nahachagii nidahojílin; ata'naníbaalí nahalingo áádóó níbaal bii' hooghanígi át'éego yádiłhił yiníłbaal;

ISAIAH 66:1

Bóhólníihii kóní, Yádiłhił éí shibik'i dah asdáhí bikáá'dóó nahash'áii át'é, áádóó nahasdzáán éí shibik'i dah adées'eezí át'é; háadish kin shá ádaohłééh? Índa háadish éí shihóoghahgo hanáshyį́įh doo?