PSALMS 113:2 - Navajo Bible

² Kodóó áádóó ahool'áágóó Bóhólníihii bízhi' wójíigo baa ha'niih le'!

PSALMS 113:2 ပူးပေါင်းရင်းမြစ်များ

I CHRONICLES 16:36

Ízrel dine'é biBóhólníihii Diyin God baa ha'niihgo hool'áágóó ahóyéel'áa doo. Áko diné t'áá ałtso ádadííniid, T'áá ákót'ée le', áádóó Bóhólníihii yaa dahaznih.

PSALMS 106:48

Hool'áádę́ę́' áádóó ahóyéel'áágóó Bóhólníihii, Ízrel dine'é biDiyin God nilíinii baa ha'niih le'! Áádóó diné t'áá ałtso, T'áá ákót'ée doo, daaníi le'! Bóhólníihii baa dahohniih!

PSALMS 115:18

Nidi nihí kodóó ahóyéel'áágóó Bóhólníihii baa dahwii'niih doo. Bóhólníihii baa dahohniih!

PSALMS 41:13

Hool'áágóó ahóyéel'áágóó Ízrel biDiyin God, Bóhólníihii baa ha'niih le'! T'áá ákót'ée doo, t'áá ákót'ée le'.

DANIEL 2:20

Áádóó Daniel ání, Diyin God bízhi' bee baa ha'niihgo hool'áágóó ahool'áa le', háálá bí t'éiyá hódzą́ áádóó adziil bee hólǫ́.

EPHESIANS 3:21

Áko Christ dayoodláanii t'áá ła' bizhi'ee, índa Christ Jesus bee Diyin God baa ha'niih doo, sáná'oogą́ą́ł bá nihonít'i'jį' áádóó ahóyéel'áágóó baa ha'niih doo! T'áá ákót'ée doo.

REVELATION 5:13

Nít'éé' yá'ąąshdi áádóó nahasdzáán bikáa'gi áádóó nahasdzáán biyi'di índa táyi'di nidaaldeehii, áádóó biyi'di dahólóonii t'áá ałtso kódaaníigo diséts'ą́ą́', Bikáá'dóó nahat'áii bikáá'dóó dah sidáii índa Dibé Yázhí nilíinii éí aa ha'niih, ił ídlį́, ayóó é'ét'é índa adziil hool'áágóó ahóyéel'áágóó bíí' dooleeł!