PSALMS 101:3 - Navajo Bible

³ T'óó badaa'ihii doo ła' nídideeshłéełgo dinéesh'įįł da. Nits'ą́ąjį' náníjahii yaa nidaakaii jooshłxá; doo beinísht'į́į da doo.

PSALMS 101:3 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 31:1

Shináá' t'éiyá bee nísh'į́į dooleełii nidiní'ą́, áko ha'át'éegoshą' ch'ikę́ę́h ła' bidáneeshníi doo?

PSALMS 119:113

Naaki nilį́įgo nitsídaakeesii jooshłxá, nidi nibee haz'áanii ayóó'óósh'ní.

PSALMS 119:37

T'áadoo biniyéhígóó danilíinii bits'ą́ąjį' dínísh'į́įgo áshíínísin, áádóó náshiiłnaahgo nik'ehgo áhoot'ééjí shiyííłáał dooleeł.

PSALMS 125:5

Nidi na'adlo' t'áá deíłt'éeh doo biniyé ats'áhaaskaii, éí doo ákwii ádaaníiłii bił yówehjį' Bóhólníihii ho'doołnih. Ízrel dine'é bitahgi hasht'ehodít'ée le'!

PSALMS 139:22

T'áá niná'deet'įįdjį' bik'ee dadinishniih; shi'ana'í danilį́įgo baa nitséskees.

PSALMS 14:3

T'áá ałtso honít'i'ii yits'ádahaaskai; t'áá ádzíłtso t'óó hadaa'ih dadzizlį́į́', doo nidi ła'da yá'át'éehgo ááníił da, dooda, t'ááłá'í nidi dooda.

PSALMS 36:3

Saad doo ákwii át'éii índa na'adlo' yee yáłti', doo áhoosyąąd da, índa yá'át'éehii doo áyóle' át'ée da silį́į́'.

PSALMS 39:1

Shitsoo' bee doo ádił adeesziihígíí biniyé naasháágóó ádaa áháshyą́ą doo. Diné tsi'nidaakaii shinaagóó nidaakaigo shizaad baa áháshyą́ą doo, dííniid.

PSALMS 40:4

Diné ádaa daha'niihii áádóó dabiyooch'íidii yich'į' yóó'ádahakáhígíí éí doo hoł nilíinii índa Bóhólníihii beijólíii éí hak'ihojidlí.

PSALMS 41:9

T'áá aaníí, áhánígo shik'is nilíinii baa jííníshłíigo shits'ą́ą́' ná'ádį́į́h nít'éé' yę́ę łeezh shik'ijį' yiztał.

PSALMS 78:41

Ízrel dine'é yóó'anáhákáahgo biDiyin God nilíinii nayínídantah nít'éé' áádóó Ízrel dine'é biDiyin nilíinii t'áadoo yá dahooł'a' da.

PSALMS 78:57

Nidi bizhé'é yę́ę ádáát'įįdígi át'éego t'ą́ą́' dah náhidiikaigo binda'adlo' go ałtį́į́' doo bééhózingóó nidigęęsígíí nidahalin nít'éé'.

PSALMS 97:10

Bóhólníihii ayóó'ádeínóhnínígíí, doo yá'át'éehii dajiinohłá; Bóhólníihii éí bidiyį́į́' danilíinii bii' naazíinii yá yaa áhályą́. Diné doo yá'ádaashóonii yits'ą́ąjį' yisdáyiinííł.

EXODUS 20:17

Bił kééhót'íinii bighan ts'ídá t'áadoo bidáninilníní; bił kééhót'íinii be'asdzą́ą́ ts'ídá t'áadoo bidáninilníní; diné bá naalte', doodaii' asdzání bá naalte', doodaii' bibéégashii, doodaii' bitélii ts'ídá t'áadoo bidáninilníní, áádóó bił kééhót'íinii bíhígíí ts'ídá t'áadoo bidáninilníní.

EXODUS 32:8

bee bich'į' haasdzí'ígíí t'áadoo hodina'í yits'áhaaskai; t'áá bí óola deidííłhį́į'go béégashii yáázh ádá ádayiilaa áádóó yich'į' nidahałáago nááda'iiłniih, áko ádaaní, Ízrel dine'é danohłíinii, díí nihidiyin Ííjip kéyahdę́ę́' ch'ínihiní'eezhii át'é.

PROVERBS 6:12

Be'ádíláahgo doo yá'áshǫ́ǫ́góó naagháii ák'eh hal'į́įgo yáłti'.

PROVERBS 6:13

Éí diné bináák'is ánáyiil'įįh; bikee' yee na'é'égizh, bíla' yee naałchid;

PROVERBS 6:25

Ayóó ánoolnin nidi nijéí biyi'dóó t'áadoo bidáninilníní, índa bináá' yee nółnééł lágo.

PROVERBS 8:13

Bóhólníihii jidósinii éí doo yá'áshóonii jijoołxáii át'é; ádaa ha'niih áádóó ádíhólnííh áádóó doo yá'át'éehii bił dahonít'i'ii índa saad bee ák'eh ha'į́ jooshłxá.

ECCLESIASTES 6:9

Laanaa hwiindzinígíí biláahgo t'áadoo le'é dadziiłtse'go yá'át'ééh. Díí ałdó' t'áadoo nánídlíní da áádóó níyol ch'ééh bíjílyeed nahalin.

ISAIAH 30:11

Nahjį' hahohkááh, atiin bits'áhóhkááh, Ízrel dine'é biDiyin nilíinii nihidááhdóó t'áadoo baa ch'ídahoyoh'aahí.

ISAIAH 33:15

T'áá ákogi át'éego yigáałii áádóó t'áá ákogi át'éego yáłti'ii, ade ó'ólzin bee a'iideeł yijoołáii, bee naho'diiniihii doo yinízingóó bíla' yigháadii, diné bidił deezna'go doo t'áá k'ad yaa hodiizts'ą́ą'ii, doo yá'át'éehgo ádahooníiłii yich'į' nániilch'iłii

JEREMIAH 22:17

Nidi ni adáninilníigo áádóó diné doo ádihodiilt'i'ii diyoolyéełgo bidił doolzasgo áádóó diné bide ahwíínísingo índa t'áá na'níle'dii diné bi'doodlohgo łídoocháásh t'éiyá baa nitsíníkeesgo baa nahídá.

MICAH 2:2

Áádóó dáda'ak'eh yidádanoolníigo yił hadahidilchííd, índa daakin yidádanoolníigo t'áá na'níle'dii aghadayii'nííł, áko diné áádóó ba'áłchíní éí t'áá bí áádóó bíí' dadooleełii yide ádahósin.

ZECHARIAH 8:17

bił kéédahoht'íinii nihijéí biyi'dóó t'áadoo nichxǫ́'ígo bee baa nitsídaahkeesí índa t'áá ádzaagóó ádee ha'diidziihii t'áadoo nihił ayóó ádaat'éhí, háálá díí kódaat'éhígíí t'áá ałtso jooshłxá, ní Bóhólníihii.

MATTHEW 5:28

Nidi shí ánihidishní, T'ááłá'í jinítínígo asdzání bidázhnoolníigo jinééł'į́'ígíí t'áá íídą́ą́' hajéí bii' bił ahizhdoolyáago át'é.

ROMANS 12:9

Ts'ídá haleebee ayóó'áda'ahíínóh'ní. Doo yá'át'éehii bik'ee dadinohniih le', yá'át'éehii t'éiyá yéego bąąh dashoojéé'.

GALATIANS 4:9

Nidi k'ad Diyin God béédahosoosįįd, doodaii' Diyin God bídę́ę'go agháago nihééhoosįįdgo, ha'át'éego lá nahadlá átsé bee nidanihidi'neestą́ą'ii éí doo bee adziil da nidi, áádóó t'áadoo nánídlíní da nidi bich'į' t'ą́ą́' dah nídaahkah lá? Éí binaalte' nídadiidleeł daats'í danohsin?

DEUTERONOMY 13:17

Áko ádadooldįįłgo nideet'áanii ts'ídá doo nijilée da, áko Bóhólníihii yee hashké nídzinii bik'e'íyée'ii doo nihik'i hwiidooleeł da, nidi nihaa a'ááh dínóozįįł áádóó nihaa a'áhí dínóozįįł índa k'ee'ąą nooht'į́įłgo ánihidoolííł, ákót'éego danihizhé'é yę́ę yich'į' yee ádee hadoodzíí'.

DEUTERONOMY 15:9

T'ááká yíila' nihijéí bee nichxǫ́'ígo tsídóhkeesgo kódóhniih lágo, Tsosts'id náhááh góne' ąąh háá'á bik'ińda'didzóóh baa nááhoolzhíísh. Áko nihik'is té'é'į́ nilį́įgo t'óó nabídanołyęęshgo áádóó doo t'áá k'ad bada'sooláágóó t'óó nihik'ijį' nilį́įgo Bóhólníihii yíká áníi doo, índa bí biniinaa ádił da'soołziih doo.

HEBREWS 10:39

Nidi t'ą́ą́' anáhineezdee'go ádabi'disdįįdii doo bitahjí daniidlį́į da, nidi nihíyee' da'iiniidlą́ągo baa dadzííníidlíigo nihii' naazíinii yisdádoo'nił.

JOSHUA 23:6

Éí bąą yéego chánah danohłį́įgo naaltsoos bii' Mózes bibee haz'áanii bee ak'e'ashchínígíí t'áá ałtso bik'eh dahonoł'į́įgo bik'eh ádanoht'ée doo, áko nish'náajigo, doodaii' nishtł'ajigo ts'ídá doo bits'ą́ąjį' kódadoohníił da,

II PETER 2:21

Háálá bił béédahoozindóó bik'ijį' diyingo bee haz'áanii baa dadeest'ánę́ę yits'ą́ąjį' nídaazyizjí éí t'áá ákogi át'éego honít'i'ii ts'ídá t'áadoo bił béédahoozįįdjí agháago bá yá'át'éeh doo nít'éé'.

I John 2:19

Nihits'ą́ą́dóó aheeskai, nidi éí doo t'áá aaníí nihíí' danilį́į da, háálá nihíí' danilį́įgo, t'ah nihił naakai doo nít'éé', nidi éí t'áadoo bahat'aadí doo nihits'ą́ą́dóó danilínígíí béédahodoozįįł biniyé nihits'ą́ą́dóó aheeskai.

I SAMUEL 15:11

Saul aláahgo naat'áanii nilį́įgo áshłaaígíí bąąh shíni', háálá doo shikéé' yigáał da silį́į́' índa shibik'eh ó'oo'níiłii doo yik'ehgóó át'ée da. Áko Sámuel éí baa yínííł dzizlį́į́' áádóó Bóhólníihii níjookąąhgo yiską́.