PSALMS 101:2 - Navajo Bible

² T'áadoo bee bik'íhót'ahíjí honít'i' baa ákonisingo bikáá' yisháał doo. Bóhólníihii nílíinii, hahgoshą' shaa díínááł? Shighan haz'ą́ągi shijéí t'áá ákogi át'éego hinishnáa doo.

PSALMS 101:2 ပူးပေါင်းရင်းမြစ်များ

PSALMS 119:106

Ádee hadeesdzíi'ii bi'deeshłííł: éí t'áá ákogi át'éego nibik'eh hoogáałii bik'eh honish'į́į doo.

I KINGS 9:4

Áádóó t'áá nizhé'é David yę́ę shinááł naayáhígi át'éego nijéí doo bina'adlo'góó áádóó t'áá ákóne' ánít'éego shinááł yínáałgo áádóó bee nich'į' haasdzí'ígíí bik'eh honíł'į́įgo ááníiłgo índa bee nihoní'áanii áádóó bee nihodiish'aahii baa honíyáago

PSALMS 119:115

Doo yá'át'ééh ádaahníiłii, shits'ánóhkááh, áko shiDiyin God bibik'eh ó'oo'níiłii bik'eh honish'į́į doo.

PSALMS 101:6

Kéyahgi diné bada'ahódlíii shił kéédahat'į́į doo biniyé bik'i désh'į́į' doo. T'áadoo bee bik'íhót'ahígóó áhoot'ééjí yigáałii éí shá naal'a' doo.

PSALMS 40:17

Shí shahojoobá'í áádóó hojooba' hoséł'ą́ągo Bóhólníihii shaa nitsíkees. Shíká análwo'ii nílį́ áádóó hááshiiłteehii nílį́; shiDiyin God nílíinii, t'áadoo t'ah níníziní!

I KINGS 11:4

Ákódzaago Sálaman ho'niitihgo hwe'asdzą́ą́ danilíinii diyin dabidi'níinii bikéé' yóó'adahaazlóóz; hazhé'é David yę́ę éí t'áá ákogi át'éego níyá, nidi hó éí Bóhólníihii haDiyin God bich'į' doo t'áá ákogi ájít'į́į́góó jiníyá.

DEUTERONOMY 6:7

Áádóó haleedí bee éí saadígíí bee niha'áłchíní nidanohtin, áádóó nihighan góne' bił nidahísóotą́ągo éí saad baa yádaałti', áádóó bił tádadohkááhgóó áádóó danohjeehgo índa nídahidoohjeehgo bee bich'į' yádaałti'.

II CHRONICLES 30:12

Áádóó Diyin God éí Júdah dine'é bitahgóó t'áá ła' bijéí yee tsídeideeskéezgo áyiilaa, áko aláahgo naat'áanii índa naat'áanii danilíinii yich'į' yee haadzí'ígíí Bóhólníihii bizaad k'ehgo ádaadzaa.

II CHRONICLES 15:17

Nidi ninádahałaah doo biniyé wódah nahaz'ą́ągo ádaalyaaígíí éí Ízrel kéyahdóó t'áadoo nahjį' kólyaa da; azhą́ ákót'ée nidi, Éísa bijéí yee t'áá ákwii át'éego bíiníłką́.

I SAMUEL 22:14

Áko Ahímelek éí aláahgo naat'áanii áyidííniid, Háishą' t'áá aaníí David ba'ahódlíii aláahgo naat'áanii yaadaaní nilínígi át'éego ná nidaal'a'í bitahgi ba'ahódlí? Áádóó naa ádahalyáanii yinanit'a'í nilį́, índa nighan góne' ił nilį́.

JOSHUA 24:15

Ákondi Bóhólníihii bá nidaał'a' dooígíí nihił t'óó badaa'ihgo, díí jį́ háidíígíí bá nidaał'a' dooleełígíí nidadinoh'aah; tooh nílínígíí wónaanídi diyin dabidi'níinii danihizhé'é yę́ę deidísin nít'é'ígíí daats'í, doodaii' Ámor dine'é bikéyah bii' kéédahoht'ínígíí bidiyin dabidi'níinii daats'í, nidi shí éí índa shighandóó danilíinii bił Bóhólníihii bá nideiil'a' dooleeł.

GENESIS 18:19

Hwééhasin; ha'áłchíní áádóó haghangi kéédahat'íinii Bóhólníihii yik'ehgo dayíkáah doo biniyé t'áá ákogi ádaaníiłgo yá'át'éehgo ádaat'į́į dooleełgi bee jinootį́įł doo, áko Bóhólníihii éí Éíbraham yá haadzíi'ii yá íidoolííł.

ISAIAH 38:3

áádóó ázhdííniid, Bóhólníihii, k'ad shéénílniih, t'áá shǫǫdí, ninááł t'áá aaníígóó áádóó t'áá ákogi ánísht'éego níyá, áádóó yá'ádaat'éehii ninááł baa niséyá. Áko Heziikáíyah yéego jíícha.

II SAMUEL 8:15

Nít'éé' David éí Ízrel dine'é t'áá ałtso yinant'á, áko David éí ts'ídá doo haada yit' éégóó áádóó t'áá ákogi át'éego bidine'é t'áá ałtso yá hoo'ááł nít'éé'.

EXODUS 20:24

Shich'į' náádadi'yoołnih biniyé łeezh bee bikáá' náá'iiniihí ádadoohłííł, áko éí bikáá' didlidgo nihinááhániihii, áádóó hózhǫ́ǫ́jí nihinááhániihii, áádóó nihidibé, índa nihibéégashii éí náádahołniih doo; t'áá ałtso shízhi' bééhániihgo áshłaaígi nihaa deesháałgo nihik'ijiideeshdliił.

PSALMS 26:11

Nidi shí éí doo shina'adlo'góó yisháał doo; shik'éniná'nídléego hááshíłteeh, áádóó shaa jiiníbaah.