PSALMS 100:4 - Navajo Bible

⁴ Ahééh danohsingo yah ada'iiztiin góne' yah adahohkááh, áádóó baa dahohniihgo bikin bii' sohodizin bił haz'ą́ągi nidahohkááh! Bich'į' ahééh danohsin; bízhi' baa dahohniih!

PSALMS 100:4 ပူးပေါင်းရင်းမြစ်များ

I CHRONICLES 29:13

Éí bąą k' ad, nihiDiyin God nílíinii, nich'į' ahééh daniidzin índa nízhi' ayóó át'éii baa dahwii'niih.

I CHRONICLES 29:20

Nít'éé' David áłah ílínígíí t'áá át'é yich'į' haadzíi'go ání, K'ad Bóhólníihii nihiDiyin God bił hózhǫ́ǫgo baa dahohniih. Áko áłah ílínígíí t'áá át'é dabizhé'é yę́ę biBóhólníihii Diyin God bił hózhǫ́ǫgo yaa dahaniih, áko Bóhólníihii yich'į' yaa ádaadzaago nidahasá índa aláahgo naat'áanii yaa dahaznih.

PSALMS 122:2

Jerúsalem honílyéii, nidáádadilkałgóó wóne'dóó nidasiidzį́.

PSALMS 122:4

Ákóde Bóhólníihii bidine'é Bóhólníihii bízhi' baa ahééh daznízin doo biniyé ałnáádajikah; éí Ízrel dine'é bá bee nihodeet'ą́.

PSALMS 65:1

Diyin God nílíinii, Záíyandi naa haniihii hólǫ́. Áádóó nich'į' bee ádee ha'oodzí'ígíí éí bihodoolnííł.

PSALMS 66:13

Didlidgo náádahaniihii yishjihgo nikin góne' yah adeeshááł. Nich'į' ádee hadeesdzíi'ii bi'deeshłííł.

PSALMS 95:2

Bich'į' ahééh daniidzingo bidááhdóó nihidiikah, áádóó nihił dahózhǫ́ǫgo sin bee bich'į' yéego dahwiitaał doo!

PSALMS 96:2

Bóhólníihii bich'į' dahohtaał. Bízhi' baa dahohniih. Bibee yisdá'iildéehii t'áá ákwíí jį́ baa ch'ídahoyoh'aah.

PSALMS 96:8

Bóhólníihii bízhi' ayóó át'éii yą́ą́h nilíinii bee baa dahohniih! Náádahidoołnihii deínóhjáahgo bikin bii' sohodizin góne' yah ahohkááh!

PSALMS 99:3

Nízhi' ayóó át'éii índa t'áá íiyisí bits'ąą hasti'ii yee danózhíigo naa dahaniih le'! Háálá hó jidiyin!

ISAIAH 35:10

áádóó Bóhólníihii yik'é niná'ídláii nináhidookah, índa hool'áágóó ił hózhǫ́ bitsiit'áagi dahólǫ́ǫgo dahataałgo Záíyanjį' nidookah; ił hózhǫ́ áádóó baa ił hózhóonii bíí' daazlį́į' doo índa yínííł áádóó cha hasin bits'ádooldoh.

HEBREWS 13:15

Éí bąą haa'íshą' Jesus bee Diyin God baa dahwii'niihígíí t'áá áłahjį' bich'į' náádahiilniih doo. Bízhi' deíníijíigo bee bich'į' ahééh daniidzingo ádee hadahidiidziihii bineest'ą' át'é.