PSALMS 100:3 - Navajo Bible

³ Bóhólníihii éí Diyin God nilį́įgo béédahonohsįįh! Bí ánihiilaa, t'áá nihí doo ádeiidzaa da; bidine'é niidlį́ áádóó bikéyah hootsogóó bidibé naakaígíí nidahoniidlin.

PSALMS 100:3 ပူးပေါင်းရင်းမြစ်များ

II KINGS 19:19

Éí bąą k'ad, Bóhólníihii nihiDiyin God nílíinii, nánooshkąąh, nihokáá'góó bee ídahólníihii éí t'áá ni t'éiyá Bóhólníihii Diyin God nílį́įgo bił béédahodoozįįł biniyé éí bits'ą́ąjį' yisdánihínííł.

I CHRONICLES 16:14

Éí Bóhólníihii nihiDiyin God nilį́. Nahasdzáán bikáá'góó t'áá níłtéél nít'éé' ánihwii'aah.

JOB Naaltsoos Biyi' Job Baa Hane'ii 10:3

Diné bide áhwíínísingo áádóó binishínílnishígíí ni'į́įgo índa diné doo yá'ádaashóonii yindaha'áii bich'ijí nílį́įgoósh nił yá'át'ééh?

PSALMS 119:73

Níla' bee áshiinilaago hasht'eshiinilaa; nibik'eh ó'oo'níiłii bóhwiideesh'áłígíí biniyé ak'idi'yiishtįįhgo áshílééh.

PSALMS 12:4

Nihizaad bee ak'eh dadiidlį́į doo, t'áá nihí daniidzinígíí bee yádeiilti'go, háishą' nihee ádíhólníih doo? dadííniidii Bóhólníihii nahjį' kóbidoolííł.

PSALMS 149:2

Bíni'dii Ízrel dine'é Ábiilaii baa bił nidahoozhǫǫh; bíni'dii Záíyandóó dine'é binanit'a'í t'áá íiyisí yaa bił dahózhǫ́!

PSALMS 46:10

Hasht'edíínít'é; shí Diyin God nishłį́įgo nił bééhodoozįįł. Ał'ąą dine'é bitahgóó ayóó ánísht'éego áshidi'doolnííł; nahasdzáán bikáa'gi ałdó' ayóó ánísht'éego áshidi'doolnííł.

PSALMS 78:52

Áko índa dibé nahalingo t'áá bí bidine'é dah yidii'eezh, áádóó honoojíidi dibé bá tázhdíghááh nahalingo yá tádííyá.

PSALMS 79:13

Áko nidine'é niidlíinii nikéyah hootsogóó dibé naakaígíí nahoniidlingo hool'áágóó nich'į' ahééh daniidzin doo; náás oochííłgóó bee naa ha'niihii baa nidahwiilne' doo.

PSALMS 95:3

Háálá Bóhólníihii éí Diyin God ayóó át'éii nilį́; diyin dabidi'níinii t'áá ałtso biláahgo Aláahgo Naat'áanii ayóó át'éii nilį́.

EXODUS 6:7

Áko shidine'é danohłį́į doo áádóó shí nihiDiyin God nishłį́į doo índa shí Bóhólníihii nihiDiyin God éí Ííjip dine'é naanish yídanihiniłkadgo atídanihił'į́ yę́ędóó ch'ínihiní'eezhii nishłį́įgo nihił béédahodoozįįł.

ECCLESIASTES 12:1

Doo yá'áshóonii t'ah doo beíłkaahdą́ą́' nináháháahgo yítih dooleełígíí t'ah doo baa hoolzhííshdą́ą́', Doo bíneeshdlį́į da, t'ah doo diniihdą́ą́', t'ah ániid nanináhídą́ą́' Ániilaii béénílniih;

ISAIAH 63:11

Ákohgo bidine'é éí ałk'idą́ą́' Mózes bíiníłkáanii yéédaalnii'go kódaaní, Dibé yaa áhályáanii áádóó tónteel biyi'góó bidibé ch'íiní'eezhii háadi naaghá? Hatahgi Níłch'i Diyinii hólǫ́ǫgo áyiilaii háájí silį́į́'?

ISAIAH 63:19

T'áadoo binanínít'ą́ą daígíí áádóó t'áadoo nízhi' bee dayééji'ígíí nidahoniidlin dasiidlį́į́'.

ISAIAH 64:7

Áádóó niidoołtsoł biniyé doo ła' tsídíkeesgo nízhi' yózhíigo ná'ookąąh da, háálá ninii' nihits'ąą nídíníł'į́į́' áádóó doo yá'áshǫ́ǫ́góó ádeii'níiłii biniinaa ánihííłdįįł.

JEREMIAH 10:10

Nidi Bóhólníihii éí t'áá aaníí Diyin God nilį́; Diyin God hináanii nilį́įgo hool'áágóó Aláahgo Naat'áanii nilį́. T'óó báhádzidgo yee atí'éł'íinii yidiiłnáahgo nahasdzáán hidi'nááh, áko doo bił hazhǫǫhígíí yik'ee ał'ąą dine'é doo yich'į' hada'ólníi da.

EZEKIEL 34:11

Háálá Bóhólníihii Diyin God kóní, T'áá shí shidibé hadinéeshtaałgo bitah dídéesh'įįł, jó'akon.

JOHN 17:3

Áko iiná doo ninít'i'ii éí díí, ni t'éiyá t'áá aaníí Diyin God nílį́įgo néédahodoosįįł, índa Jesus Christ yiníł'a'ígíí ałdó' yéédahodoosįįł.

II CORINTHIANS 4:6

Diyin God éí, Chahałheeł biyi'dę́ę́' adinídíin le', dííniidii t'áá éí Christ binii' yik'i diiłdíinii nihił béédahodoozįįł biniyé bee bits'ádi'nílííd bee bééhózinii nihijéí yii' dííłdíín.

EPHESIANS 2:10

Háálá Diyin God ánihijiilaii niidlį́. Christ bee yá'át'éehgo ádeii'níił doo biniyé ánihijiilaago éí baa nideiikai dooleełii t'áá bítséedi nihá binahodziz'ą́.

DEUTERONOMY 32:15

Nidi Jéshuran éí nineelk'aigo adziiztáál. Nínílk'ah áádóó nitsį' ditą́ índa ninínílk'ai. Nít'éé' Diyin God áhoolaii yóó'azhdíí'ą́ áádóó Tsé Niłdzilii bee yisdájiigháhígíí t'óó bá nahojiłt'i'.

DEUTERONOMY 32:6

Da' Bóhólníihii kónídaohdlééh, dine'é doo áhályáanii áádóó doo hóyáanii nohłíinii? Bí éí nihizhé'é náánihiisnii'ii nilį́. Bí éí ánihiilaii índa ánihósinii nilį́.

DEUTERONOMY 4:35

Nihí nihich'į'go yit'íní ályaa, áko Bóhólníihii Diyin God nilį́įgo nihił béédahodoozįįł. Jó, doo ła' Diyin God nááhódlǫ́ǫ da.

DEUTERONOMY 4:39

Éí bąą díí jį́ díí nihił béédahoozįįh áádóó nihijéí biyi'di baa nitsídaohkees: Bóhólníihii éí wódahgo yádiłhił biyi'di áádóó nahasdzáán bikáa'gi t'áá bí t'éí Diyin God nilį́, áádóó doo ła' Diyin God nááhódlǫ́ǫ da.

DEUTERONOMY 7:9

éí bąą díí baa ákodanoozį́į́': Bóhólníihii nihiDiyin God, bí Diyin God nilį́; bí Diyin God ba'ahódlíii nilį́; éí bibee aha'deet'áanii áádóó yee a'ááh nízinii ayóó'ádabó'níinii índa bibik'eh ó'oo'níiłii yik'eh dahół'íinii miildi ałk'i ná'iyoochííłgóó yá yi'ósin.

I PETER 2:25

Háálá dibé yóó'ahekáhígi át'éego yóó'ahohkááh nít'éé', nidi k'ad Na'niłkaadii éí nihii' naazíinii yaa áhályáanii baa nináhisoohkai.

I PETER 2:9

Nidi chahałheeł bits'ą́ąjį' ayóó ánóolningo Diyin God bibee adinídíinjį' nihíká ádííniidígíí ayóó át'éego yee ááníiłii baa dahohniih doo biniyé t'ááłá'í dine'é nohłį́įgo nánihi'diilyá, áádóó aláahgo naat'áanii danohłį́įgo nááda'iiłniihii danohłį́, áádóó dine'é diyinii índa Diyin God bíí' danohłį́.

I PETER 4:19

Éí bąą Diyin God íinízinii bik'ehgo ti'dahojooníhígíí éí yá'át'éehgo ádajooníiłgo Í'iilaii ba'ahódlíii baa ádahizhdidoot'ááł.

I John 5:20

Diyin God biYe' níyáhígíí nihił béédahózin, áádóó Diyin God t'áá aaníinii nilį́įgo béédahoniilzin doo biniyé ak'idi'yiitįįh nihaidiní'ą́. Áko Diyin God t'áá aaníinii nilíinii bii' dahoniidlǫ́, haYe' Jesus Christ bii' dahoniidlǫ́. Díí éí Diyin God t'áá aaníinii índa iiná doo ninít'i'ii nilį́.