PSALMS 100:2 - Navajo Bible

² Nihił nidahoozhǫǫhgo Bóhólníihii bá nidaał'a'! Dahohtaałgo bidááhdę́ę́' ninohkááh!

PSALMS 100:2 ပူးပေါင်းရင်းမြစ်များ

I KINGS 8:66

Tseebíí yiską́ąjį' diné dabighangóó yéé'iisnii', áko aláahgo naat'áanii yá'át'éehii yee yá hadaasdzíí' índa Bóhólníihii éí yá'ádaat'éehii t'áá át'é bá naal'a'í David yę́ę áádóó bidine'é Ízrel yá yaa naayáhígíí yaa bił dahózhǫ́ǫgo índa bijéí bił nidahoozhǫǫhgo dabiníbaalgóó anídahaaskai.

II CHRONICLES 29:30

Náá'áłdó' aláahgo naat'áanii Heziikáíyah áádóó naat'áanii danilíinii éí Líívai dine'é yida'asnii'go David yę́ę índa áhodooníiłii yaa halne'ii Éísaf yę́ę bizaad bee Bóhólníihii baa dahohniihgo bich'į' dahohtaał deidííniid. Áko yaa dahaniihgo bił dahózhǫ́ǫgo dahóótáál áádóó yaa'ádaat'éego nidahasá.

II CHRONICLES 31:2

Áko Heziikáíyah éí nááda'iiłniihii áádóó Líívai dine'é ał'ąą dah naazhjaa'go nihwiiznilgo diné t'ááłá'í nítínígo nidaal'a'ígíí bik'ehgo nááda'iiłniihii áádóó Líívai dine'é éí didlidgo nááhániihii índa hózhǫ́ǫ́jí nááhániihii náádajiiłniihgo nidajil'a' doo áádóó Bóhólníihii bidine'é dabiníbaal naaznilígi dáń'da'ditį́į́hgóó ahééh daznízin doo áádóó baa dahojiniih doo biniyé niyiiznil

PSALMS 42:4

Diné áłah nádleehgo bił naashdeeh yę́ę, Diyin God bikin si'ą́ąjį' ałnánásh'ish yę́ę, diné áłah nilínígíí bił dahózhǫ́ǫgo biinéé' nídididla' yę́ę, ahééh danízingo dahataał yę́ę áádóó hodiyingo áłah ná'ádleehjį' bił ałnánásh'nééh yę́ę, díí béédaashniihgo t'áá íiyisí nich'į' sodiszin.

PSALMS 71:23

Ayóó át'éego shił nihoozhǫǫhgo nich'į' hashtaałgo naa hashniih doo. Shii' sizíinii yisdéíníłtíinii ałdó' ayóó át'éego bił hózhǫ́ǫgo hataał doo.

PSALMS 95:2

Bich'į' ahééh daniidzingo bidááhdóó nihidiikah, áádóó nihił dahózhǫ́ǫgo sin bee bich'į' yéego dahwiitaał doo!

DEUTERONOMY 12:12

Áko Bóhólníihii nihiDiyin God binááł nihił nidahoozhǫǫh doo; nihí áádóó nihiye'ké áádóó nihitsi'ké áádóó diné nihá nidaal'a'í áádóó asdzání nihá nidaal'a'í índa Líívai dine'é nihitahgi kééhat'ínígíí éí nihíí' dadooleełii doo bił ałts'ą́ą́' da'nołk'iiz daígíí ałdó' bił nihił nidahoozhǫǫh doo.

DEUTERONOMY 16:11

Bóhólníihii nihiDiyin God binááł nihił nidahoozhǫǫh doo; nihí áádóó nihiye'ké áádóó nihitsi'ké áádóó diné nihá nidaal'a'í áádóó asdzání nihá nidaal'a'í áádóó Líívai dine'é nihitahgóó kéédahat'ínígíí áádóó dé'éyóní áádóó áłchíní bizhé'é ádaadinii índa asdzání bąąh áhásdįįdii nihitahgóó kéédahat'ínígíí éí Bóhólníihii nihiDiyin God bízhi' dólzingo óolzin doo biniyé náhodidoo'áłígi bił nihił nidahoozhǫǫh doo.

DEUTERONOMY 16:14

Hodílzingo áłah ná'ádleehgo nihił nidahoozhǫǫh doo; nihí áádóó nihiye'ké áádóó nihitsi'ké áádóó diné nihá nidaal'a'í áádóó asdzání nihá nidaal'a'í áádóó Líívai dine'é áádóó dé'éyóní áádóó áłchíní bizhé'é ádaadinii índa asdzání bąąh áhásdįįdii nihitahgóó kéédahat'ínígíí bił nihił nidahoozhǫǫh doo.

DEUTERONOMY 28:47

Háálá Bóhólníihii nihiDiyin God doo baa nihił nidahoozhǫǫhgóó áádóó doo nihił dahóshǫ́ǫ́góó bá chodaoh'į́įgo, azhą́ t'áá ałtsoní łą́ągo yee nihik'ijidlíi nidi,

PHILIPPIANS 4:4

T'áá áłahjį' Bóhólníihii bee nihił dahózhǫ́. Náá'áłdó' ánáádísh'ní, Nihił dahózhǫ́!