PSALMS 10:4 - Navajo Bible

⁴ Diné doo yá'áshóonii ádaa dzódlíigo doo Diyin God hát'į́į da. Diyin God ts'ídá doo yaa nitsíkees da.

PSALMS 10:4 ပူးပေါင်းရင်းမြစ်များ

GENESIS 6:5

Áko Bóhólníihii éí doo yá'ádaashóonii ayóó át'éego bee nihokáa'gi tsi'adeesdee'go áádóó bił ádaat'íinii t'áá ałtso bijéí yee t'ááłáhígi át'éego bąąhági át'éii yaa nitsídaakeesgo yoo'į́.

JOB Naaltsoos Biyi' Job Baa Hane'ii 22:17

Éí Diyin God ádeidííniid, Nihits'áhoníleeh. Aláahgo Ayóó'ábóodziiliishą' ha'át'íí há íidoolíiłgo yíneel'ą́?

PSALMS 101:5

Bił kééhojit'íinii t'áá nahont'inee t'áá ádzaagóó baa hojilne'ii áhodeeshdįįł. Diné ádaa ha'niihii índa t'áá shí t'éí nízinii doo bídínéeshnáa da doo.

PSALMS 18:27

Jó, diné atídabi'dil'íinii yisdáhínííł, nidi ádaa deidzódlíii níníł'į́; éí a'ohgo ádaat'éego ádíílííł.

PSALMS 27:8

Háshidíní'į́į́', shidííníniidgo shijéí áníłní, Bóhólníihii nílíinii, hándésh'į́į́'.

PSALMS 36:1

Diné doo yá'áshóonii éí bee haz'áanii hitíhígíí bijéí biyi' bich'į' yáłti'; éí diné binááł Diyin God doo yidísin da.

PSALMS 53:1

Diné doo áhályáanii t'áá bijéí biyi'ídi ání, Diyin God doo hólǫ́ǫ da. Éí diné t'áá íiyisí dajííchxǫ'; doo haldinígi ádajíít'įįd, doo nidi ła'da yá'át'éehgo ádajooníił da.

PSALMS 73:11

Áko diné doo yá'ádaashóonii ádaaní, Haash yit'éego Diyin God bił bééhózin? Aláahgo Ayóó'át'éiísh bił ééhózin?

EXODUS 5:2

Nidi Féro ání, Háishą' Bóhólníihii nilį́įgo bizaak'eh honish'į́įgo Ízrel dine'é béé'deeshnih. Bóhólníihii bidinínígíí doo bééhasin da, índa doo t'áá k'ad Ízrel béé'níłnii' da.

PROVERBS 21:4

Ádeijódlí joolnáa'ii áádóó ádaa dzódlíigo nitsíkeesii éí diné doo yá'áshóonii bee adinídíinii át'éego ádił ni'iidzíihii át'é.

PROVERBS 30:13

Ła' ahijoolchííł dooládó' hwee áshodahódli'go dah dazhnéet'aahgo háhgóó shį́į́ nidajighal.

PROVERBS 30:9

Éí doodaléi' hwiih nishłį́įgo doo shídíínít'i'góó ándeeshłíiłgo ádideeshniił, Háísh éí Bóhólníihii nilį́? Éí doodaii' shahojoobá'ígo adínéesh'į́įłgo shiDiyin God bízhi' doo ílį́į́góó ádeeshłííł.

PROVERBS 6:17

ádaa dzódlíii, biyooch'íidgo yáłti'ii, t'áadoo át'éhígóó naagháii neiłtsxeedgo bidił dahidinéehii,

ECCLESIASTES 8:11

Doo yá'áshǫ́ǫ́góó ádáát'įįdii doo tsxį́įłgo bá nidahwiit' aahgóó biniinaa diné ba'áłchíní dabijéí yee ádił ni'iidzííh deidiniidzį́į́'.

ISAIAH 2:11

Éí yoołkáałdi diné bibee ádaa dahodzódli' noolninii wóyahgo ádoolnííł áádóó ayóó át'éego ádaa deidzódli'ii a'ohgo ádoolnííł índa Bóhólníihii t'éiyá ayóó át'ée dooleeł.

ISAIAH 3:9

Binii'jį' bee bééhózingo; Sádamgi kéédahat'íinii bibąąhági át'éii yit'íní silį́'ígi át'éego bąąhági át'éii t'áadoo yee nídeidół'į́łígóó yee ádadoot'į́. Dooládó' bii' naazíinii bich'į' doo hojooba' ájíníi da, háálá doo yá'áshóonii ádík'ijį' yídaalná.

ISAIAH 59:7

Doo yá'ádaashóonii yich'į' dah daajah, áádóó diné doo ádąąh dahast'áanii deidiyoołhéełgo bidił doonahjį' yich'į' ayóó ádaat'į́; doo ákwii át'éégóó nitsáhákeesígíí yee nitsídaakees; t'áá dahidikááhgóó nida'iiłchxǫǫh índa ti'da'ayoołnííh.

ISAIAH 65:2

Dine'é shich'į' nidaalteehii t'áá bí nitsídaakeesii bik'ehgo doo yá'át'ééh áhoot'éégóó deíkáahii shá bíighah bich'į' dah deeshnih;

JEREMIAH 2:31

Áko nihí oochíiłii nohłíinii, Bóhólníihii áníinii ts'ídá hazhó'ó deísółts'ą́ą́'. Ízrel dine'éésh honoojí índa kéyah chahałheełii bá nishłį́į́ nít'éé'? Ákoshą' ha'át'íí biniyé shidine'é, T'áá nihí nihídahólnííh; doo nich'į' náádadiikah da, dashiłní?

JEREMIAH 4:14

Jerúsalemgi kéédahoht'íinii, yisdánihi'didoo'niłígíí biniyé doo yá'áshóonii nihijéí bąąh táádaohgis. T'áadoo biniyéhígóó nitsídaahkeesígíishą' haa nízáágóó nihii' hólǫ́ǫ doo?

ZEPHANIAH 1:12

Áádóó éí hoolzhishdi ákódahoodzaago Jerúsalemgi bee hool'iní naanídeesht'áałgo nanishtáa doo, áádóó diné doo ádidahas'áágóó deíkáahii t'áá bijéí biyi'di kódaaní, Bóhólníihii éí yá'át'éhígi doo ááníił da doo; doo yá'át'éhígi ałdó' doo ááníił da doo, daanínígíí atídadeeshłííł.

ZEPHANIAH 2:3

Nihokáá' dine'é a'ohgo ádanoht'éii, bik'eh dahonoł'íinii t'áá ánółtso, Bóhólníihii hádaoht'į́. T'áá ákogi át'éii hádaoht'į́; a'ohgo é'ét'éii hádaoht'į́. Áko Bóhólníihii t'óó báhádzidgo atí'doolííł bijį́įdi daats'í nihinées'į́į' dooleeł.

MARK 7:21

Háálá diné bii'dę́ę́', bijéí bii'dę́ę́' nichxǫ́'ógo nitsáhákees hahwiileeh, adilyé, na'ageh bee tsi'na'adá, diné naatseed,

ACTS 8:22

Éí bąą nichǫ́'ógo tsídíníkézígíí łahgo át'éego bąąh tsíńdíkeesgo Diyin God néinikąąhgo, T'áá shiyi'ídi doo ákǫ́ǫ́ tsídíkéezii shá yóó'adí'aah, bidiní.

ROMANS 1:21

Jó, Diyin God béédahodzísingo éí hoł danilį́į doo nít'éé', nidi doo hoł danilį́į da, doo nidi t'áá k'ad hach'į' ahééh daniizį́į' da. Áko t'áadoo biniyéhígóó t'áá ádzaagóó nitsídaakees daazlį́į́', áádóó doo ádahalyą́ą́góó bíni' bił daatł'éé' daazlį́į́'.

ROMANS 1:28

Áko doo t'áá k'ad Diyin God jílį́įgo hwéédaasnii'ígíí biniinaa ts'ídá t'óó baa'ihgo nitsáhákees danilíinii índa doo ákǫ́ǫ́ ádahat'íinii yich'į' Diyin God nináhodiní'ą́.

EPHESIANS 2:12

Íídą́ą́' Christ t'áágééd dahinohnáago Ízrel dine'é doo bídadíínóht'i'góó naałdeeh nít'éé'. Diyin God bił aha'deet'ą́ yee nihoní'áanii doo nihídéét'i' da nít'éé'. Ił chohoo'į́ nihee ádingo Diyin God t'áágééd kééhoht'į́į́ nít'éé' yę́ę béédaałniih.

DEUTERONOMY 8:14

áko doo ayóó ánísht'é dadínóohsįįł da áádóó Bóhólníihii nihiDiyin God nilíinii doo baa deidiyoohnah da; éí Ííjip kéyahdi naalte' danohłį́į́ nít'éé' yę́ędóó ch'éénihiní'eezh.