PSALMS 10:3 - Navajo Bible

³ Jó, diné doo yá'áshóonii bijéí yee adánoolníinii yee ádaa ha'niih, áádóó diné bił adáá háníinii yik'ijidlí; Bóhólníihii éí yijoołxá.

PSALMS 10:3 ပူးပေါင်းရင်းမြစ်များ

I KINGS 20:25

áádóó siláo yóó'íínínil yę́ę bíighahgo ánánéelą́ą'go índa łį́į́' bik'eh nánítį́įgo tsinaabąąs bijáád naakiígíí bik'eh nání'ą́ągo ahíidíínił, áko halgaidi bik'iidiijah; t'áá aaníí nihí dahaláahgo danihidziil doo. Áko ádaanínígíí bá jidiizts'ą́ą'go bi'jiilaa.

JOB Naaltsoos Biyi' Job Baa Hane'ii 31:24

Óola bee shił chohoo'į́įgo, doodaii' óola yá'át'éehgo nídoolyį́į'ii, Naa jííníshłí, bidííniidgo,

PSALMS 35:21

Tłeheeyéii', daaníigo bizéé' nídahodits'ǫ'go shaa daadloh. Nihináá' yee' bee dahwiiltsą́! daaní.

PSALMS 49:18

Azhą́ hináago, Shii' sizíinii bił hózhǫ́, nízin nidi, áádóó azhą́ náás ooléełgo bee baa ha'niih nidi,

PSALMS 49:6

Éí t'áá bí deit'íinii yaa dadzólí índa ts'ídíkohgo asht'į́ daaníigo yee ádaa daha'niih.

PSALMS 5:6

Dabiyooch'íidii áníłdįįh. Diné neiłtseedgo dił bits'ánílį́įgo ádeile'ii áádóó hona'adlo'ii éí Bóhólníihii hojoołá.

PSALMS 52:1

Diné hayóii nílíinii, ha'át'íísh biniyé doo yá'áshóonii baa nisíníyáhígíí bee ádaa hó'niih? Diyin God yee aa a'ááh nízinii t'áá áłahjį' hólǫ́.

PSALMS 94:4

Áshohódli' yee hadahadziih índa diné doo ákwii ádaaníiłii t'áá ałtso ádaa daha'niih.

EXODUS 15:9

Ana'í danilíinii ádaaní, Bikéé' adii'nééł; bídiilnééł; bindaalye'é dadiilnéełgo ałts'ádadi'dii'nił; bídin daniidlíinii bee hwiih dadiidleeł; nihidiltłish bee ádahodiildįįł.

PROVERBS 28:4

Diyin God bibee haz'áanii yóó'adeidii'aahii éí diné doo yá'ádaashóonii yaa dahaniih, nidi Diyin God bibee haz'áanii yik'eh dahół'íinii hoł ahaa naakai.

ECCLESIASTES 7:15

T'áadoo nánídlínígóó hinínaadę́ę́' t'áá ałtsoní yiiłtsą́. Diné t'áá ákogi át'éii t'áá ákogi ááníiłgo bikéé' áhádįįh, áádóó diné doo yá'áshóonii doo yá'áshǫ́ǫ́góó hináago t'áá náás yołt'ih.

ISAIAH 37:23

Háísh baa'ihgo bá nahółt'i'go yínídzíí'? Háíyee' bich'į' t'áá na'níle'dii háínídzíí'? Háíyee' bich'į' ádaa dzíínídlíigo háíníghal? Ízrel dine'é biDiyin nilíinii bich'į' lą́ą.

ISAIAH 57:17

Adánoolníigo yee ni'iisíhígíí bik'ee t'áá íiyisí sháháchį' áádóó bił dzidíłts'in; sháháchį'go ná'ádísh'į́į́', índa bijéí biyi'dóó ák'eh hal'į́įgo nitsékeesígíí bik'ehgo náás yigááł.

JEREMIAH 22:17

Nidi ni adáninilníigo áádóó diné doo ádihodiilt'i'ii diyoolyéełgo bidił doolzasgo áádóó diné bide ahwíínísingo índa t'áá na'níle'dii diné bi'doodlohgo łídoocháásh t'éiyá baa nitsíníkeesgo baa nahídá.

LEVITICUS 26:30

Índa ninádahałaah doo biniyé wódah nahaz'ą́ągo ádaohłaaígíí nihideeshchxǫǫłgo e'elyaii danihíhígíí dadideeséigo bikáa'jį' danihits'íís ahideeshtł'ił, áko doo nihinisin da doo.

HABAKKUK 2:9

Agháhóó'áadi hat'oh ájíléehgo índa doo yá'át'éehii bibee adziilii bits'ą́ąjį' yisdá'ázhdílteehgo biniyé doo yá'át'éehii ha'áłchíní náás ahoolchíiłii bá bidázhnoolníinii éí doo hojooba' ájíníi da!

LUKE 12:15

Áádóó ánáábizhdoo'niid, Ádaa ádahołyą́, t'áadoo ha'át'íhída bidádanoołníní, háálá diné t'áadoo le'é jit'íinii éí doo íiyisí bee jiináanii át'ée da.

LUKE 12:19

Áko shii' sizíinii ábidideeshniił, Shii' sizíinii, nee hólóonii lą'í nááhai bíighahgóó hasht'e'niilyá; t'óó háánílyį́įhgo íyą́ą doo índa ídlą́ą doo, áádóó nił honeedlį́į le'.

ROMANS 1:29

Áko doo ákwii ádaat'éii, na'ageh yee tsi'deíkáahii, doo yá'ádaashóonii, adáhonooní, nichxǫ́'íii t'áá ałtso hajéí bii' hééł daazlį́į́'. Ooch'į́į́d, diné naatseed, ahiní'diiltłáád, na'adlo' índa áká naat'á t'áá ałtso hajéí bii' daahééł daazlį́į́'. Aseezį́ t'éí dazhdiniidzį́į́',

ROMANS 1:32

Azhą́ ákódajit'į́įgo biniinaa dazhdínóonéełgo atídahodi'doolníłígíí bą́ą́h da'jílį́įgo Diyin God yee has'áanii bee hoł béédahózin nidi, doo t'óó ákódajit'íní t'éiyá da, nidi náádaała' ákódaat'į́įgo ałdó' hoł t'áá da'áko.

I CORINTHIANS 6:10

doodaii' dazhni'įįhii, adádazhnoolníinii, da'jidláanii, da'dzódziihii, aghada'jii'níiłii éí Diyin God bee bóhólníihgo bił haz'áanii łá'í nidi doo hóó' dadooleeł da.

EPHESIANS 5:5

Díí ts'ídá baa ákodanohsin, diné na'ageh yee tsi'naagháii, doodaii' baa'ihgo hináanii, doodaii' diné adánoolníinii, éí e'elyaii yich'į' nahałáii danilíinii éí Christ índa Diyin God bee bóhólníihgo bił haz'áanii łá'í nidi łahdóó doo hó da.

DEUTERONOMY 29:19

Ákondi éí díí saad bee hóyée'go á ha'iidziihii yidiizts'ą́ą'go éí t'áá bí ádík'ijidlíigo nitsíkeesgo kódidooniił, Hózhǫ́ǫgo naasháa doo; azhą́ ádík'eh honish'į́įgo yisháał nidi t'áadoo át'éhí da. Díí áhá'nínígíí la' kót'é, Dahoditłé'ígíí éí dahóółtseii t'áá yił yidoołchxǫǫł.

DEUTERONOMY 32:19

Éí Bóhólníihii yiníł'į́įgo doo yíłdin da silį́į́', háálá biye'ké índa bitsi'ké dabiz'įįd.

COLOSSIANS 3:5

Éí bąą nihokáá' baa da'íldéehii nihiyi' dahólóonii yóó'adahidoh'aah; éí na'ageh bee tsi'oodááł, baa'ihgo nitsáhákees, ałdáhonooní, nichǫ́'ógo laanaa hwiindzin, índa adáhonooní ádaat'éii. Jó, adáhonooní éí e'elyaii bich'į' nahadláii t'áá bił aheełt'é.

JAMES 4:13

Haa'íyee', kódadoh'níinii, Díí jį́, yiską́ągoda kin haal'áajį' diikah, ákwii nihaa nida'iiniihgo nídoohah, áko béeso nihee dahodooleeł.

JAMES 4:16

Nidi ádaa dadzíínóhdlíigo ádaa dahohniih. Ákót'éego ádaa ha'niih t'áá ałtso doo yá'át'éeh da.

I John 2:15

Nahasdzáán bikáá'góó dahólóonii t'áadoo ayóó'ádeínóh'níní, nihokáá' bił nidahazt'i'ii nidi dooda. T'áá háiida nihokáá' bił nidahazt'i'ii ayóó'ájó'nínígíí éí aTaa' bibee ayóó'ó'ó'níinii doo hwii' hólǫ́ǫ da.

JUDGES 17:2

Áko hamá ábizhdííniid, Béésh łigaii ła'ts'áadahdi neeznádiin nits'ą́ą́' néidiinilii, éí bee hóyée'go hadíínídzíi'go áádóó baa yáníłti'go diséts'ą́ą́'; shoo, béésh łigaii éí nídiinilgo naashjaah. Áko hamá ání, Shiyáázh éí Bóhólníihii bik'ijidlíi le'.

I SAMUEL 23:21

Áádóó Saul ání, Bóhólníihii nihik'ijidlíi le', háálá shaa a'ááh danoozį́į́'.