PSALMS 1:3 - Navajo Bible

³ Índa tó danílíinii bibąąhgi tsin bąąh ant'áanii íí'áhígíí nahojílin; baa náhwiilzhíishgo honeest'ą' hąąh náhoodleeł; hat'ąą' éí doo niiłnéeh da. Áádóó t'áá ájoolíłígíí yá'át'éehgo há áánííł.

PSALMS 1:3 ပူးပေါင်းရင်းမြစ်များ

GENESIS 39:23

Awáalyaaí yaa áhályáanii éí Jóseph bee hóhólníihii łá'í nidi doo yaa nitsíkees da, háálá Bóhólníihii hoł hólǫ́, áádóó baa nijigháhígíí Bóhólníihii há náás kóyoolííł.

GENESIS 39:3

Áko honanit'a'í éí Bóhólníihii hoł hólǫ́ǫgo áádóó baa nijigháhígíí t'áá ałtso Bóhólníihii há náás áyoolíiłgo yiyiiłtsą́.

II KINGS 18:7

Áko t'áá hidighááhgóó Bóhólníihii bił hólǫ́ǫgo t'áá ałtsoní yá'át'éehgo bá áánííł nít'éé', áádóó Asíriya dine'é aláahgo binanit'a'í yich'į' yistee'go t'áadoo yá naas'a' da.

I CHRONICLES 22:11

K'ad, shiye' nílíinii, Bóhólníihii nił hólǫ́ǫ le', áádóó yá'át'éehii ła' danile' doo áádóó Bóhólníihii niDiyin God t'áá yee naa yááłti'ígi át'éego bá kin ádíílííł.

I CHRONICLES 22:13

Bóhólníihii éí Ízrel dine'é bídéét'i'go yee nihwiiz'áanii índa yee nihodiiz'áanii Mózes bee bich'į' ha'oodzíi'ii hazhó'ó bik'eh honíł'į́įgo yá'át'éehgo nich'į' áhooníił doo. Nidziilgo í'díínílzin, áádóó yéego chánah nílį́; t'áadoo nił yé'í índa doo nidi nídíníílyis da.

II CHRONICLES 31:21

Áko Bóhólníihii bikin bii' sohodizin góne' honaanishígíí baa nízhdiidáahgo áádóó bee haz'áanii índa bik'eh ó'oo'níiłii éí hajéí t'áá át'é bee Diyin God hájít'į́įgo baa nijiyá áádóó náás jideeyá.

II CHRONICLES 32:23

Áádóó diné t'óó ahayóí éí aa doolyéełii Jerúsalemjį' Bóhólníihii yich'į' nidayiizhjaa', índa Júdah dine'é aláahgo binanit'a'í Heziikáíyah aa doolyééł da'ílínígíí yaa dayiizhjaa'. Kodóó lą́ą ał'ąą dine'é t'áá ałtso binááł ayóó ájít'éego hodideeshzhiizh.

JOB Naaltsoos Biyi' Job Baa Hane'ii 14:9

tó bił nehekaahgo néidootsoh áádóó bits'áoz'a' náhodoodleełgo dootł'izhgo náánooséeł doo.

JOB Naaltsoos Biyi' Job Baa Hane'ii 22:28

Baa nidíínaałgo nihidí'aahígíí ná bi'oolníił dooleeł, áádóó yínááłgóó ná i'díídíin doo.

PSALMS 128:2

Níla' bee binishínílnishii bik'é adííyį́įłgo nił hózhǫ́ǫ doo áádóó nił yá'áhoot'éeh doo.

PSALMS 129:8

índa hą́ą́h hidikáahii éí, Bóhólníihii nik'ijidlí! Bóhólníihii bízhi' binahjį' nihik'idajiiniidlí! doo daaníi da.

PSALMS 92:14

Hadaastih nidi t'ahdii bineest'ą' bąąh nídahadleeh; t'áá áłahjį' bitoo' dahólǫ́ áádóó daditłéé',

PSALMS 92:15

áko Bóhólníihii éí t'áá ákogi át'éego bééhózin doo. Bí éí tsé shá nilį́ áádóó doo ákogi é'ét'éii bii' ádin.

ISAIAH 27:11

Áko ats'áoz'a' daagango éí sáanii dayiitį́įhgo yee déédeidiłjah; ákót'éego díí dinéhígíí doo ak'ida'diitįįhgóó bąą Ábiilaii doo baa a'ááh nízin da doo; éí hasht'ebiilaii doo bich'ijí astą́ą da doo.

ISAIAH 3:10

T'áá ákogi ádaat'éii bee bił dahołne'go t'éiyá yá'át'éehgo kéédahat'į́į doo, háálá yá'át'éehgo ádaaníłígíí binahjį' aneest'ą' deiyą́ą doo.

ISAIAH 44:4

áádóó tł'oh bitahgi tó danílį́ bibąąhgi k'ai' haníísánígíí nahalin doo.

ISAIAH 58:11

áádóó Bóhólníihii náásgóó ninootį́įł doo índa nił náhooltseiigo nii' sizíinii hwiih nilį́įgo áyósin doo, áádóó nidínóołk'ah; dá'ák'eh bitaa niyęęshígíí nahonílin doo, índa tó háálį́įgo bits'ą́ą́dóó tó doo ádįįhígíí nahonílin doo.

JEREMIAH 17:8

Áko hó tábąąhgi t'iis k'idoolyáago éí behétł'óól tábąąhjigo tanooshzhee'ígíigi ájít'ée doo. Nídadiłdoh nidi, doo béédzíldzid da doo áádóó hat'ąą' éí t'áá áłahjį' dootł'izh doo. Doo nahałtingóó yihahgo éí doo ho'diił'áa da doo, áádóó honeest'ą' t'áá náhádleeh doo.

EZEKIEL 17:8

Bits'áoz'a' hodooleeł biniyé índa bineest'ą' hodooleełgo yá'át'éehgo á'íí'áii dooleeł biniyé tó bee áda'azįįd bíighahgi łeezh yá'át'éehii bii' k'idoolyáá nít'éé'.

EZEKIEL 19:10

Tábąąhgóó ch'il na'atł'o'ii k'idoolyáhígi át'éego nimá ch'il na'atł'o'ii nahalingo tó t'óó ahayóígíí bąą bits'áoz'a' t'óó ahayóí nít'éé' áádóó bineest'ą' t'óó ahayóí bąąh náhoodleeł nít'éé'.

EZEKIEL 31:5

Ákwe'é tó t'óó ahayóigo bąą tsin yíl'áhígíí t'áá ałtso yilááh níísą́, bits'áoz'a' lą'í áádóó danineez daazlį́į́'.

EZEKIEL 47:12

Tooh nílínígíí ałts'ą́ą́hjígo bibąąhgóó tsin ał'ąą ádaat'éii ch'iyáán biniyé nidanise' doo; bit'ąą' éí doo dadínóołnah da, bineest'ą' ałdó' t'áá dahólóní dahólǫ́ǫ doo; t'ááłá'í nínádízi' bik'eh nínádanit'į́įh doo, háálá hodiyingo haz'ánídóó bito' háálį́; bineest'ą' éí yidą́ą doo, áádóó bit'ąą' éí ná'áłdziih doo.

NUMBERS 24:6

Téehgi át'éego índa tooh nílį́ bibąąhgóó dáda'ak'ehígi át'éego, Bóhólníihii éí álooz naazkaadii k'eiidííláigi át'éego, índa tábąąhgóó gad yíl'áhígi át'éego k'ee'ąą nídeel'á.

MATTHEW 13:6

nidi doozhǫǫgo dah adii'ą́ągo hadaneesánígíí yideez, índa bihétł'óól ádingo biniinaa daniiłna'.

MATTHEW 21:19

Áko fig léi' atiin bąąhgi sikaadgo jiiłtsą́, áko baazhníyáago t'áadoo bąąh hólónígóó t'áá hazhó'ó bit'ąą' t'éiyá bąąh hólǫ́ǫgo jiiłtsą́. Áko ábizhdííniid, Kodóó hool'áágóó ts'ídá t'ááká nineest'ą' nąąh hóle' yíila'! T'áá áko fig sikaadii niiłna'.

MATTHEW 21:34

Áko k'adę́ę da'nit'ą́ągo, há nidaal'a'í ła' daneest'ánígíí ła' há nídeidoojih biniyé ch'il na'atł'o'ii yaa ádahalyánígíí bich'į' adziis'a'.

MATTHEW 21:41

Áko diné ádahodííniid, Éí diné doo ádadiilkóhígíí bik'e'íyée'ii yee neidoołtsił, áko ch'il na'atł'o'ii éí náánáła' yaa ádahalyą́ą dooleełii yaa néidoosįįł, áko éí da'nit'ą́ąjį' anáhwiilzhíishgo ch'il na'atł'o'ii bineest'ą' baa nídayiigéeh doo.

JOHN 15:6

Áko diné t'áá háiida doo shii' hojílǫ́ǫ́góó, éí ats'á'átł'óhígíí yóó'ahelghą́ąhgo yigą́hígíí nahojílin; jó, éí áłah ál'įįh áko tsídza dahalka'go, adahidilk'ą́ą́h.

DEUTERONOMY 28:8

Bóhólníihii éí kin bii' nooh nída'ołchíihii áádóó bindadoołnishígíí t'áá át'é yee nihik'ijidlíi doogo yee hahadziih doo índa Bóhólníihii nihiDiyin God éí kéyah nihaidiní'ánígíí bikáa'gi nihik'ijidlíi doo.

JUDE 1:12

Christ bee ahił danohdlį́įgo ánída'óohsįįhgi doo ádaa nídaat'íinii danilį́įgo nihits'ą́ą́' nída'adį́įhgo t'áá bí t'éí aghá'ádadees'á. Éí dinéhígíí k'os bił yóó'iiyołgo t'áadoo nahałtį́įh da łehígi ádajít'é: aak'eejį' tsin bineest'ą' t'áadoo bąąh nídahasdlį́į'ii, naakidi ałkéé' nídaazganii, áádóó bihétł'óól t'áá bił hadahaastł'íidiigi ádajít'é.

REVELATION 22:2

Éí kintahgi hahodiit'i'ígíí ałníí'góó nílį́. Tooh nílínígíí ałts'ą́ą́hjí iiná tsin t'ááłá'í sikaad, bineest'ą' naakits'áadahgo t'áá da'níł'ąą ádaat'éego bąąh náhoodleeł, t'ááłá'í náhidizííd bik'eh bineest'ą' bąąh náhinoot'į́į́ł, áádóó bit'ąą'ígíí éí ał'ąą dine'é bił dah nidahaz'áanii néidiyiiłjeehii át'é.