NUMBERS 9:6 - Navajo Bible

⁶ Áádóó diné ła' bits'íís daaztsą́ą́ léi' yee adadoolchxǫ'go biniinaa t'áá éí bijį́ t'áadoo atis'adeesdzá bee bééhániihii doo yee atah nidahóła át'ée da silį́į́'; éí bijį́ Mózes áádóó Éran bidááhdóó nijíkai.

NUMBERS 9:6 ပူးပေါင်းရင်းမြစ်များ

NUMBERS 27:2

Áko éí níbaal bii' dahozdísinii bich'éédą́ą'gi Mózes áádóó náá'iiłniihii Eliyéízar áádóó naat'áanii danilíinii índa dah oonéłígíí t'áá ałtso yidááhdóó niikaigo ádaaní,

EXODUS 18:15

Áko Mózes éí yaadaaní nilíní áyidííniid, Jó, diné éí Diyin God yíndashídíłkid yiniyé shaa dahakááh.

NUMBERS 19:16

Áádóó t'áá háiida dzígaidi diné ła' diltłish bee seesyį́įgo, doodaii' ats'íís daaztsą́ągo, doodaii' diné bits'in ła', doodaii' jishcháa'da bíhizhdéé'náa'go éí tsosts'id yiską́ąjį' chin bąąh hólǫ́ǫ doo.

NUMBERS 19:11

Diné t'áá háiida éí diné daaztsą́ągo bits'íís yíhidéé'náa'go éí tsosts'id yiską́ąjį' chin bąąh hólǫ́ǫ doo.

NUMBERS 5:2

Ízrel dine'é bich'į' handziihgo ábidiní, Łóód ats'íís yiyáanii bąąh naałniihii áádóó t'áá ha'át'íhída bąąh hááłts'ą'ii t'áá ałtso índa t'áá háiida éí daaztsáanii bits'íís bíhizhdéé'náa'go bee jííchxǫ'ii éí níbaal haal'á bits'áhwiiní'ą́ą́góó hoda'ayołnííh;

JOHN 18:28

Áko t'áá íiyisí t'ah abínígo Kéíyafas bighandóó naat'ááh kinjį' Jesus dah náádeidiidlóóz. Atis'adeesdzá bee bééhániihgo dadiidį́łígíí nihits'ą́ą́' doochǫǫł danízingo biniinaa t'áadoo naat'ááh kin góne' yah aakai da.

NUMBERS 19:18

áádóó doo chin bąąh hólóonii ch'il hísap wolyéii tó yiih yidoołjołgo níbaal áádóó łeets'aa' t'áá át'é áádóó ákóne' naháaztáanii índa tsinda, doodaii' seesyíinii, doodaii' daaztsáanii, doodaii' jishcháá' yíhidéé'ná'ígíí bik'ízhdoołtah,

EXODUS 18:26

Áko t'áá áłahjį' diné yá nidahwii'aah: baa nídahwíídóot'įįłii nantł'aígíí éí Mózes baa dahizhdi'aah, nidi baaní áłts'íísígo éí t'áá hó baa nídajit'į́.

EXODUS 18:19

Shizaad yísíníłts'ą́ą́'; shí ná hodish'aah; Diyin God nił hólǫ́ǫ le'; Diyin God bich'į' diné bá sínízį́į doo, áko bida'diił'áii Diyin God bich'į' nabik'íyáníłti' doo.

NUMBERS 27:5

Kót'éego Mózes éí díí yaa nídaat'ínígíí Bóhólníihii baazhdiní'ą́.

NUMBERS 15:33

Áko chizh náyiiláahgo bik'ídadziskaígíí éí Mózes áádóó Éran índa oonéłígíí t'áá ałtso bich'į' bił nijíkai.

LEVITICUS 24:11

Áko díí asdzání biyáázh éí Bóhólníihii bízhi' doo yidísingóó yá haadzíi'go yiyíídzíí'. Éí Mózes yich'į' yił daaskai. Bimá éí Shílomith wolyé; Dan dine'é nilíinii Díbri yitsi' nilį́.

LEVITICUS 21:11

Doodaii' ats'íís daaztsáanii doo bit'áahjį' jidoogáał da, azhą́ hazhé'é índa hamá nidi biniinaa doo ázhdidoolchxǫǫł da.

NUMBERS 9:7

Áko díí diné ádahałní, Nihí diné daaztsą́ą́ léi' bee ádadeelchxǫ', áko ha'át'éegoshą' t'ą́ą́' ádanihi'dólzingo Bóhólníihii bich'į' nááhániihii Ízrel dine'é bitahgi bee hoo'a'go doo náádahidiilnih da?

NUMBERS 19:14

Díí bee haz'áanii át'é: níbaal góne' diné ła' dadziztsą́ągo ákóne' yah ahikáhígíí áádóó ákóne' dahólónígíí t'áá ał tso éí tsosts'id yiską́ąjį' chin bąąh dahólǫ́ǫ doo.