NUMBERS 8:7 - Navajo Bible

⁷ Bąąh dah hółdéehgo kódíílííł; tó yee ádadidooldahígíí bik'ídadííłtah, áádóó bits'íís bikáá'góó t'áá át'é deidooshih índa bi'éé' deidoogisgo t'áá bí ádadidooldah.

NUMBERS 8:7 ပူးပေါင်းရင်းမြစ်များ

NUMBERS 19:13

T'áá háiida éí diné ła' daaztsą́ągo bits'íís yíhidéé'náa'go t'áadoo ádooldee'góó éí Bóhólníihii biníbaal bii' hodílzinii yidoołchxǫǫł; éí Ízrel dine'é bits'ą́ąjį' bidi'yoolyééł; tó bee i'didéehgo nideet'áanii doo bik'ístahgóó biniinaa chin bąąh hólǫ́ǫ doo; jó, t'áá bí chin t'ahdii bąąh hólǫ́.

LEVITICUS 8:6

Áádóó Mózes éí Éran áádóó biye'ké jiní'eezhgo nidabijiisbį́į́'.

REVELATION 7:14

Áko ádíshní, Kwá'ásiní, jó, nił bééhózin. Nít'éé' áshidííniid, Díidí ayóó át'éego ach'į' nahwii'ná yii'dę́ę́' ch'éheeskai. Bi'éé' táádeizgizgo Dibé Yázhí nilíinii bidił yee dayiiłgaígíí ádaat'į́.

I PETER 3:21

T'áá éigi át'éego k'ad tó bee alzį́hígíí éí Jesus Christ daaztsą́ą́dę́ę́' náábi'diilzáii bee yisdájiikáhígíí yaa halne', t'óó tó bee hats'íís chin bąąh táádaagisgo éí dooda, nidi, T'áá ákogi ááshníiłgo bee ádaa ákonisdzingo áshílééh, dajiníigo Diyin God baa nídajookąąh.

JAMES 4:8

Diyin God baa hohkááh, áko bí ałdó' nihaa doogááł. Bąąhági ádaahníiłii, nihíla' táádaahgis. T'áá naaki nilį́įgo nitsídaahkeesii, nihijéí chin bąąh ádaadingo ádaahłééh.

HEBREWS 9:13

Diné éí nichxǫ́'íii yee ádąąh nidahwiil'aahii dóola bidił, doodaii' tł'ízí bidił, doodaii' béégashii yáázh seesyį́įgo díílidgo bit'eesh taah yiką́ągo ak'éltahgo éí bee nichxǫ́'íii hats'ą́ąjį' kónáálnííł nít'ée'go,

HEBREWS 9:10

Háálá éí daadáanii índa daadláanii áádóó nahadláago táá'ágis ádaat'éii t'éiyá bídéét'i'. Éí ats'íís bá bik'eh hoogáałii ádaat'é. Éí Diyin God t'áá ałtsoní hasht'ééyiidlaajį' t'éiyá ílį́įgo nihoolzhiizh.

EZEKIEL 36:25

Ákohgo tó niłtólígo nihik'ídadeeshtahgo, t'óó baa'ihii nihąąh dahólóonii t'áá ałtso índa eda'alyaii bich'į' nidahohłáii t'áá ałtso nihąąh táádadeesgis.

JEREMIAH 4:14

Jerúsalemgi kéédahoht'íinii, yisdánihi'didoo'niłígíí biniyé doo yá'áshóonii nihijéí bąąh táádaohgis. T'áadoo biniyéhígóó nitsídaahkeesígíishą' haa nízáágóó nihii' hólǫ́ǫ doo?

ISAIAH 52:15

ákót'éego ał'ąą dine'é t'óó ahayóí hak'ee tsídadoolyis; aláahgo naat'áanii danilíinii hak'ee dadidoołhił; t'áadoo bee bił dahóóne' yę́ę deidoołtsééł índa t'áadoo deidiizts'ą́ą́' yę́ę yaa ákodadínóozįįł.

PSALMS 51:7

Ch'il hísap wolyéhígíí bee, nááhániihii bidił shik'íníłtahgo ádił ni'ayészíi'ii shąąh ádingo áshílééh, áko índa baa'ihii shąąh ádin doo. Táásígisgo yas biláahgo łinishgaigo áshidíílííł.

PSALMS 51:2

Doo ákwii áát'įįdii ałtso shąąh táánígis áádóó ádił ni'ayészíi'ii shąąh dííłdah!

NUMBERS 31:20

Áko danihi'éé' t'áá át'é áádóó akágí bee ádaalyaii t'áá át'é áádóó tł'ízí bighaa' bee ádaalyaii t'áá át'é índa ha'át'íhída tsin bee ádaalyaii t'áá át'é bąąh dahodoołdah.

LEVITICUS 16:28

Áko diné éí ní'díłi'ígíí bi'éé' náyiigis doo áádóó ninábeeh doo índa níbaal haal'áajį' nínáhádáah doo.

LEVITICUS 15:27

Áko éí t'áá háiida yíhidéé'náa'go doo bi'didéeh da doo; éí bi'éé' yidoogis áádóó nidoobeełgo i'íí'ą́ąjį' doo bi'didéeh da doo.

LEVITICUS 15:6

T'áá háiida díí diné bąąh háálínígíí t'áá ha'át'íhída yikáá' neezdáhígíí bikáa'jį' jineezdáago éí ha'éé' jidoogis, índa nizhdoobeełgo i'íí'ą́ąjį' doo ho'didéeh da doo.

EXODUS 19:10

Áko Bóhólníihii éí Mózes áyidííniid, Nílááh, diné bich'į' nídídáahgo díí jį́ áádóó yiską́ągo diyingo nidahodiyíí'aał, áádóó ha'éé' dazdoogis.

GENESIS 35:2

Ákohgo Jéíkab éí ba'áłchíní índa yił naakaígíí t'áá ałtso áyidííniid, Ana'í bi'eda'alyaii nihee dahólóonii yóó'adahołtł'iid áádóó ádąąh dahołdééh, índa danihi'éé' ła' biih náádaahkai.

NUMBERS 8:21

Líívai dine'é ádadooldee' índa bi'éé' deizgis, áádóó Éran éí Bóhólníihii binááł náásee bił nídi'dilnihgo náá'iiniihígi át'éego nááhwiisnii', índa Éran éí bee há k'ééhodǫǫłii bee ho'dííłdee'.