NUMBERS 8:4 - Navajo Bible

⁴ Díí bee hool'iní bá yada'ii'áhígíí bee ályaii éí óola t'áá bízhání t'áá bitł'ááhdę́ę́' bich'ilátah hózhóón nahalingo naashch'ąą'íjį' óola yitseedgo bee ályaa; bee hool'iní bá yada'ii'áhígíí ádoolníiłgi Bóhólníihii éí Mózes yich'į' yit'íní áyiilaa yę́ę bik'ehgo ájiilaa.

NUMBERS 8:4 ပူးပေါင်းရင်းမြစ်များ

EXODUS 25:18

Áko óola t'áá bízhání bee diyingo naal'a'í naakigo béé'ályaago chérabim wolyéii ádadoohłííł; hasht'e'nibída'doołniiłgo aa a'ááh hasinii bił haz'ání nineel'ánígi t'áá ałch'ishdę́ę́' sizį́įgo ádadoohłííł.

EXODUS 25:9

Níbaal bii' hodílzinii ályaii bik'ehgo áádóó bee hahodít'éii dooleełii ályaii bik'ehgo éí nich'į' ííshją́ą́ áshłééh, áko ts'ídá t'áá ákót'éego ádadoohłííł.

EXODUS 26:30

Áko níbaal bii' hodílzinii binahosé'ą́ągo dziłghą́ą'di nił ííshjání áshłaaígíí bik'ehgo nidadooh'ááł.

EXODUS 37:7

Óola t'áá bízhání diyingo naal'a'í naakigo béé'élyaago chérabim wolyéii áyiilaa; hasht'e'nibízhníłne'go t'áá ła' bizhi'ee áyiilaa; aa a'ááh hasinii bił haz'ání bikáa'gi nineel'ánígi t'áá ałch'ishdę́ę́' sizį́.

NUMBERS 8:3

Áko Éran t'áá ákó'iilaa; bá yada'ii'áhígíí yidááhdóó sizį́įgo bee hool'iní deidiiłtłah; Bóhólníihii éí Mózes áyidííniidígíí bi'jiilaa.

NUMBERS 8:5

Áko Bóhólníihii éí Mózes yich'į' haadzíi'go ání,

HEBREWS 8:5

Éí yindaal'a'go yá'ąąshdi hodiyingo haz'ą́ągi na'al'a'ígíí bida'jił'į́ índa bichaha'oh dajílį́ nahalingo bindajil'a'. Mózes níbaal bii' hodílzinii áyi'niilaa yę́ędą́ą́' Diyin God kóníigo nabineeztą́ą́', Díí t'áá ałtso bik'ehgo ádadíílíłígíí dziłghą́ą'di nich'į' ííshjání áshłaaígíí ts'ídá t'áá éí bik'ehgo baa honíyą́ągo ádadíílííł.

HEBREWS 9:23

Jó, áko nahasdzáán bikáa'gi dahólóonii díí náádahaniihii bee doo yá'át'éehii ąąh ádingo óolzingo t'áá ákónéehee bee haz'ą́ą́ nít'éé', éí yá'ąąshdi dahólóonii t'óó béé'ályaii át'é, nidi yá'ąąshdi dahólóonii éí t'ah aláhídi yá'át'éehgo náádahaniihii át'éego óolzin.