NUMBERS 8:2 - Navajo Bible

² Éran bich'į' handziihgo ábidiní, Bee hool'iní tsosts'idgo nídiiłtłi'go éí bá yada'ii'áhígíí bílátahdóó bidáahjigo bee ni'deezdíin doo.

NUMBERS 8:2 ပူးပေါင်းရင်းမြစ်များ

PSALMS 119:105

Shilą́ąjį' bee hool'iní bee adoodlał nahalingo nizaad bik'ehgo nihidishtaał, áko yishááłgóó bee shá adinídíín.

PSALMS 119:130

Nizaad ííshjání ííł'ínígíí bee i'diidlaad; diné doo dahóyáanii ak'idadi'yiitįįhgo ádanile'.

EXODUS 25:37

Áko bá bee dahool'inígíí tsosts'idgo ádadoohłííł, índa bikáá' yí'nilgo bidáahjį' haz'ánígi bee hool'in doo biniyé ádadoohłííł.

EXODUS 37:23

Bee hool'inígíí tsosts'idgo áádóó kǫ' bee náhiniltsésí índa łeeshch'iih bee naakáhí éí óola t'áá bízhání yee áyiilaa.

EXODUS 39:37

bee hool'iní bá yadaa'áii óola t'áá bízhání bee ályaii índa bee dahool'inígíí t' áá bikáá' nínilgo áádóó bił chodao'íinii t'áá ałtso t'áá bił índa ak'ah bee hool'in biniyé iih náhádzídígíí;

EXODUS 40:25

Bee dahool' inígíí bikáá' yí'nilgo Bóhólníihii binááł deidiiłtłah; Bóhólníihii éí Mózes yich'į' yee haadzí'ígíí yi'iilaa.

ISAIAH 8:20

Bee haz'áanii áádóó yee haadzíi'ii baa ákodanohsin; díí saadígíí doo yik'ehgo yádaałti'góogo, adinídíín bii' ádaadingo biniinaa ákódaaní.

LEVITICUS 24:4

Áádóó bee hool'iní bá yadaa'áii nizhóníii bílátahdi dah naaznilígíí Bóhólníihii binááł t'áá áłahjį' hasht'eyósin doo.

NUMBERS 8:1

Áádóó Bóhólníihii éí Mózes yich'į' haadzíi'go ání,

NUMBERS 8:3

Áko Éran t'áá ákó'iilaa; bá yada'ii'áhígíí yidááhdóó sizį́įgo bee hool'iní deidiiłtłah; Bóhólníihii éí Mózes áyidííniidígíí bi'jiilaa.

MATTHEW 5:14

Nihí nihokáá' dine'é bá adinídíín danohłį́. Jó, wók'ą́ągi kin haal'áago nii'niłígíí doo nanóol'į́į́' át'ée da łeh.

JOHN 1:9

Adinídíín t'áá aaníinii éí diné ts'ídá t'áá ałtso bá azhdiníłdíin doogo nahasdzáán bikáa'jį' jiníyá;

II PETER 1:19

Áko Diyin God yá dahalne'ii Diyin God bizaad yaa dahoolne'ii ts'ídá t'áádóo nídí t'áá aaníí át'éego nihił ííshjání ályaa. Éí bąą hazhó'ó baa nitsídaahkeesgo yá'át'ééh. Jó, chahałheeł góne' bee hool'iní bee i'díídíín nahalingo nihijéí biyi'di hayííłką́ągo índa sǫ'tsoh hááyáajį' hazhó'ó baa nitsídaahkees.

REVELATION 1:12

Áko shich'į' yáłti'ígíí yideestsééł nisingo náháyáá nít'éé'; bee hool'iní bá yadaa'áhígíí óola bee ádaalyaa léi' tsosts'idgo yiiłtsą́,

REVELATION 1:20

Nish'náájí shílák'eegi sǫ' tsosts'id doo bééhózinii yiniłtsáanii áádóó bee hool'iní bá yadaa'áhígíí óola bee ádaalyaii doo bééhózinii yiniłtsáanii díí óolyé: tsosts'id sǫ'ígíí éí tsosts'idgo da'oodlání áłah nídaadleehii bidiyingo nidaal'a'ígíí ádaat'é, índa tsosts'idgo bee hool'iní bá yadaa'áhígíí éí tsosts'idgo da'oodlání áłah nídaadleehii ádaat'é.

REVELATION 4:5

Díí bikáá'dóó nahat'áii á si'ánígíí bits'ą́ą́dóó atsiniltł'ish anídahata' áádóó iinéé' dadiits'a' índa da'di'ní, áádóó bikáá'dóó nahat'áii bidááhdóó bee hool'iní tsosts'id dadiltłi'go sinil, éí Diyin God biNíłch'i tsosts'idgoígíí ádaat'é;