NUMBERS 8:1 - Navajo Bible

¹ Áádóó Bóhólníihii éí Mózes yich'į' haadzíi'go ání,

NUMBERS 8:1 ပူးပေါင်းရင်းမြစ်များ

GENESIS 46:11

Líívai biye'ké éí Gérshan áádóó Kóhath índa Miirárai daolyé.

EXODUS 25:31

Bee hool'iní bá yadaa'áhígíí éí óola t'áá bízhání bee ádadoohłííł. Óola hasht'e'nibí'dííłniiłgo bá si'ánígíí índa dego bá yadaa'áhígíí áádóó bílátah dah na'azką́ągo ak'ah biih náhádzídígíí áádóó éí bitł'ááh ní'deeskǫ'ígíí índa ch'ilátah hózhóón bee naashch'ą'ígíí éí t'áá ła' bizhi'ee ádadoohłííł.

NUMBERS 1:47

Nidi Líívai dine'é éí dabizhé'é yę́ę bik'ehgo t'áadoo atah dabi'déélta' da.

NUMBERS 7:89

Áádóó Mózes éí Bóhólníihii bich'į' hazdoodzih biniyé níbaal bii' dahozdísinii góne' yah ajííyáago tsits'aa' dílzinii éí neeznáago bik'eh ó'oo'níiłii bee bééhániihii bii' sinilii bikáa'gi diyingo naal'a'í chérabim wolyéii naakigo bita'gi aa a'ááh hasingo haz'ánídóó hach'į' ha'oodzíi'go dzidiizts'ą́ą́'.

NUMBERS 8:2

Éran bich'į' handziihgo ábidiní, Bee hool'iní tsosts'idgo nídiiłtłi'go éí bá yada'ii'áhígíí bílátahdóó bidáahjigo bee ni'deezdíin doo.

DEUTERONOMY 10:8

Ákwii nahalzhiish yę́ędóó Bóhólníihii éí Líívai dine'é t'áá sahdii niinínil, áko Bóhólníihii bitsits'aa' dílzinii éí bee aha'deet'áanii bii' sinilii nidei'áa dooleeł áádóó Bóhólníihii binááł na'al'a' bee nidzizį́į doo, índa díí jį́į́góó bízhi' baa dahojiniih doo.