NUMBERS 7:12 - Navajo Bible

¹² Ła'a jį́ aleeh góne' Júdah dine'é nilíinii Amínadab biye' Náshan néidiyoołnihígíí nááyiisnii':

NUMBERS 7:12 ပူးပေါင်းရင်းမြစ်များ

GENESIS 35:22

Áko ákódzaago Ízrel éí kéyah yiyi'gi kééhat'į́įgo Rúben dah diiyáago Bílhah, hazhé'é be'asdzą́ą́ yíł'íní, bił jineezhtéézh, áko éí Ízrel yiyíínii'. Jéíkab biye'ké éí naakits'áadah.

GENESIS 35:23

Líyah biyáázhké: Jéíkab bá alą́ąjį' yizhchíinii éí Rúben wolyéii áádóó Símiyan áádóó Líívai áádóó Júdah áádóó Ísakar índa Zébyulan daolyé.

GENESIS 49:10

Naat'á gish Júdah doo bighadootį́įł da; Éí Sháíloh níyáajį' naat'áanii bigish bikee' bita'dę́ę́' doo hadootį́įł da, Áádóó éí bá diné áłashdooleeł.

GENESIS 49:8

Júdah, ni nik'isóó naa dahaniih doo; Ni'ana'í dabik'os yínítą' doo; Nizhé'é biye'ké nich'į' yaa áńdaat'įįh doo.

NUMBERS 1:5

éí diné nihíká adoojahígíí kódaolyé: Shédiyer éí Rúben dine'é nilį́įgo biye' Iiláízer,

NUMBERS 1:7

Amínadab éí Júdah dine'é nilį́įgo biye' Náshan,

NUMBERS 10:14

Júdah dine'é daníjaa'go bidah na'at'a'í yik'ehgo alą́ąjį' dah diiná; díí dah oonéłígíí éí Amínadab biye' Náshan á sizį́.

NUMBERS 2:3

Ha'a'aahjí háá'át'ááh bich'į'go éí Júdah bisiláo deínéehii bik'ehgo t'áá bí bidah na'at'a'í yíighahgi ninádaa'néeh doo; Amínadab biye' Náshan éí Júdah dine'é yinanit'a'í nilį́.

NUMBERS 7:11

Áko Bóhólníihii éí Mózes ííłní, Náádazhdi'yoołnihgo náádahizhdoołnihígíí naat'áanii t'ááłá'í jinítínígo t'áá bee há dahoo'a' bijį́į́ góne' bikáá' náá'iiniihí diyingo nidají'aah dooleeł biniyé náádazhdi'yoołnih.

NUMBERS 7:13

díí nááyiisnii'ígíí éí béésh łigaii łeets'aat'ą́hí t'ááłá'ígo éí shékel wolyéii t'ááłáhídi neeznádiindóó ba'aan tádiin dah hidiidloh bíighahgo áádóó béésh łigaii łeets'aa' nímazí t'ááłá'ígo éí níbaal bii' hodílzingi shékel choo'íinii tsosts'idiin dah hidiidloh bíighahgo, díí t'áá áłah bii' ak'áán hadeezbingo ak'ah bił ałtahgo éí ak'áán nááhániihii át'éego nááyiisnii';

MATTHEW 1:4

áádóó áadi Ram éí Amínadab há yizhchį́, áádóó bik'ijį' Amínadab éí Náshan há yizhchį́, ákóne' Náshan éí Sálman há yizhchį́,

LUKE 3:32

David éí Jésii biye', Jésii éí Óbed biye', Óbed éí Bó'az biye', Bó'az éí Sálman biye', Sálman éí Náshan biye',

RUTH 4:20

Amínadab bá Náshan yizhchį́, Náshan bá Sálman yizhchį́,