NUMBERS 7:10 - Navajo Bible

¹⁰ Áádóó bikáá' náá'iiniihí ak'ah bik'i yaadziidgo bee yilzį́į́' bijį́į́dą́ą́' naat'áanii danilíinii éí bikáá' náá'iiniihí bidáahgi náádeidiyoołnihígíí nidayiizhjaa'.

NUMBERS 7:10 ပူးပေါင်းရင်းမြစ်များ

I KINGS 8:63

Áádóó Sálaman hózhǫ́ǫ́jí nááhániihii nááyiisnii'go éí naadiin naakidi mííl béégashii índa neeznádiindóó ba'aan naadiindi míilgo dibé éí Bóhólníihii bich'į' didlidgo nááyiisnii'. Áko aláahgo naat'áanii áádóó Ízrel dine'é t'áá ałtso éí Bóhólníihii bikin bii' sohodizin diyingo nideideez'ą́.

II CHRONICLES 7:5

Áádóó aláahgo naat'áanii Sálaman éí naadiin naakidi mííl béégashii índa neeznádiindóó ba'aan naadiindi míilgo dibé éí Bóhólníihii bich'į' didlidgo nááyiisnii'. Kót'éego aláahgo naat'áanii áádóó diné t'áá ałtso Diyin God bikin bii' sohodizin diyingo nideideez'ą́.

II CHRONICLES 7:9

Tseebíí jį́į́ góne' dahodósingo áłah silį́į́', bikáá' náá'iiniihí tsosts'id jį́įjį' dílzingo nideideez'ą́ índa tsosts' id jį́įjį' dílzingo áłah silį́į́'.

NEHEMIAH 12:27

Jerúsalem kin haal'á ditą́ągo binaa ahéé'ítł'inígíí diyingo nidazhdidoo'áałgo Líívai dine'é bił nidahaz'ą́ą́dę́ę́' Jerúsalemjį' nihidoot'ish biniyé hadazneeztą́ą́', áko baa dahózhǫ́ǫgo áádóó ahééh daznízingo áádóó dahojitaałgo áádóó béésh ahídí'niłgo diits'a'ígíí áádóó tsin tł'óół neeznáá bąąh daneelzhee'go bee nida'a'néii índa tsin tł'óół naakits'áadah bąąh daneelzhee'go bee nida'a'néii baa nizhdookah.

NEHEMIAH 12:43

Ákwii éí bijį́ ayóó ánéelą́ą́' náádadziisnii'go hoł nidahoozhǫǫh nít'éé'; Diyin God ił hózhǫ́ ayóó át'éii bee hoł nidahoozhǫǫhgo áhoolaa; asdzání ałdó', bada'áłchíní t'áá yił bił nidahoozhǫǫh nít'éé', áko Jerúsalem kin haal'áagi hoł dahózhónígíí ayóó ánízáádgóó adahideesdláád.

PSALMS 30:1

Bóhólníihii nílíinii, yéego naa hashniih doo, háálá hááshííníłtį́, áádóó shi'ana'í danilíinii doo shaa bił dahózhǫ́ǫ́góó íinilaa.

NUMBERS 7:1

Mózes éí níbaal bii' hodílzinii ałtso niiní'ą́ bijį́į́dą́ą́' ak'ah yik'i yayiiziidgo yiyíísį́į́' áádóó dílzingo niidiní'ą́, bee binda'anishígíí t'áá ałtso t'áá bił áádóó bikáá' náá'iiniihí índa łeets'aa' chodao'íinii t'áá ałtso ak'ah yik'i yadayiiziidgo yiyíísį́į́' áádóó dílzingo niidiní'ą́.

NUMBERS 7:11

Áko Bóhólníihii éí Mózes ííłní, Náádazhdi'yoołnihgo náádahizhdoołnihígíí naat'áanii t'ááłá'í jinítínígo t'áá bee há dahoo'a' bijį́į́ góne' bikáá' náá'iiniihí diyingo nidají'aah dooleeł biniyé náádazhdi'yoołnih.

NUMBERS 7:84

Díí kót'éego bikáá' náá'iiniihí ak'ah yik'i yayiiziidgo yilzį́į́' bijį́į́dą́ą́' Ízrel dine'é naat'áanii danilíinii náádayiisnii'ígíí éí béésh łigaii łeets'aat'ą́hí naakits'áadahgo, áádóó béésh łigaii łeets'aa' nímazí naakits'áadahgo, índa óola łeets'aa' nímazí naakits'áadahgo náádayiisnii';

NUMBERS 7:88

Áádóó náádahidoonihii éí hózhǫ́ǫ́jí náádahaaz'nii'ii t'áá át'égo dóola yázhí naadiin dį́į́', deenásts'aa' hastą́diin, tł'ízíchǫǫh hastą́diin, dibé yázhí biką'ii ła' béédááhaii hastą́diin. Kót'éego bikáá' náá'iiniihí ak'ah yik'i yayiiziidgo nideet'ą́ą́dą́ą́' díí náádahaaz'nii'.

DEUTERONOMY 20:5

Siláo binanit'a'í danilíinii éí diné yich'į' hadadoodzihgo ádadidooniił, Háísh diné shį́į́ bighan áyiilaago t'áadoo da'azhdlish da? Bíni' éí bighangóó nídoodáałgo da'doodlish; éí doodaii' anaa'di bi'diisyį́įgo diné náánáła' éí hooghan da'doodlish.