NUMBERS 6:9 - Navajo Bible

⁹ Áádóó diné ła' t'áadoo hooyání hwíighahgi daaztsą́ągo hatsii' bee hwééhózinii diyingo bits'ąą dzisti'ígíí yidoołchǫǫł, áko ho'didééh bijį́į́ hatsii' jidooshihígíí éí tsosts'id jį́į́ góne' hatsii' ałtso jidooshih.

NUMBERS 6:9 ပူးပေါင်းရင်းမြစ်များ

EZEKIEL 44:27

Hodiyingo haz'ą́ą́ góne' yah anízhdoodááł bijį́į́ góne' áadi nináájíl'a' dooleeł biniyé ádił ni'iidzííhjí nááhániihii áłtsé ádá nááhizhdoołnih, ní Bóhólníihii Diyin God.

LEVITICUS 14:8

Áádóó éí bi'didééh ábi'dilnéhígíí éí bi'éé' yidoogis áádóó t'áá bí ałtso ádá nídoolzhih índa nidoobeeł, áko bi'didoodah, áádóó bik'ijį' níbaal haal'áajį' nídoodááł, nidi biníbaaldóó t'áá tł'óo'di tsosts'id biidoołkááł.

LEVITICUS 14:9

Áádóó tsosts'id yiską́ągo t'áá bí ałtso ádá náá'doolzhih áádóó bidághaa' áádóó binát'éézh índa bitáshtł'oh t'áá át'é yidooshih; bi'éé' ałdó' yidoogis áádóó nidoobeeł, áko bi'didéeh doo.

NUMBERS 6:18

Áko níbaal bii' dahozdísinii bich'éédą́ą'gi Názarait nilíinii ats'á'ádeet'ánígíí bitsii' bee bééhózinígíí yidooshih, áádóó ats'á'ádeet'ą́ągo bitsii' néididoołjołgo nááhidoonihii hózhǫ́ǫ́jí nááhániihii nááhániihgo biyaa góne' tsídzaii doołjoł.

NUMBERS 6:8

Ats'á'ázhdeet'ą́ągo hóyoołkááł biyi' Bóhólníihii bich'į' jidiyin dooleeł.

ACTS 18:18

Éí ákódaadzaadóó bik'ijį' Paul t'áá ákǫ́ǫ́ lą'í náábiiską́ áádóó índa ałk'isóó danilíinii bits'ą́ą́' hoł dah adii'éél, áko Prisíla índa Ákwila bił Síriyagóó hoł aní'éél. Sénkriyadi hatsii' há yilzhéé', háálá łahgo bee ádee hazdoodzíí'.

ACTS 21:27

Áádóó tsosts'id jį́ k'adę́ę bíighah aleehgo, Éízhadę́ę́' Jew dine'é nidaakaígíí, ákwe'é kin bii' sohodizin bił haz'ą́ą́ góne' dahoołtsą́ągo, áłah nilínígíí yá dahóółchįįd áádóó dahasiłgo,

DEUTERONOMY 21:12

áko nighangóó bił nídíít'ashgo áadi bitsii' yik'iidooshih áádóó bíláshgaan yidiyoogish.