NUMBERS 6:3 - Navajo Bible

³ wáin índa tó tsi'nida'iiłáii doo jidlą́ą́góó ízhdi'doolnííł; wáin dík'ǫ́ǫzhii, doodaii' tó tsi'na'iiłáii dík'ǫ́ǫzhii doo jidlą́ą da doo; ch'il na'atł'o'ii bineest'ą' ániidígíí, doodaii' bisgą' doo jiyą́ą da doo índa bitoo' doo jidlą́ą da doo.

NUMBERS 6:3 ပူးပေါင်းရင်းမြစ်များ

LEVITICUS 10:9

Níbaal bii' dahozdísin góne' yah anáhkahgo ni áádóó niye'ké t'áá bił wáin, doodaii' tó tsi'na'iiłáii t'ááká daohdlą́ą́' lágo, áko doo dínóohnéeł da; díí bee nihoní'áanii ahóyéel'áágóó nihá át'éego náás da'ahíínółchíih doo.

AMOS 2:11

Ákohgo danihiye'ké shá dahalne' doo biniyé ła' nídiinil áádóó diné ániid nidaakaii ła' Názarait danilį́į doo biniyé nídiinil. Ízrel dine'é danohłíinii, da' díísh doo t'áá aaníi da? ní Bóhólníihii.

AMOS 2:12

Nidi Názarait danilíinii éí wáin deidlą́ągo ádaahłaa áádóó dahalne'ii danilíinii, T'áadoo dahołne'é, dabidohníigo bich'į' hadasoohdzíí'.

NUMBERS 6:4

Ats'á'ázhdeeltį́įgo hóyoołkááł biyi' ch'il na'atł'o'ii sikaadii bits'ą́ą́dóó doodį́įłgo ályaii éí bílástsii' índa bikágí nidi doo jiyą́ą da doo.

LUKE 1:15

háálá éí Bóhólníihii binááł ayóó át'éii dooleeł, wáin índa tó diłhił doo yidoodlį́įł da, áádóó t'áá bí'ootsą́ą́dę́ę́' Níłch'i Diyinii bii' hadeezbin doo.

LUKE 21:34

Nidi nihí ádaa ádahołyą́, áko ádił ná'ahanaad áádóó na'adlą' índa díí k'ad iiná bida'diił'áhígíí doo nihijéí bii' daahéeł da doo, áko éí bijį́ doo t'áadoo hooyání bił nihaa hodoolzhish da.

EPHESIANS 5:18

T'áadoo wáin áde daahdlání, háálá éí t'óó ádeena'a'né át'é, nidi Níłch'i Diyinii nihii' hadadeezbin le'.

I THESSALONIANS 5:22

doo yá'ádaat'éehii ts'ídá t'áá ałtso bits'ąą ádaa ádahołyą́.

I TIMOTHY 5:23

Kodóó t'áadoo tó t'éiyá nidlání, nidi nitsą́ądi áhoot'éhígíí biniyé, índa t'áá ahą́ą́h nitah doo hats'íid daígíí bąą wáin áłch'į́į́dígo choiníł'į́.

HEBREWS 9:10

Háálá éí daadáanii índa daadláanii áádóó nahadláago táá'ágis ádaat'éii t'éiyá bídéét'i'. Éí ats'íís bá bik'eh hoogáałii ádaat'é. Éí Diyin God t'áá ałtsoní hasht'ééyiidlaajį' t'éiyá ílį́įgo nihoolzhiizh.

JUDGES 13:14

Ha'át'íhída ch'il na'atł'o'ii bits'ą́ą́dóó ályaaígíí t'áadoo jiyání doo, wáin, doodaii' tó tsi'na'iiłáii t'áadoo jidlání doo, índa doo daadą́ą́góó bee nihá haz'áanii doo jidooyį́įł da; bee hach'į' haasdzí'ígíí t'áá át'é ts'ídá bik'eh hojíł'į́į doo.

JUDGES 13:4

Éí bąą bits'ąą ádaa áhólyą́ą dooleełii baa nánooshkąąh; wáin, doodaii' tó tsi'na'iiłáii t'áadoo nidlání, índa doo daadą́ą́góó bee nihá haz'áanii doo ła' dííyį́įł da,