NUMBERS 6:2 - Navajo Bible

² Ízrel dine'é bich'į' handziihgo ábidiní, Diné ła', doodaii' asdzání ła' Názarait jidooleeł biniyé ats'á'ázhdeet'aahgo ádee hadidoodzihgo éí Bóhólníihii bich'į' ádee hadidoodzihgo ats'á'ázhdidoot'ááł;

NUMBERS 6:2 ပူးပေါင်းရင်းမြစ်များ

EXODUS 33:16

Háálá shí índa nidine'é ałdó' ajooba' bee nihich'odaha'néego nihąąh tsídíníkézígíí haash yit'éego bééhózin doo? Nihił honílónígíí bee shí índa nidine'é ałdó' nahasdzáán bikáá'góó náádaała' dine'é t'áá ałtso bił ał'ąą ádaniit'éego bééhózin.

PROVERBS 18:1

Laanaa nízinii t'áá shí t'éí nízingo t'áá sahdii na'ádiiltéii hódzą́ t'áá át'é yaa nahaadá áádóó yidiilkaalgo yóbáah łeh.

JEREMIAH 35:6

Nidi hadaasdzíi'go ádadííniid, Wáin éí ts'ídá doo dadiidlį́įł da, háálá Rííkab biye' Jónadab nihizhé'é yę́ę éí, Hool'áágóó wáin ts'ídá doo dadoohdlį́įł da; nihí áádóó nihada'áłchíní hool'áágóó doo deidoodlį́įł da, nihiłníigo yee nihich'į' haadzíí',

LEVITICUS 20:26

Áko nihí shich'į'go dadinohyin doo, háálá shí Bóhólníihii ts'ídá dinishyin, ał'ąą dine'é bits'ánihidiní'ą́, áko shíí' dadoohłeeł.

LEVITICUS 27:2

Ízrel dine'é bich'į' handziihgo kóbidiní, Diné ła' t'áá bí ádá ádee hadidoodzihgo Bóhólníihii yaa ádidoot'áałgo éí bą́ą́h aníłį́įgo bee hosíníł'ánígíí bik'ehgo ni'doolééł.

NUMBERS 30:3

Náá'áłdó' asdzání ła' éí Bóhólníihii yich'į' ádee hadoodzíi'go, doodaii' ániid naaghá yę́ędą́ą́' bizhé'é t'ah yił bighango t'áá bí ádá nihodiní'ą́ągo

NUMBERS 6:1

Áádóó Bóhólníihii éí Mózes yich'į' haadzíi'go ání,

LUKE 1:15

háálá éí Bóhólníihii binááł ayóó át'éii dooleeł, wáin índa tó diłhił doo yidoodlį́įł da, áádóó t'áá bí'ootsą́ą́dę́ę́' Níłch'i Diyinii bii' hadeezbin doo.

ACTS 18:18

Éí ákódaadzaadóó bik'ijį' Paul t'áá ákǫ́ǫ́ lą'í náábiiską́ áádóó índa ałk'isóó danilíinii bits'ą́ą́' hoł dah adii'éél, áko Prisíla índa Ákwila bił Síriyagóó hoł aní'éél. Sénkriyadi hatsii' há yilzhéé', háálá łahgo bee ádee hazdoodzíí'.

ROMANS 1:1

Shí Paul, Jesus Christ yá naal'a'í nishłíinii, deesh'aałgo shíká áhodoo'niidii, Diyin God baa hane' yá'át'éehii baa hodeeshnihgo ats'áshiníłtį́.

II CORINTHIANS 6:16

Diyin God bikin bii' sohodizin índa eda'alyaiishą' ha'át'íí yee t'ááłá'í nilį́įgo aha'didoot'ááł? Jó, nihí Diyin God hináanii bikin bii' sohodizin daniidlį́, háálá Diyin God t'áá bí ádííniid, Hatah kééhasht'į́į doo, áádóó hataasháa doo, áádóó haDiyin God nishłį́į doo, índa hó shidine'é dajílį́į dooleeł.

GALATIANS 1:15

Nidi t'ah doo shi'dichí yę́ędą́ą́' Diyin God ats'áshiníłtį́, áádóó bibee ajooba' yinahjį' shíká ádííniid. Éí t'áá bí íinízingo

HEBREWS 7:27

Jesus éí nahdę́ę́' aláahgo nááda'iiłniihii ádaat'į́ yę́ęgi át'éego t'áadoo ádzaa da. Nahdę́ę́' aláahgo nááda'iiłniihii t'áá ákwíí jį́ bibąąhági ádaat'éii biniyé nááda'iiłniih nít'éé', áádóó índa diné ałdó' bibąąhági ádaat'éii biniyé nááda'iiłniih nít'éé'. Nidi Jesus t'áá bí náá'ádiisnii' yę́ędą́ą́' t'ááłáhídiígíí ałtso náá'ádiisnii'.

JUDGES 13:14

Ha'át'íhída ch'il na'atł'o'ii bits'ą́ą́dóó ályaaígíí t'áadoo jiyání doo, wáin, doodaii' tó tsi'na'iiłáii t'áadoo jidlání doo, índa doo daadą́ą́góó bee nihá haz'áanii doo jidooyį́įł da; bee hach'į' haasdzí'ígíí t'áá át'é ts'ídá bik'eh hojíł'į́į doo.

JUDGES 13:4

Éí bąą bits'ąą ádaa áhólyą́ą dooleełii baa nánooshkąąh; wáin, doodaii' tó tsi'na'iiłáii t'áadoo nidlání, índa doo daadą́ą́góó bee nihá haz'áanii doo ła' dííyį́įł da,

JUDGES 13:5

háálá i'dí'nííltsąął, jó'akon, áádóó ashkii dííłchííł. Hatsii' doo k'ídoogish da, háálá ashkii t'áá yizhchį́į́dę́ę́' Diyin God bich'į' Názarait jílį́į dooleeł, áko Filístiya dine'é bits'ą́ąjį' Ízrel dine'é yisdéidiyoonił.

JUDGES 16:17

Áko bee nitsídzíkeesii t'áá át'é bee bił hojoolne'go ájíní, Ts'ídá doo shitsii' shá yilzhéeh da, háálá t'áá shimá shi'niiltsąądę́ę́' Diyin God bich'į' Názarait nishłį́. Shá oolzhée'go bee shidziilii shits'áhodooleeł, áko t'áá ła' diné ádaat'éhígi át'éego doo shidziil da deeshłeeł.

I SAMUEL 1:28

Éí bąą Bóhólníihii baa náhodiní'ą́; ts'ídá t'áá hwe'iina' ninít'i'jį' Bóhólníihii baa náhodiní'ą́ągo bíí' jílį́į dooleeł. Áko Íílai éí Bóhólníihii bich'į' nahodzisá.