NUMBERS 5:9 - Navajo Bible

⁹ Áádóó Ízrel dine'é éí diyingo náádayiiłniihii t'áá át'é náá'ii łniihii yaa dayiijáhígíí t'áá bíí' neheleeh.

NUMBERS 5:9 ပူးပေါင်းရင်းမြစ်များ

NUMBERS 18:19

Bił dah nídi'diilnihgo náádahaniihii dílzinígíí t'áá át'é éí Ízrel dine'é Bóhólníihii yaa deidiyii'aahígíí niye'ké índa nitsi'ké bił nihaa diní'ą́; éí ahóyéel'áágóó bee nihoní'áanii át'é; áshįįh bee aha'deet'áanii ahóyéel'áágóó Bóhólníihii binááł ni áádóó na'áłchíní náás ahoolchíiłii nihich'į' bee nihodiní'ą́.

EXODUS 29:28

Éran áádóó biye'ké éí Ízrel dine'é náádayiiłniihii hóó' neheleehgo yee nihoní'ą́ągo ahool'áa doo; jó, bił dah nídi'diilnihgo nááhániihii át'é; Ízrel dine'é bihózhǫ́ǫ́jí nááhániihii bits'ą́ą́dóó Bóhólníihii bich'į'go bił dah nídi'diilnihgo náádayiiłniihii át'é.

LEVITICUS 10:13

Áko t'áá ákwii hodiyingo haz'ą́ągi dadoohsį́į́ł, háálá ni áádóó niye'ké bił nihaa hidit'aahígíí Bóhólníihii bich'į' didlidgo náádahaaznii'ii bits'ą́ą́dóó át'é; jó, shí ákót'éego shich'į' yee haadzíí'.

LEVITICUS 6:26

Náá'iiłniihii éí ádił ni'iidzííhjí nááyiisnii'ígíí néídį́įh doo; hodiyingo haz'ánígi éí níbaal bii' dahozdísinii binaa haz'ánígi néídį́įh doo.

LEVITICUS 7:32

Ajáád nish'náájíígíí éí náá'iiłniihii baa nánítį́į́h; éí bił dah nídi'diilnihgo nááhidoonihii hózhǫ́ǫ́jí nááhániihii át'ée doo.

LEVITICUS 7:34

Jó, ajéíts'iin náásee bił nídi'dilnihígíí áádóó ajáád bił dah nídi'diilnihígíí éí hózhǫ́ǫ́jí nááhániihii łahdóó át'éego Ízrel dine'é bits'ą́ą́' náádiish'niłgo, náá'iiłniihii Éran áádóó biye'ké baa nídísh'áahgo éí bee nihoní'ą́ągo ahóyéel'áágóó Ízrel dine'é bitahgi ákót'ée doo.

LEVITICUS 10:14

Nidi ajéíts'iin náásee bił nídi'dilnihgo áádóó ajáád bił dah nídi'diilnihgo nááhaaznii'ígíí éí ni áádóó niye'ké índa nitsi'ké yá'áhoot'éehgi bił dadoohsį́į́ł; jó, ni áádóó niye'ké bił nihaa hidit'aahii éí Ízrel dine'é nááda'iiłniihgo hózhǫ́ǫ́jí náádayiiłniihígíí łahjį' danihíí'.

LEVITICUS 10:15

Áko ajáád bił dah nídi'diilnihgo áádóó ajéíts'iin náásee bił nídi'dilnihgo nááhániihígíí éí ak'ah didoodliłgo nááhániihígíí yił nídeijihgo Bóhólníihii binááł náásee bił nídi'dilnihgo náádahołniih doo, áko éí ni áádóó niye'ké bił danihíí' doo; éí yee nihoní'ą́ągo ahóyéel'áa doo; jó, ákót'éego Bóhólníihii haadzíí'.

NUMBERS 5:8

Nidi diné yich'į' doo ákǫ́ǫ́ áát'įįdígíí doo hináágóó áádóó bik'éí doo hólǫ́ǫ́góó t'áadoo yich'į' niná'ódlé łígóó éí doo ákǫ́ǫ́ áát'įįdígíí niná'doodléełgo Bóhólníihii bá náá'iiłniihii baa didoot'áałgo deenásts'aa' bee á k'ééhoodǫǫłii óóltą'go há k'ééhozhdoołdǫǫłii nááhizhdoołnih.

NUMBERS 31:41

Áko Mózes éí Bóhólníihii bich'į' bił dah nídi'diilnihgo nááhániihii nályééh át'éego náá'iiłniihii Eliyéízar yeinínil; Bóhólníihii éí Mózes áyidííniidígíí yik'ehgo ádzaa.

DEUTERONOMY 12:26

T'áá hazhó'ó dadílyingo nidaahjaahii áádóó bee ádee hadadidoohdzihgo náádahołniihii t'éí Bóhólníihii náhodidoo'áłíjį' nidahohjááh.