NUMBERS 5:8 - Navajo Bible

⁸ Nidi diné yich'į' doo ákǫ́ǫ́ áát'įįdígíí doo hináágóó áádóó bik'éí doo hólǫ́ǫ́góó t'áadoo yich'į' niná'ódlé łígóó éí doo ákǫ́ǫ́ áát'įįdígíí niná'doodléełgo Bóhólníihii bá náá'iiłniihii baa didoot'áałgo deenásts'aa' bee á k'ééhoodǫǫłii óóltą'go há k'ééhozhdoołdǫǫłii nááhizhdoołnih.

NUMBERS 5:8 ပူးပေါင်းရင်းမြစ်များ

LEVITICUS 7:7

Ádił ni'iidzííhjí nááhániihiigi át'éii át'éego doo ákǫ́ǫ́ ájíít'įįdjí nááhániihii nááyiiłniih doo. Éí t'áá áłah t'ááłá'í bee haz'áanii bá át'é. Náá'iiłniihii éí bee k'ééhoodǫǫłgo nááyiiłniihígíí éí t'áá bí doo.

LEVITICUS 5:16

Áko dílzingo Bóhólníihii baa náhidit'aahígíí bee doo ákǫ́ǫ́ ájíít'įįdígíí bik'é ninázh'doodlééł biniyé bą́ą́h ílínígíí ashdla'go aháádzooígíí t'ááłá'í bínéidoozohgo náá'iiłniihii bich'į' ninázh'doodlééł, áko náá'iiłniihii éí há bee k'ééhoodǫǫłgo doo ákǫ́ǫ́ ájíít'įįdjí nááhániihii deenásts'aa' há néidiyoołnih áádóó doo ákǫ́ǫ́ ájíít'įįdígíí há yóó'anídidoot'ááł.

LEVITICUS 6:5

Doodaii' t'áá ha'át'íhída bąą t'áá ádzaagóó ádee hazdoodzí'ígíí éí doo t'óó bíighahígo ninázh'doodléeł da, nidi bą́ą́h ílínígíí ashdla'go aháádzooígíí t'ááłá'í bínéizdoozohgo ninázh'doodlééł, áko doo ákǫ́ǫ́ ájíít'įįdjí nááhániihii át'éego nááhániih bijį́į́ góne' éí bíí' ílíinii baa nízh'doo'nił.

NUMBERS 5:7

yee ádił asiihígíí yee ádaa hodoolnih, áádóó doo ákǫ́ǫ́ ayííł'įįdígíí yik'é yich'į' niná'doodlééł, índa ashdla' aháádzooígíí t'ááłá'í yínéidoozohgo yich'į' doo ákǫ́ǫ́ áát'įįdígíí yeidoonił.

NUMBERS 5:9

Áádóó Ízrel dine'é éí diyingo náádayiiłniihii t'áá át'é náá'ii łniihii yaa dayiijáhígíí t'áá bíí' neheleeh.

II KINGS 12:16

Bee haz'áanii k'éti'jí nááhániihii áádóó ádił oodzíi'gi bee k'ééhodoodǫǫłgo nááhániihii bá béeso sinilígíí éí nááda'iiłniihii daabí; éí doo Bóhólníihii bikin bii' sohodizin góne' yah aajaa' da.