NUMBERS 5:7 - Navajo Bible

⁷ yee ádił asiihígíí yee ádaa hodoolnih, áádóó doo ákǫ́ǫ́ ayííł'įįdígíí yik'é yich'į' niná'doodlééł, índa ashdla' aháádzooígíí t'ááłá'í yínéidoozohgo yich'į' doo ákǫ́ǫ́ áát'įįdígíí yeidoonił.

NUMBERS 5:7 ပူးပေါင်းရင်းမြစ်များ

LEVITICUS 5:5

Ákohgo kózhdoonííł: éí ła' bee ádihozhdiilt'i'go éí bee ádił asésiih jiníigo bee ádaa hozhdoolnih.

JOSHUA 7:19

Áko Jáshowa éí Éíkan áyidííniid, Shiye' nílíinii, Ízrel biBóhólníihii Diyin God baa ha'niihgo éí bich'į' ádaa hodíílnih. T'áadoo shits'ąą naníł'iní; íínít'įįdígíí k'ad bee shił hólne'.

LEVITICUS 26:40

Áádóó doo ákwii ádáát'įįdígíí yee ádaa dahalne'go dabizhé'é yę́ę doo ákwii ádáát'įįdígíí doo ákǫ́ǫ́ áhát'íinii yee doo ákǫ́ǫ́ ádashííł'įįdgóó yee ádaa dahoolne'go áádóó ałdó' shits'ą́ą́jí t'óó shik'ijį' danilínígíí áádóó ałdó' shik'ijį' danilį́įgo deíkááh nít'é'ígíí yee ádaa dahalne'.

LUKE 19:8

Nít'éé' Zakíyas yiizį'go Bóhólníihii áyidííniid, Jó'akon, Bóhólníihii, shinaalye'é ałníí'dóó badahojoobá'íígíí bitaa deeshnih, áádóó diné ła' t'áá ádzaagóó t'áadoo le'é bee bida'délo'ii, éí dį́įdi ahą́ą́h nániiláago baa náhideesh'nił.

PROVERBS 28:13

T'áá háiida bee haz'áanii k'íiníti'ii yik'i hooziidii doo náás doogáał da, nidi t'áá háiida bee haz'áanii k'ízhníti'ii bee ádaa hojoolne'ii áádóó yóó'azhdíí'áanii Diyin God bibee aa a'ááh hasinii shóizhdoołt'eeł.

PSALMS 32:5

Ádił ni'iyísíi'ii nich'į' bee ádaa ákoniiszį́į́', áádóó doo ákwii áát'įįdii t'áadoo nídíł'į́į' da; Bee haz'áanii híti'ii éí Bóhólníihii bee bił hodeeshnih, dííniid; ákohgo doo ákwii át'éii bee ádił ni'iyísíi'ii shá yóó'ańdííní'ą́. Síilah.

LEVITICUS 7:7

Ádił ni'iidzííhjí nááhániihiigi át'éii át'éego doo ákǫ́ǫ́ ájíít'įįdjí nááhániihii nááyiiłniih doo. Éí t'áá áłah t'ááłá'í bee haz'áanii bá át'é. Náá'iiłniihii éí bee k'ééhoodǫǫłgo nááyiiłniihígíí éí t'áá bí doo.

LEVITICUS 5:15

Ła' doo ákǫ́ǫ́ ájíít'įįdgóogo áádóó dílzingo Bóhólníihii baa náhidit'aahígíí t'áadoo baa ákozníziní bił ádił adzisiihgo éí dibé bitahdę́ę́' deenásts'aa' hadaałt'éii éí shékel wolyéii hodiyingo haz'ą́ą́ góne' choo'íinii bik'ehgo doo ákǫ́ǫ́ ájíít'įįdígíí biniyé nááhidoonihii jidoolóós.

LEVITICUS 5:16

Áko dílzingo Bóhólníihii baa náhidit'aahígíí bee doo ákǫ́ǫ́ ájíít'įįdígíí bik'é ninázh'doodlééł biniyé bą́ą́h ílínígíí ashdla'go aháádzooígíí t'ááłá'í bínéidoozohgo náá'iiłniihii bich'į' ninázh'doodlééł, áko náá'iiłniihii éí há bee k'ééhoodǫǫłgo doo ákǫ́ǫ́ ájíít'įįdjí nááhániihii deenásts'aa' há néidiyoołnih áádóó doo ákǫ́ǫ́ ájíít'įįdígíí há yóó'anídidoot'ááł.

LEVITICUS 26:41

Shí ałdó' dabik'ijį' nishłį́į́ nít'éé' bida'ana'í bikéyah góne' íí'eezhígíí yaa ákodaniizį́į́'; jó'áko dabijéí doo daalzį́į' da nít'éé' yę́ę a'ohgo ádaat'é ádabi'diilyaago índa doo ákwii ádáát'įįdígíí biniinaa atídabi'diilyaaígíí t'éí bada'ahódlíigo

NUMBERS 5:8

Nidi diné yich'į' doo ákǫ́ǫ́ áát'įįdígíí doo hináágóó áádóó bik'éí doo hólǫ́ǫ́góó t'áadoo yich'į' niná'ódlé łígóó éí doo ákǫ́ǫ́ áát'įįdígíí niná'doodléełgo Bóhólníihii bá náá'iiłniihii baa didoot'áałgo deenásts'aa' bee á k'ééhoodǫǫłii óóltą'go há k'ééhozhdoołdǫǫłii nááhizhdoołnih.