NUMBERS 5:3 - Navajo Bible

³ diné, doodaii' asdzánída nahgóó hoda'ayołnííh; éí níbaal haal'á bits'áhwiiní'ą́ą́góó hoda'ayołnííh, áko níbaal haal'áagi honishłónígi doo dahozhdoołchxǫǫ ł da.

NUMBERS 5:3 ပူးပေါင်းရင်းမြစ်များ

DEUTERONOMY 23:14

Háálá Bóhólníihii nihiDiyin God éí nihiníbaal haal'áhígi nihitahgi hólǫ́, áko yisdánihiinííł áádóó nihi'ana'í nihílák'ee yidii'aah; éí bąą nihiníbaal haal'áagi hodiyin dooleeł, áko doo yá'áshóonii doo ła' nihitahgi yiidoołtséeł da, áádóó doo nihits'ą́ą́' dah hodidooleeł da.

REVELATION 21:27

Nidi ha'át'íida t'óó baa'ihii ts'ídá doo biih hodooleeł da, índa doo yildingóó naagháii áádóó biyooch'íidii ts'ídá doo yiih doogáał da, nidi iiná naaltsoos Dibé Yázhí nilíinii bíhígíí biyi' dabízhi' bik'idaasdzohii t'éiyá yiih dookah.

REVELATION 21:3

Áko bikáá'dóó nahat'áii bits'ą́ą́dóó ayóó íits'a'go iinéé' kóníigo diséts'ą́ą́', Jó'akon, Diyin God yii' kééhat'íinii diné bił hólǫ́. Éí bił kééhojit'į́į doo, áádóó bidine'é dajílį́į doo. Diyin God t'áá bí hoł hólǫ́ǫ doo, índa haDiyin God nilį́į doo.

TITUS 3:10

Diné ła' ałts'á'áldahgo ída'ale'ii, t'ááłáhídi éí doodaii' naakidida, T'áadoo ánít'íní, nábididíí'niiłgo índa t'áadoo baa nánít'íní doo.

II THESSALONIANS 3:6

Nihik'isóó, nihiBóhólníihii Jesus Christ bízhi' bee ádanihidii'ní, Nihik'is t'áá háiida ák'eh dahal'ínígíí índa bee nidanihineetą́ą'ii doo yik'ehgo át'éhígíí t'áadoo bił naałdeehí.

ISAIAH 12:6

Dził Záíyandi kééhót'íinii baa hózhóonii biniinaa ayóó íits'a'go sin bee hótaał, háálá Ízrel biDiyin nilíinii nihitahgóó hólónígíí éí ayóó át'é.

PSALMS 68:18

Aghánáhóó'áajį' hahosíníle'. Yisnááh t'áadoo bee néelą́'ígóó hashíní'eezh. Áádóó ákwii Bóhólníihii kééhat'į́į doo biniyé diné bitahgi aa deet'áanii naa dayiiznil; nidaalteehii nidi bitahgi ałdó' naa da'iiznil.

I KINGS 7:3

Áyah danii'áhígíí dízdiindóó ba'aan ashdla'go éí t'ááł á'í hadiit'i'go adaaz'áhígíí ashdla'áadahgo adaaz'áago bikáa'gi dilk'is hasht'e'nibída'atsélígíí shizhoozh.

NUMBERS 35:34

Éí bąą kéyah bii' kéédahoht'į́į dooígi t'ááká dahoołchxǫǫh lágo, háálá ákwii shí kééhasht'į́; jó, shí Bóhólníihii nishłį́įgo Ízrel dine'é bitahgi kééhasht'į́.

NUMBERS 19:22

Áádóó chin bąąh hólóonii t'áá ha'át'íhída bídahizhdiyii'náhígíí chin bąąh hólǫ́ nidahaleeh, índa t'áá háiida éí chin bąąh hólǫ́ nidahaleehígíí bíhizhdéé'náa'go i'íí'ą́ąjį' chin bąąh hólǫ́ǫ doo.

EXODUS 25:8

Áádóó bíni'dii diyingo haz'ą́ągo shá ádeidoolííł, áko hatahgi kééhasht'į́į doo.

EXODUS 29:45

Áko Ízrel dine'é bitah kééhasht'į́įgo biDiyin God nishłį́į doo.

LEVITICUS 14:8

Áádóó éí bi'didééh ábi'dilnéhígíí éí bi'éé' yidoogis áádóó t'áá bí ałtso ádá nídoolzhih índa nidoobeeł, áko bi'didoodah, áádóó bik'ijį' níbaal haal'áajį' nídoodááł, nidi biníbaaldóó t'áá tł'óo'di tsosts'id biidoołkááł.

NUMBERS 5:4

Áádóó Ízrel dine'é ákódaadzaa, hąąh nidahałniihii éí níbaal haal'á bits'áhwiiní'ą́ą́góó hoda'asnii'. Bóhólníihii éí Mózes yich'į' yee haadzí'ígi át'éego Ízrel dine'é t'áá ákóda'iilaa.

NUMBERS 16:3

Áko áłah áda'diilyaago Mózes áádóó Éran yik'ijį' danilį́įgo ádeiłní, Nihí t'áá íiyisí ádíhwíínółnííh, háálá oonéłígíí t'áá ałtso dadiyin áádóó bitahgi Bóhólníihii hólǫ́, ákoshą' ha'át'íí biniyé Bóhólníihii bidine'é dah yinéłígíí bilááh ánóht'éego í'doołyaa?

LEVITICUS 15:31

Kót'éego Ízrel dine'é doo bida'didéhígíí t'óó bits'ádahidí'aah, áko doo bi'didéhígíí doo yii' dadínóonéeł da; t'áá hazhó'ó shiníbaal bii' hodílzinii hatahgi si'ánígíí dajííłchxǫ' go t'éiyá.

DEUTERONOMY 23:15

Áko naalte' éí yá naal'a'í yits'ą́ą́' yóó'eelwodii nihaa yílwodgo yá naal'a'í doo baa nídadoołtéeł da.