NUMBERS 5:23 - Navajo Bible

²³ Áádóó náá'iiłniihii éí díí hóyée'jį' á ha'iidziihígíí naaltsoos yisdisii yikáá' íidoolííł áádóó tó hodiiłch'ihii yee k'éé'iidoołchxǫǫł,

NUMBERS 5:23 ပူးပေါင်းရင်းမြစ်များ

REVELATION 20:12

Diné daneeznáanii ayóó ádaat'éii índa a'ohgo ádaat'éii bikáá'dóó nahat'áii bidááhdóó naazį́įgo yiiłtsą́. Naaltsoos ąą ádaalyaa, áádóó naaltsoos náánáła', éí iiná naaltsoos át'éego ałdó' ąą ályaa. Diné daneeznáanii yaa nidaaskai naaltsoos bikáá' ádaalyaago bik'ehgo baa nídahast'įįd.

ACTS 3:19

Éí bąą nihibąąhági ádaat'éii nihá k'ééda'doolchǫǫł biniyé łahgo át'éego tsíńdahidohkeesgo Diyin God bich'į' dah nídahidoohkááh, áko Bóhólníihii bits'ą́ą́dóó bee ák'ééhwiitáadii nihee náhoodleeł doo.

ISAIAH 44:22

K'os diłhił áádóó áhí yóó'iilzho'ígi át'éego bee haz'áanii híníti'ii índa ádił ni'iyínílzí'ígíí ná k'éé'ííłchǫ'; shich'į' ninánídááh, háálá nik'é niná'níshdlá.

ISAIAH 43:25

Shí, t'áá shí ádił nida'iyohsíhígíí shinahjį' k'ééda'ashchǫǫhii nishłį́, áádóó nihibąąhági át'éii doo béénáshniih da doo.

PSALMS 51:9

Ádił ni'ayészíi'ii bits'ą́ąjį' ánínééh, áádóó doo ákwii áát'įįdii ałtso shá k'éé'íłchxǫǫh.

PSALMS 51:1

Diyin God nílíinii, aa a'ááh nínízinii bik' ehgo shaa jiiníbaah; bee aa a'ááh nínízinii t'óó ahayóígíí bik'ehgo bee haz'áanii héti'ii shá k'éé'íłchxǫǫh.

JOB Naaltsoos Biyi' Job Baa Hane'ii 31:35

Dooládó' ła' shíists'ą́ą́' laanaa da! Jó, kǫ́ǫ́ ádaa hashne'go Aláahgo Ayóó'ábóodziilii shich'į' ééhoosįįh laanaa nisin, índa shi'ana'í nilíinii naaltsoos bikáa'gi ak'e'ółchíiłgo shaa chíhó'ááł laanaa nisin.

II CHRONICLES 34:24

Bóhólníihii kóní, Shoo, doo yá'ádaashóonii díí haz'áníjį' índa ákwii kéédahojit'ínígíí hak'ijį' kódeeshłííł; éí hóyée'go á hada'iisdzíi'ii t'áá át'é naaltsoos bik'inídaháasdzogo ályaa yę́ę, Júdah dine'é aláahgo binanit'a'í binááł yéélta'ii hak'ijį' kódeeshłííł.

DEUTERONOMY 31:19

Éí bąą k'ad díí sin bee ak'e'íłchíigo, éí bee Ízrel dine'é bínabiníłtin, áádóó bizadahidííleeł, áko díí sin bee hojitaałgo Ízrel dine'é bizhdiilkaalgo shá bił hojilne' doo.

EXODUS 17:14

Áko Bóhólníihii éí Mózes áyidííniid, Díí bééhániih doo biniyé naaltsoos bikáá' bee ak'e'íłchí, áádóó Jáshowa bich'į' bee yádííłtih, háálá Ámalek bééhániih dooígíí t'áá át'é nahasdzáán bikáa'gi nahjį' kódeeshłííł.

NUMBERS 5:22

Díí tó bee hóyée' jį' ná ha'iidziihígíí niih hóóle'go nibid yidínóołchał índa nitsoosk'id yididoołdził. Áko asdzání ádidooniił, T'áá ákót'ée doo, t'áá ákót'ée doo.

NUMBERS 5:24

índa náá'iiłniihii éí tó hodiiłch'ihii bee hóyée'jį' á ha'iidziihígíí asdzání yidiyoołdlį́į́ł, áko tó bee hóyée'jį' á ha'iidziihígíí ayííłna'go éí tóhígíí dích'íí' dooleeł.