NUMBERS 5:2 - Navajo Bible

² Ízrel dine'é bich'į' handziihgo ábidiní, Łóód ats'íís yiyáanii bąąh naałniihii áádóó t'áá ha'át'íhída bąąh hááłts'ą'ii t'áá ałtso índa t'áá háiida éí daaztsáanii bits'íís bíhizhdéé'náa'go bee jííchxǫ'ii éí níbaal haal'á bits'áhwiiní'ą́ą́góó hoda'ayołnííh;

NUMBERS 5:2 ပူးပေါင်းရင်းမြစ်များ

LEVITICUS 21:1

Áádóó Bóhólníihii éí Mózes ííłní, Éran biye'ké nááda'iiłniihii danilíinii bich'į' handziihgo kóbidiní, Ła'da dadziztsą́ągo hadine'é bitahgi doo bee ádizhdoolchxǫǫł da.

LEVITICUS 13:46

Éí yidiiską́ą́góó naałniih bee bąąh dahaz'ą́ągo baa'ihii jílį́į dooleeł; doo bi'díídee'ii jílį́; t'áá sahdii haghan doo; níbaal haal'á bits'áhwiiní'ą́ądi haghan doo.

NUMBERS 12:14

Áko Bóhólníihii éí Mózes ííłní, Hazhé'é nidi hanii' yik'ídeezhée'go tsosts'id yiską́ąjį'ísh baa yáznízin doo? Háni'dii tsosts'id yiską́ąjį' níbaal haal'á bits'áhwiiní'ą́ą́góó kóhodi'doolnííł, áádóó bik'ijį' índa nihił yah anízhdoodááł.

NUMBERS 31:19

Áádóó diné ła' soołhínígíí, doodaii' ats'íís daaztsą́ągo bíhidoohnáa'ii éí tsosts'id yiską́ąjį' níbaal haal'á bits'áhwiiní'ą́ądi nihighan doo, áko nihí áádóó yisnááh óołaaígíí biłgo táá' yiłkaah bijį́ áádóó tsosts'id yiłkaah bijį́ diyingo ádadidoołdah.

II KINGS 7:3

Nít'éé' diné éí łóód ats'íís yiyáanii naałdzidii bąąh dahólónígíí yah a'atiingi naháaztą́, áko áda'ahidi'níigo, Ha'át'íí lá biniyé t'áá daats'í kǫ́ǫ́ dadíníi'néełgo nahísíitą́?

LEVITICUS 13:8

Áko náá'iiłniihii éí yiyiiłtsą́ągo łóód nááltseígíí hakágí bii'góó náás dees'nii' lágo, Doo ni'didéeh da lá, hodidooniił; jó, éí łóód ats'íís yiyáanii naałdzidii át'é.

LEVITICUS 14:8

Áádóó éí bi'didééh ábi'dilnéhígíí éí bi'éé' yidoogis áádóó t'áá bí ałtso ádá nídoolzhih índa nidoobeeł, áko bi'didoodah, áádóó bik'ijį' níbaal haal'áajį' nídoodááł, nidi biníbaaldóó t'áá tł'óo'di tsosts'id biidoołkááł.

LEVITICUS 23:29

T'áá éí bijį́ t'áá háiida doo adą́ą́góó hodílzingo sohodizin doo áńjiil'įįhígíí éí hodine'é bits'ą́ąjį' hodi'yoolyééł.

NUMBERS 5:1

Áádóó Bóhólníihii éí Mózes yich'į' haadzíi'go ání,

NUMBERS 12:10

Áádóó níbaal bii' hodílzinii bits'ą́ą́dóó k'os dah nídiildoh; jó, Míriyam éí łóód ats'íís yiyáanii yasgi át'éego łigaigo hodoolna', áko Éran éí Míriyam jinééł'į́į́ nít'éé', shoo, łóód ats'íís yiyáanii bidoolna' lá.

LEVITICUS 13:45

Áádóó łóód bee bąąh dah haz'áanii éí bi'éé' bik'i neheesdǫ́ǫz doo áádóó bitsiits'iin nidi doo bik'é'ésti' da doo, índa bidaa' bik'é'ésti'go, Doo shi'díídee' da, doo shi'díídee' da, níigo háádílwosh doo.