NUMBERS 5:18 - Navajo Bible

¹⁸ áádóó náá'iiłniihii éí Bóhólníihii binááł asdzání bił jidoo'ashgo bitsii' bik'i ná'iizhdoo'ał áádóó bee ééhániihgo nááhániihii éí łe'hasinjí nááhániihii át'éego bílák'ezhdookááł, áko náá'iiłniihii éí tó hodiiłch'ihii bee hóyée'jį' á ha'iidziihígíí dah yookáał doo.

NUMBERS 5:18 ပူးပေါင်းရင်းမြစ်များ

HEBREWS 13:4

Bíni'dii t'áá ádzíłtso agééh hoł danilį́į le', áádóó ahé'áské dílzin le'. Na'ageh bee tsi'nidajikaii, índa dazh'diléii éí Diyin God há nihodiyoo'ááł.

I CORINTHIANS 11:6

Asdzání bitsii' doo yik'é'ésti'góó bitsii' k'ídoogish. Asdzání bitsii' k'ídoogishgo, doodaii' bitsii' bá doolzhihgo yaa yánízingo, bíni'dii yik'í'doołtih.

JEREMIAH 2:19

Doo yá'áníshónígíí t'áá éí hasht'énidoodlííł, áádóó t'ą́ą́' anéínílwodígíí nididooteh. Éí bąą Bóhólníihii niDiyin God yóó'adííní'ánígíí bik'ee t'áá íiyisí ináháshch'íi'ii índa doo yá'át'éehii át'éé lágo baa nitsídííkosgo nił bééhodoozįįł, áádóó shidíínísin dooleełígíí nidi nii' ádin, ní t'áá ałtsoní bee Bóhólníihii Diyin God.

ISAIAH 38:17

Jó, yéego dinishniihígíí biniinaa hasht'ehodít'é shee hazlį́į́'; shii' sizíinii ayóó'ííní'níigo a'áán hodiłdzid bits'ą́ąjį' hááshííníłtį́; shibąąhági át'éii t'áá ałtso nine'jigo ahíníłtł'ííd.

ECCLESIASTES 7:26

Asdzání ła' bijéí łoh áádóó tł'óół yistł'óonii át'éego bíla' éí álátsíín niná'niłí át'éego aniné biláahgo dích'íi'go hadinish'į́į́'; t'áá háiida Diyin God yił hóshóonii éí yits'ádínóochééł, nidi diné ádił ni'iilzíihii éí asdzání azahodínóo'ah.

PROVERBS 5:4

Nidi áhooł'įįhdi éí t'áá íiyisí dích'íi'go béé'joo'nih; diltłish ałts'ą́ąjį' deenínígi át'éego deení.

I SAMUEL 15:32

Ákohgo Sámuel ání, Ámalek dine'é aláahgo binanit'a'í Éígag bił nídiit'aash. Áádóó Éígag éí łį́į́' bikétsíín be'estł'ónígi át'éego haa níyá. Áko Éígag ání, Dooládó' t'áá aaníí aniné bik'e'íyée' da nít'éé'.

DEUTERONOMY 29:18

Áko diné ła'da, doodaii' asdzánída, doodaii' hooghandóó dah ooldahii, doodaii' ła' dine'é díí jį́ Bóhólníihii nihiDiyin God doo yits'áhidookah da biniyé áádóó ał'ąą dine'é bidiyin dabidi'níinii doo yich'į' nidahałáa da doo biniyé, áádóó nihitahdóó ehétł'óól bits'ą́ą́dóó báhádzidgo na'ałtseedii índa dích'íi'ii doo hodooleeł da biniyé.

NUMBERS 5:22

Díí tó bee hóyée' jį' ná ha'iidziihígíí niih hóóle'go nibid yidínóołchał índa nitsoosk'id yididoołdził. Áko asdzání ádidooniił, T'áá ákót'ée doo, t'áá ákót'ée doo.

NUMBERS 5:17

áko náá'iiłniihii éí hashtł'ish łeets'aa' bee tó diyinígíí néididookááł índa níbaal bii' hodílzinii bii' ni'dóó łeezhígíí néididoojihgo tó yiih yidoojih,

NUMBERS 5:15

áko be'asdzą́ą́ jílíinii éí náá'iiłniihii yich'į' hoł doo'ashgo néidiyoołnihígíí há yidookááł, éí ómer bee í'neel'ąąhí bee tł'oh naadą́ą́' nanool'ołí ak'áán ályaii t'ááłáhídi haaką́ągo éí ak'ah doo bik'i yeizdooził da áádóó tsin bijeeh dilidgo łikání halchinii fránkinsens wolyéii ałdó' doo bąąh ázhdoolíił da, háálá łe'hasinjí nááhániihii át'é; doo ákwii áhóót'įįd bééhwiinííhjí nááhániihii át'é.

LEVITICUS 13:45

Áádóó łóód bee bąąh dah haz'áanii éí bi'éé' bik'i neheesdǫ́ǫz doo áádóó bitsiits'iin nidi doo bik'é'ésti' da doo, índa bidaa' bik'é'ésti'go, Doo shi'díídee' da, doo shi'díídee' da, níigo háádílwosh doo.

I CORINTHIANS 11:15

nidi asdzání bitsii' nineezgo éí bee bił ídlį́įgo baa nitsáhákees, háálá hatsii' bik'é'ésti' doo biniyé áho'diilyaa.

NUMBERS 5:19

Áko náá'iiłniihii éí asdzání ádee hayiyííłdzíi'go íididooniił, Diné doo ła' nił neezhtéézhgóó, índa nahastiin doo bits'ą́ą́' dah diniyáágóó t'ah bóhwííníłníihgo áádóó t'áadoo ádíínílchxǫ'góogo, díí tó hodiiłch'ihii bee hóyée'jį' á ha'iidziihígíí doo nidídóołniił da.