NUMBERS 4:3 - Navajo Bible

³ tádiindóó ashdladiin béédááhaijį' éí níbaal bii' dahozdísinii yindadoolnishgo yaa daneesánígíí ałtso yíníłta'.

NUMBERS 4:3 ပူးပေါင်းရင်းမြစ်များ

GENESIS 41:46

Áádóó Jóseph tádiin binááhaigo Ííjip dine'é binanit'a'í Féro binááł naat'áanii dzizlį́į́'. Jóseph éí Féro yits'ą́ą́dóó ch'ínádzáago Ííjip kéyah t'áá át'éé nít'éé' yaa naneeztą́ą́'.

II SAMUEL 5:4

David tádiin honááhaigo aláahgo naat'áanii dzizlį́į́', áádóó dízdiin nááhaijį' aláahgo naat'áanii jílį́į́ nít'éé'.

I CHRONICLES 6:48

Bik'isóó ałdó' Líívai dine'é danilį́įgo éí Bóhólníihii biníbaal bii' hodílzinii éí Diyin God bikin wolyéii si'ą́ągi t'áá ałtsojį' chodajoo'į́į doo biniyé niho'dee'nil.

II CHRONICLES 31:17

Nááda'iiłniihii éí dabizhé'é yę́ę bits'ą́ą́dóó náás ahoolchííł bik'ehgo áádóó Líívai dine'é naadiindóó dego béédááhaígíí éí t'áá ałkéé' daníjaa'go bindaanishígíí bik'ehgo dayíłkiin dooígíí baa nídaajih nít'éé'.

EZRA 3:8

Jerúsalem kin haal'áagi Diyin God bikin ánálnéhíjį' nináhaaskaigo naaki béédaahááh góne' naaki nídízííd binih, Shiyáltiyel biye' Zerábabel áádóó Jázadak biye' Jéshuwa áádóó dabik'isóó nidahaasdzí'ígíí éí nááda'iiłniihii áádóó Líívai dine'é danilíinii índa yisnááh danilį́į́ nít'éé' yę́ę éí Jerúsalemjį' nidahaaskaígíí t'áá ałtso bił. Diyin God bikin bidazhdeeshnish, áádóó yik'i dadéez'į́į' dooleeł biniyé Líívai dine'é naadiindóó yówehgo béédááhaígíí nídeidiinil.

NUMBERS 1:3

Ízrel dine'é danilíinii bitahgi naadiindóó yówehgo béédááhaii ana'al'į́ yídaneel'áanii t'áá ałtso dah deínéehii Éran bił yídííłtah.

NUMBERS 1:50

Nidi Líívai dine'é éí níbaal bii' hodílzinii, éí neeznáago bik'eh ó'oo'níiłii bee bééhániihii bii' sinilii, áádóó łeets'aa' t'áá át'é índa t'áá ałtsojį' bił chodao'íinii bee hódahólníih doogo nihodíínił, índa níbaal bii' hodílzinii áádóó t'áá ałtsojį' bił chodao'íinii t'áá bił nidajiyéego baa ádahojilyą́ą dooleeł, índa níbaal bii' hodílzinii binaagóó ninádaji'néeh doo.

NUMBERS 16:9

Díísh doo ílį́įgo baa nitsídaahkees da? Ízrel dine'é biDiyin God éí Ízrel dine'é dah yinéełgo yits'ánihinínilii t'áá bí áháníjį' ádích'į' ninihii'éshígíí Bóhólníihii biníbaal bii' hodílzin góne' nidaałnish doo índa dah oonéłígíí binááł nidaał'a' doo biniyé nánihidiinil.

NUMBERS 4:2

Kóhath bada'áłchíní ahoolchíiłii Líívai dine'é bitahgóó ahii' háá'ahiyoolchíłígíí dabizhé'é yę́ę ya'áłchíní náás ahoolchíiłii danilį́įgo éí yíníłta';

NUMBERS 4:23

tádiindóó ashdladiin béédááhaijį' yídííłtahgo t'áá ałtso nidadool'aał biniyé yah ahekáhígíí níbaal bii' dahozdísinii góne' nidaalnish doo.

NUMBERS 4:30

tádiindóó ashdladiin béédááhaijį' yídííłtahgo t'ááłá'í nítínígo nidadool'aał biniyé yah ahekáhígíí níbaal bii' dahozdísinii góne' nidaalnish doo.

NUMBERS 4:35

tádiindóó ashdladiin béédááhaijį' t'ááłá'í nítínígo nidadool'aał biniyé yah ahekáhígíí éí níbaal bii' dahozdísinii góne' nidaalnish doo.

NUMBERS 4:4

Díí Kóhath dine'é éí níbaal bii' dahozdísinii yindaalnishgo aláahgo dadiyinii yaa ádahalyą́ą doo.

NUMBERS 4:47

éí tádiindóó ashdladiin béédááhaijį' níbaal bii' dahozdísinii góne' nidaalnishii t'ááłá'í nítínígo nidool'aałgo nidoolnish biniyé yah aheeskaígíí éí hééł nideiyéego

LUKE 3:23

Jesus t'óó nídí'níitą́ą́' yę́ędą́ą́' tádiin daats'í binááhai, éí Jóseph biye' (bi'dó'níigo), Jóseph éí Híílai biye',

I TIMOTHY 1:18

Shiye' Timothy, na'ííníshłíigo ánidishní, T'áá bítséedi bee naa hóóne'ii bik'ehgo yá'át'éehii yéego bich'ą́ą́h nanibaah.

I TIMOTHY 3:1

Kóhá'níinii éí t'áá aaníí: Diné ła' oodlání yá sizíinii deeshłeeł jinízingo, naanish t'áá íiyisí yá'át'éehii jinízingo át'é.

I TIMOTHY 3:6

Ániid oosdląądii éí dooda, jó, éí t'áá áko ádaa hodzódlí bide át'įįhgo biniinaa níłch'i bida'iiníziinii binanit'a'í bá nihoot'ánígi át'éego há nihodoot'áałgo át'é.